MATYOO 8:3 - Bafia Nouveau Testament

³ Fɔɔnnɛ Yeesus à nàmgà càg, à kòm ŋwaànɛ̀n à kpaa lɛ: Ki kɔni mɛ̀, ɓaya lɛ syeesyee ɓi nyoo yɔ̀ɔ̀. Nni ŋwaànɛ̀n à ghàskà kì wɔ̀ni kwiy wiì lɔŋ wɔɔ foo.

MATYOO 8:3 ပူးပေါင်းရင်းမြစ်များ

MATYOO 12:13

Yeesus à kpaa min ŋwaànɛ à ɓaghà rì kìɓɔmà ki càg lɛ: Nàma càg. Ŋwaànɛ̀n à nàm; càg kii kiǹ ki sugtì lɛ syeesyee yɛ̀ɛ kim̀bog.

MARIKUS 1:41

Fɔɔnnɛ nyìighnyìg ì kìghà Yeesus rì ŋwaànɛ̀n, à nàm càg à kòm nyi, à kpaa lɛ: Ki kɔni mɛ̀, ɓaya lɛ syeesyee ɓi nyoo yɔ̀ɔ̀.

MARIKUS 4:39

Nni Yeesus à ghèmbɛ̀ngà, à fwààdɛ̀n bɛ̀ɓ, à kpaa rìɓày lɛ: Maarɛn, u kɔri lɛ fyòoog, nsoò maa m̀pɔ̀ɓ kɛ̀ɛ wooghrɛn ti.

MARIKUS 5:41

Nni à ɓangà ŋwɔɓti ɓi càg, à kpaa nyi lɛ: Talita kumi! Yɛɛ lɔɔ lɛ, Ŋwutyàà-giɓ, ǹkalii wɔ̀ lɛ pɛ̀sɛn aɗyòò.

MARIKUS 7:34

Ajɛ̀m ìnɛn, nni à ɓegsìghà mis aɗyoo, à fɛmzɛ̀n, à kpaa lɛ: Èfata! Yɛɛ lɔɔ lɛ, ŋwàrɛn.

MARIKUS 9:25

Yɛ̀ɛ Yeesus à ghɛngà di ɓum ɓɛ ti ɓiì sùusuùrɛ̀n yì rì mɛ̀ree, nni à fwààdɛ̀ngà kìɓeɓtàg ki nghay à kpaa kɔ lɛ: Kìɓeɓtàg ki nghay ki ki tì ki pɛɛzàg ɓum ɓɛ̀lɔlɔg rì ɓɛ̀mùm-mùm, ǹkalii wɔ̀ lɛ, kpaŋa ɓi ŋwutyàànɛ, kɔ̀ɔ ki ɓììti ti kì ɗiŋii ɓi nyi.

LUKAS 4:27

Ɓɛkukwiy ɓɛ ronɛ̀ngà girig a Isirayɛl ɓi cààmɛ̀n ki ǹkpaŋzì-ɓìɓan ànɛ lɛ Elize, kìɓan kifog, ǹsoò kìbog ki ɓi ɓɔ ki wɔngà ɓi, i ki cee ɓi lɛ Naman ŋwaànɛ a Sirii.

LUKAS 5:13

Nni Yeesus à nàmgà càg, à kòm nyi, à kpaa lɛ: Ki kɔni mɛ̀ fɔlɔɔ, ɓati lɛ syeesyee ɓi nyoo yɔ̀ɔ̀; kwiy a ghàs nyi kì lèegh ɓi nyòò.

LUKAS 7:14

Fɔɔnnɛ à tyoŋdɛ̀ngà, à kòm fìkɔrɔŋ fi kilòn; ɓumɓɛ ɓɛ tɛtɛ̀kà fyɔ ɓɛ rɛlì, Yeesus à kpaa lɛ: Dɛlì ì mum, ǹkpaa wɔ̀ lɛ, pɛ̀sɛn aɗyòò!

ZYAŊ 11:43

Yɛ̀ɛ à kpaaghà fɔlɔɔ, nni à pɛ̀sìghà jɛ̀ɛ̀ aɗyoo rì ìtèɗ à kpaa lɛ: Lazaari kpaŋay.

ZYAŊ 15:24

I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 5:21

Lɛ fɛlɛ yɛ̀ɛ Seŋi à ti à ghèmzàg ɓìloŋ, à fa ɓyɔ cɛɓ, fɔlɔɔ nnɛ Man à ti à falàg girig ɓumɓɛ à kɔ̀ni cɛɓ.