MATYOO 7:7 - Bafia Nouveau Testament

⁷ Lonina fɔɔnnɛ ɓɛ ri mìni ɓiì faà, kaana fɔɔnnɛ ɓi ɓiì tanɛɛ, ɓooghna naa fɔɔnnɛ ɓɛ ri mìni yɔ̀ ɓiì nɛmì.

MATYOO 7:7 ပူးပေါင်းရင်းမြစ်များ

MATYOO 18:19

Ǹkalii tì mìni saaɗ à rìkalì lɛ; i ɓum ɓɛɓɛɛ̀ ɓɛ wooghrɛɛ jɛ̀ɛ̀ fɛ ɓi ziinɛ, lɛ ɓɛɛ tɔg Tààta wɛ̀m ànɛ à rì aɗyoo com kidɛŋ, à rì ɓɔ kɔ ɓiì faà.

MATYOO 21:22

Com kìcèm ki ɓì ɓiì tɔɔ̀gh rì rìgherɛ̀n ɓi bɔ̀ŋzɛ̀n, ɓi ɓiì ɓaà rì kɔ.

MATYOO 6:33

Looghna kì kaà kìlɔ̀ŋ kii rì saaɗ wìì, fɔɔnnɛ ɓyom ɓìn ɓìcèm ɓi ri mìni ɓiì sagtɛɛ.

MATYOO 7:11

I mìni ɓɛ ɓì ɓeɓtɛɛ mɛ̀rem ɓɛ, ɓì yii rìfa ɗi ɓɔn ɓin ɓyom ɓi syeesyee, lannɛ Seŋi wìn anɛ à rì ɓi ɗyoo ɓi ɗùm yɛɛ ri ɓiì rɔ̀ɓi kɛ̀ɛ fa ɓyom ɓi syeesyee a ɓumɓɛ ɓɛ lɔni nyi ɓyɔ.

MATYOO 7:8

Ɓisuulɛ mum ǹcèm ànɛ à lɔni, nnɛ ɓɛ ti ɓɛ falàg. Roànɛ à kaa, nnyɛɛ ti à ghɛngì, ŋwaànɛ à ɓoogh naa, nnɛ ɓɛ ti ɓɛ nɛmgì yɔ̀.

MARIKUS 11:24

Kìɓan kiǹ kɛɛ̀ki kìlaaghna lɛ, com kìcèm ki ɓì tɔɔgh ɓi bɔ̀ŋzɛ̀n, ɓì gherɛ̀n lɛ ɓì ti rì kɔ, fɔɔnnɛ ɓì rì kɔ ɓiì ghɛɛ̀ di ki kilɛɛ.

LUKAS 13:25

Yɛ̀ɛ ŋwaàmɛɛ a pɛ̀sɛɛ gɛ aɗyòò à sìm ìsuunaa, mìni ɓɛ ɓì rɔ̀ɓi gɛ ɓi ɗyɔ̀m, ɓì tumɛɛ gɛ rìɓog ɗi isuunaa di ɓi kpaakpaa lɛ: Kan nɛma ɓìsi naa, fɔɔnnɛ à bàagh gɛ mìni lɛ: Mɛ̀ ǹ-yii ɓi jàŋ inɛ ɓì pɛ̀sɛɛ yì.

LUKAS 18:1

Yeesus à tekà ɓɔ dàɗkì lɛ a resi ɓɔ lɛ, ɓɛ ghɛɛ̀sɛɛ kì ɓɔ̀ŋzag ɓyààmɛ̀n ɓìcèm, kɛ̀ ɓɛɛ̀ fɔɛy.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 15:7

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 3:11

Ŋwaà ɗyomzɛ̀n kɛ̀ɛ ɓa, nsoò ŋwaà ǹkaakaayɛn Bɛ̀ll kɛ̀ɛ ghɛnɛn. Ɓɛ̀sɛ̀ɛ̀ ɓɛ̀cèm ɓɛ ri ɓɛ̀ ɗimɛn bee, ɓɔɔ̀cèm ɓɛ ɓa ɓɛ̀ɓùùsɛn.

EBIREEGH 11:6

Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.

ZYAG 5:15

I bɔ̀ŋzɛ̀n ìnɛn ì kìlɛɛ rì ǹtyweeyi ɓi nɗem, ì rì ɓiì ghɛɓsii roròɓ ànɛ̀n, kaa soo rì lɛ à kìghà kìɓe, Bɛ̀ll à cenɛ̀n nyi kɔ.

1 ZYAŊ 3:22

À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.