MATYOO 7:21 - Bafia Nouveau Testament

²¹ Àa ɓum ɓɛ̀cèm ɓɛ ɓɛɛ rereŋi mɛ lɛ: Kan, Kan ɓɛɛ ri ɓiì ɗiŋii ɓi kìlɔ̀ŋ ki aɗyòò, lɔŋ roànɛ à kìi rìkɔ̀n ɗi Tààta wɛ̀m ànɛ à rì ɓi ɗyoo ɓi ɗùm, nnyɛɛ ɓiì kɛ̀ɛ wɔɔ.

MATYOO 7:21 ပူးပေါင်းရင်းမြစ်များ

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MATYOO 18:19

Ǹkalii tì mìni saaɗ à rìkalì lɛ; i ɓum ɓɛɓɛɛ̀ ɓɛ wooghrɛɛ jɛ̀ɛ̀ fɛ ɓi ziinɛ, lɛ ɓɛɛ tɔg Tààta wɛ̀m ànɛ à rì aɗyoo com kidɛŋ, à rì ɓɔ kɔ ɓiì faà.

MATYOO 18:3

à kpaa lɛ: Ǹkalii mìni ɓi saaɗ lɛ, i ɓì koɓsɛɛ ɓi lɛ ɓi ɓa fɛlɛ yɛ̀ɛ ɓɔɓti ɓɛsàg, ɓyàa ɗiŋi ɓi ɓi kìlɔ̀ŋ ki aɗyòò.

MATYOO 18:35

Fɔlɔɔ nnɛ Tààta wɛ̀m ànɛ à rì aɗyoo à rì mìni ɓiì kìi di mum ǹcèm ànɛ ɓi mìni à cenɛɛ ɓi geni wìì ri nɗem wii wucèm.

MATYOO 19:24

Ǹkalii tì mìni lɛ, ki ri lɛ fɛnfɛn lɛ syàmoo a ɗiŋi ɓi ɗyas ɗi bààtà à cee lɛ guŋgum a ɗiŋi ɓi kìlɔ̀ŋ ki aɗyòò.

MATYOO 25:10

Yɛ̀ɛ ɓɔɔ kɛngà kì làagh kàràsin, ǹwɔlì à rɔ̀ɓ kì kpaŋì ɓɛ̀roɓɛ ɓɛ ɓaghà jàŋbog, ɓɛ ɗiŋì rì nyi ɓi kìkpanà ki riwɛy; fɔɔnnɛ ɓɛ rogà ìsuunaa.

MATYOO 25:21

Masà wìì a kpaaghà nyi lɛ: Ki rɔɔtɛɛ; ù rì syeesyee à ǹkìì-kìsay, wɔ̀ tì ǹkìì-kìsay a ǹtyweeyi. Yɛ̀ɛ ù rèsii mɛ̀ lɛ, ù rì ŋwaà-ǹtyweeyi ɓi ɓyom ɓisàg, ǹɗì wɔ̀ ɓiì rɛsii ǹlàmì ɓi ɓyom ɓigwey; ɗiŋi ɓi kìnyàà ki masà wɔ̀ɔ̀.

MATYOO 26:39

Nni à kɛ̀ɛ̀dìghà asu lɛsàg, à kpì ɓi zi guɓùg, à ɓɔ̀ŋzì lɛ: Tààta wɛ̀m i bee yàa rì lɛ ì ɓa, lɛ ɓeŋ ànɛ a raɓsɛn mɛ̀, nsoò fɔlɔɔ, kɔ̀ɔ kì rikɔ̀n ɗyɛm̀, lɔŋ rìkɔ̀n ɗyɔɔ ɗyɛɛ̀ɗi kìya.

MATYOO 26:42

Ɓi gɛ̀n i kìɓɛ̀ɛ̀, à ràɓsɛ̀ngà tì ɓɛ̀yilàg, à ɓɔ̀ŋzàg lɛ: Tààta wɛ̀m, i ki ri lɔŋ lɛ ɓeŋ ànɛ àa pɛ̀sɛn ɓi di nnɔɔ ɓi nyi, rìkɔ̀n ɗyɔɔ ɗyɛɛ kilɛn.

MARIKUS 3:35

ɓisuulɛ, ŋwaànɛ à kìi rìkɔ̀n ɗi Bɛ̀ll, nnyɛɛ ri geni wɛ̀m à baŋì, nsoò lɛ à giɓ nsoò lɛ jɛɛ wɛ̀m.

MARIKUS 9:47

I ɗis ɗyɔɔ ɗyɛɛ ri lɛ ɗyɛɛ kɛɓti wɔ̀ fìɓàg, sɔgha ɗyɔ, lɛ ki ri wɔ̀ kìrɔɔ lɛ u ɗiŋi ɓì kìlɔ̀ŋ ki Bɛ̀ll ɗi ù rì rì fìɗyaŋ à cee lɛ u kɛǹ ɓi kìgɛ̀ŋ ki ɗuu ɗi fiɗyàɓ fikɔ̀ɔ̀ rì mis mɔɔ mɛcèm,

LUKAS 11:28

Wɔ̀lɛ Yeesus à ɓàkà nyi lɛ: Ɓumɓɛ ɓɛɛ̀ kìki lɛ, ɓɛ wowòg jɛ̀ɛ̀ ì Bɛ̀ll ɓɛ ki ɓèŋɓeŋ yɔ̀, ɓɛɛ ri kom̀ ɗì ɓɛ̀mààgh.

LUKAS 13:25

Yɛ̀ɛ ŋwaàmɛɛ a pɛ̀sɛɛ gɛ aɗyòò à sìm ìsuunaa, mìni ɓɛ ɓì rɔ̀ɓi gɛ ɓi ɗyɔ̀m, ɓì tumɛɛ gɛ rìɓog ɗi isuunaa di ɓi kpaakpaa lɛ: Kan nɛma ɓìsi naa, fɔɔnnɛ à bàagh gɛ mìni lɛ: Mɛ̀ ǹ-yii ɓi jàŋ inɛ ɓì pɛ̀sɛɛ yì.

LUKAS 18:25

lɛ ki ri lɛ fyɛ̀ɗ lɛ jàɗki yɛ̀ɛ ɗiŋi ɓi ɗyas ɗi bààtà, à cee lɛ guŋgum a ɗiŋi ɓi kìlɔ̀ŋ ki Bɛ̀ll.

LUKAS 6:46

Ɓisuucɛ nnɛ ɓi rereŋi mɛ lɛ Kan, Kan, kɛ̀ ɓi ki kì com ki ǹkpaa mìni?

ZYAŊ 14:7

I ɓyàa yi mɛ̀, di ɓì rì lɛ ɓì yi Seŋi wɛ̀m. Nni à tumɛ̀n ɓigomìnɛ, ɓì yii nyi, ɓì mɛ ki ghɛn nyi.

ZYAŊ 15:23

Ŋwaànɛ à ɓèèzɛɛ mɛ̀ à ɓèèzɛɛ girig Seŋi wɛ̀m.

ZYAŊ 3:5

Yeesus à ɓàg nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ ɓi ri mɛ̀nig rì Ǹghay, à yin lɛ à ɗiŋì ɓi kìlɔ̀ŋ ki Bɛ̀ll.

ZYAŊ 5:17

Nni Yeesus à ɓàkà ɓɔ lɛ: Seŋi wɛ̀m a ka sasày à kpaŋ ɓigomìnɛ, mɛ̀ ǹsasày girig.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

RÒMƐŊ 2:13

Àa ɓumɓɛ ɓɛɛ̀ wowog ɓidɔ̀gsɛna ri mɛ̀reè ɓɛɛ ri lɛ saaɗ ɓi mis mɛ Bɛ̀ll, lɔŋ ɓɛ̀roɓɛ ɓɛ ti ɓɛ kilàg yɛ̀ɛ ɓìdɔ̀gsɛna ɓyɛɛ̀ kakàlì, ɓɛɛ̀ɓɛ àri ghɛn lɛ ɓɛ ri lɛ saaɗ.

EFÈZYƐŊ 6:6

Syeesyee wìn a rìkì ɗi ɓiɓan kɛ̀ɛ ɓa lɛ yɛ̀ɛ ɓum ɓɛɛ̀ seesee mini, yɛ̀ɛ ɓɛɛ̀ kali lɛ ɓi kaakaa lɛ ɓi puɓsi ɓɔ mɛ̀rem; a ɓa lɔŋ lɛ ɓi kìki rikɔ̀n ɗi Bɛ̀ll rì nɗem win wucèm lɛ ɓì rì ɓɛ̀kpàn ɓɛ Kiris.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 4:3

Rìkɔ̀n ɗi Bɛ̀ll ɗi ri lɛ ɓi ghɛɓ cɛɓ ki tɛnɛn, ɓì cèlì ɓìɓan ɓi tifin.

TÈSÀLÒNÌSYƐŊ 5:18

Faana Bɛ̀ll ɓìtògsɛ̀n ɓi ɓìɓan ɓìcèm ɓi ɓi tanɛɛ mìni, lɛ fɔlɔɔ yɛɛ ri rìkɔ̀n ɗii ɓi cɛɓ kin ki rì Yeesus Kiris.

Kaàtà ànɛ Pol à kàngà TIT 1:16

Ɓɛ ti ɓɛ kpaaghì lɛ ɓɔɔ yii Bɛ̀ll, kìɓan kifog ɓɛ roòròòzɛ̀n nyi ɓi mɛ̀kìkìì maa, ɓum ɓɛ ɓeèzɛɛ rìɓa ɗyaa ɗiǹ, ɓɛ ri rì ǹtoòtèɗ, ɓɛ̀ kɛɛ̀ ki ɓa ɓumɓɛ ɓɛ ri lɛ ɓɛ ki syeesyee à kìɓan nsoò bog.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

EBIREEGH 4:6

Nni yɛ̀ɛ ki ri kìsiŋdɛn lɛ, ɓum ɓɛdɛŋ ɓɛ ri ɓiì ɗiŋii ɓi rìfɔɔsɛ̀n ɗiǹ ki ki ɓa ti lɛ, ɓumɓɛ ɓɛ lokà kì terì Syeesyee à Ɓɔlɛ ànɛ̀n, ɓɛ rɔɓkà ɓɛ̀ kɛɛ̀ ɗiŋi wɔɔ lɛ ɓɛ ɓaghà kɛ̀ɛ̀ rìgherɛ̀n,

ZYAG 1:22

Kìina ɓìɓan ɓi jɛ̀ɛ̀ ì Bɛ̀ll yɛɛ̀ kpaakpàà, kɛ̀ ɓi rɔ̀ɓ lɔŋ lɛ rìwowòg ɗi jɛ̀ɛ̀ ìnɛ̀n ɗyɔ rì ɗyɔ, ɓì pwààpwààrɛ̀n mìniìɓɔmiɗ ri ɓɛ̀fèg ɓɛ ɓɛ ri ɓìtɛ̀ŋtɛ̀ŋ.

1 PYƐƐRI 2:15

Ɓisuulɛ rìkɔ̀n ɗi Bɛ̀ll ɗi ri lɛ, ɓi sim ɓumɓɛ ɓɛ ri ɓìdùŋdùŋ ɓɛ̀ kɛɛ̀ yi com myɔm rì kìrɔɔ ki ɓi kìkì.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

ÀPÒKÀLIƁSƐ̀ 2:27

Fɔɔnnɛ à rì ɓyɔ ɓiì kɛ̀ɛkɛɛ̀sì rì ǹkpas wu bɔŋ fɛlɛ yɛ̀ɛ ɓɛɛ̀ weeyi bèè yi ɓɛ yeŋi rì fyòò, lɔŋ yɛ̀ɛ mɛ̀ɛmiɗ ǹtekà ìtèɗ wiǹ ɗì Seŋi wɛ̀m,

ÀPÒKÀLIƁSƐ̀ 22:14

Mààgh rì ɓɛ̀roɓɛ ɓɛ soò ɓɛ̀kàɓà ɓaa lɛ di ɓɛɛ fa ɓɔ ìtèɗ wulɛ ɓɛɛ ɗi kìte ki cɛɓ, ɓɛ ki ɗiŋi ɓi mɛ̀suunaa mɛ gari lɛ ɓɛɛ kɛǹ ɓi bàn.

ÀPÒKÀLIƁSƐ̀ 3:5

Fɔlɔɔ nnɛ ŋwaànɛ à ɓiì yagsaagh yɛɛ ri ɓiì waatɛɛ ɓilàà ɓi puɓ; màa tììsi ɓi ɗii ɗii ɓi kaàtà à cɛɓ. Ǹɗì lɔŋ ɓiì gherɛɛ lɛ à rì mum wɛm̀ ɓi mis mɛ Seŋi wɛ̀m rì mɛ ɓum ɓɛ titom.