MATYOO 6:5 - Bafia Nouveau Testament

⁵ Cààmɛ̀n ki ɓi kìki bɔ̀ŋzɛ̀n, kɛ̀ ɓi ki yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓɛ ɓɛ ti ɓɛ keesàg rìɓɔŋzàg ɗi Bɛ̀ll mɛ̀rɛy, ɓi naa yi bɔ̀ŋzɛ̀n, rì ɓi bèn yi ɓiɓàà lɛ ɓum ɓɛɛ seèsee ɓɔ. Ǹkalii mìni ɓi saaɗ lɛ; ɓɛ ti rì mɛ̀lèɓ maa yɛɛ lɔ̀ɔ̀.

MATYOO 6:5 ပူးပေါင်းရင်းမြစ်များ

MATYOO 21:22

Com kìcèm ki ɓì ɓiì tɔɔ̀gh rì rìgherɛ̀n ɓi bɔ̀ŋzɛ̀n, ɓi ɓiì ɓaà rì kɔ.

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

MATYOO 23:5

Ɓìɓan ɓìcèm ɓi ɓɛɛ̀ kìkì ɓi ri lɔŋ lɛ ɓum ɓɛɛ ghɛn bɔ; ɓɛ ti ɓɛ sinàg ɓɛ̀kànɗa ɓɛ pògpòg ɓi mɛ̀to rì ɓi ɓyàg, ɓɛ ki ràɓsag mɛkeɓ maa mɛ ɓìlàà.

MATYOO 23:6

Ɓɛ ti ɓɛ keesàg mɛ̀kɔ̀ɔ̀ mɛ asu, di ɓɛ kɛɛ kìsɛ̀nɛ̀, ɓi naa yi bɔ̀ŋzɛ̀n, ɓɛ kɔràg ɓi mɛ̀kɔ̀ɔ̀ mɛ ǹtonto.

MATYOO 6:1

Konaaghna lɛ, kìsay ki ɓi kìki Bɛ̀ll kɛ̀ kɛɛ̀ ɓa yɛ̀ɛ ɓi rèeresɛ̀n ɓi mis mɛ ɓum, di ɓì ɓiì ki mɛ̀mi mɛlèɓ yɛ̀ɛ Seŋi wìn anɛ à rì aɗyòò.

MATYOO 6:16

Cààmɛ̀n ki ɓì rì ɓi kìcèlì ki ɓiɗilàg kɛ̀ ɓi ɓa yɛ̀ɛ ɓi wowog bim, yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, ɓɛɛ ti ɓɛ kagàg mɛ̀su lɛ ɓum ɓɛɛ yi lɛ, ɓɛ ri ɓi kìcèlì ki ɓiɗilàg. Ǹkalii mìni ɓi saaɗ lɛ, ɓɛ ti rì mɛ̀lèɓ maa.

MATYOO 6:2

Cààmɛ̀n ki u fafa ŋwaà nyìighnyìg com, kɔ̀ɔ ɓog ǹkeŋ lɛ ɓum ɓɛɛ ghɛǹ wɔ̀, fɛlɛ yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm, ìghèy ɓi ɗùm ɓɛ ti ɓɛ kilàg, ɓi naa yi bɔ̀ŋzɛ̀n, rì ɓi ɓìɓàà lɛ ɓɛɛ sɛsɛg ɓɔ. Ǹkalii mìni ɓi saaɗ lɛ, mɛ̀lèɓ maa mɛɛ ri lɔ̀ɔ̀.

MATYOO 9:38

Ɓɔ̀ŋzaaghna min ŋwaànɛ à rì rì mɛ̀saŋ lɛ a rom yì ɓɛ̀kìì-ɓìsay ɓi dɛm yiì ì mɛ̀saŋ.

MARIKUS 11:25

Nni cààmɛ̀n kìcèm ki ɓì rɛlii lɛ ɓi ki bɔ̀ŋzɛ̀n, i ɓì ri ɓi kìɓan ri ŋwaàdɛŋ, càrina kìɓan kiǹ, fɔlɔɔ nnɛ Seŋi wìn ànɛ à rì aɗyoo, à ri cenɛn mini girig mɛ̀nànì min.

MARIKUS 12:38

Nni à kpaaghà ɓum ɓɛ à rèèrèsàkà ɓɛǹ lɛ: Konaaghna rì ɓɛ̀rèsàg-ɓìdɔ̀gsɛna ɓɛ ɓɛ ti ɓɛ keesàg rìrerènì ɗi jàŋ di ɓɛ waataagh ɓyoo ɓɛ̀kàɓà, ɓɛ kɔngì girig lɛ ɓɛɛ toòtògsì ɓɔ rì coo nyaasɛ̀n ɓi gwìy.

LUKAS 11:43

Nyìighnyìg rì mìni Ɓɛ̀fàrìzyɛŋ, lɛ ɓì keesii rìkɔ̀rì ɓi mɛ̀kɔ̀ɔ̀ mɛ asu mɛ ɓi naa yi bɔ̀ŋzɛ̀n, ɓi ki keesi ti lɛ ɓɛɛ toòtògsì mìni rì nyaasɛ̀n ɓi ɓìyan ɓi tyèè.

LUKAS 18:1

Yeesus à tekà ɓɔ dàɗkì lɛ a resi ɓɔ lɛ, ɓɛ ghɛɛ̀sɛɛ kì ɓɔ̀ŋzag ɓyààmɛ̀n ɓìcèm, kɛ̀ ɓɛɛ̀ fɔɛy.

LUKAS 18:13

Fɔɔnnɛ ǹterì-làmpoŋ̀ nyii rɛlìghày fìràɓ, kɛ̀ɛ ghɛɛsi lɛ, a ɓegsi mis aɗyòò, kìɓan kifog, à yɛ̀ɛ̀ghyɛ̀gsì ɓyàg ri ǹɗemi-kɛŋɛn di a kpaakpaa lɛ: Tààta Bɛ̀ll, wogha ǹkìì-kìɓe anɛ lɛ mɛ̀ nyìighnyìg.

LUKAS 20:47

Ɓɛ ti ɓɛ pumzàg naa yi mɛkpɔɓ mɛ ɓɛ̀yiɓ, di ɓɛɛ̀ kìki ɓyoo bɔ̀ŋzɛ̀n lɛ, ɓum ɓɛɛ ghɛǹ lɛ ɓɛ ri ɓìsyeesyee ɓi ɓum; ɓɛ ɓiì terì rìkuu ɗi pɔnɔsì ɗi ɗi teèsɛɛ lɛɛ̀gwey.

LUKAS 6:24

Wɔ̀lɛ nyìighnyìg rì mìni ɓɛ̀guŋgum, lɛ mìnii ti rì gàɓ yìn i kìnyàà!

ZYAŊ 16:24

À kpaŋ ɓigomìnɛ, ɓì ka tɔg ɓi com kidɛŋ ɓi ɗii ɗyɛ̀m. Tɔɔghna, ɓɛɛ fa mìni, di fɔɔnnɛ kìnyàà kin kɛɛ roǹ.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

TÈSÀLÒNÌSYƐŊ 5:17

Ɓì ɓɔ̀ɔ̀ɓɔ̀ŋzì Bɛ̀ll kɛ̀ ɓi fɔy.

ZYAG 4:6

Wɔ̀lɛ Bɛ̀ll à ti à kìlàg ɓìsi geesɛ̀n ìnɛ ì cee, lɛ ki ri kìkànɛn lɛ: Bɛ̀ll à ti kɛ̀ɛ rɛ̀gti ri ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dii ɓɔmiɗ ɓi zi ɓɛɛ̀ɓɛ a rèsag geesɛ̀n yìì.