MATYOO 6:25 - Bafia Nouveau Testament

²⁵ Kìɓan kiǹ kɛɛ̀ki ǹkpaa mìni lɛ: mɛ̀rem min mɛ̀ kɛɛ̀ cɛɛcɛɛ̀rɛ̀n ɓi kìɓan ki ɓiɗilàg ɓi ɓyɛɛ̀ mɛmɛni ɓyɛɓ ɓin nsoò lɛ ɓisuu ɓilàà ɓi ɓyɛɛ lɔg nyoo yìn; mɛ̀ɛ nti cɛɓ ki cee ɓìɗilàg, nyoo ì cee ɓìlàà yèè?

MATYOO 6:25 ပူးပေါင်းရင်းမြစ်များ

MATYOO 10:19

Kìɓan kifog, i ɓɛ ɓani mìni, mɛ̀rem min mɛ̀ kɛɛ̀ cɛɛcɛɛ̀rɛ̀n rì com ki ɓì rì lɛ ɓì kpaa, nsoò lɛ lannɛ ɓì ɓiì pɛ̀sii ɓitòkì; ɓìɓan ɓi ɓì ghɛ̀ɛ̀sɛɛ kì kpaà ɓi ri mìni ɓiì ɓɔghìì ɓi mɛ̀rem ɓi cààmɛ̀n kɔm̀ kiǹ.

MATYOO 13:22

Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

MATYOO 6:31

Kɛ̀ ɓi ghɛ̀ghɛri min mɛrem aɗyoo di ɓi kpaakpaa lɛ: Tì rì ɓiì ɗiì cɛ, tì nɔ cɛ, nsoò lɛ, cɛ tì rì ɓà ɓiì waatɛɛ yɔ?

MATYOO 6:34

Fɔɔnnɛ kɛ̀ ɓi ghɛ̀ri ǹɗem aɗyoo rì rìduri, lɛ rìduri a ɓiì yùu ri ɓìɓan ɓii; ŋ̀wos bimiɗ à ghɛ̀ɛ̀sɛɛ rì ntɔɓ wìì.

MARIKUS 13:11

Nni yɛ̀ɛ ɓɛ ɓiì ɓangii mini, ɓɛ sɔmɛ̀n mìni rì ɓɛ̀làmì lɛ ɓɛɛ yɔm̀ mìni, mɛ̀rem min mɛ̀ kɛɛ̀ log ki cɛɛcɛɛ̀rɛ̀n ɓi mùm rì com ki ɓì ɓiì kpaà, kìɓan kifog, kpaana lɔŋ com ki ki ri mìni ɓiì ɓɔghìì ɓi ǹɗem ɓi cààmɛ̀n à ɓɛ̀yɔ̀m, lɛ àa mìniìɓɔmiɗ yɛɛ ri ɓiì tòòghrɛɛ, lɔŋ Kìtɛntɛ̀ɛ̀n ki Nghay kɛɛ ri ɓiì tòòghrɛɛ.

MARIKUS 4:19

kìɓan kifog mɛ̀tɔɓ mɛ ɓi ziinɛ, rì kìsee ki ikum, rì gɛ ɓìɓan ambog ànɛ a syòŋsyoŋ mɛrem, ɓi laatàg jɛ̀ɛ̀ ì Bɛ̀ll ìnɛn yɛ̀ kɛɛ̀ ghɛn bee inɛ lɛ yɛ̀ɛ wum ɓìdùn.

LUKAS 12:11

Nni cààmɛ̀n kìcèm ki ɓɛ ɓiì kɛ̀ɛ ri mìni a ɓɛ̀yɔ̀m ɓi naa yi bɔ̀ŋzɛ̀n, ɓi mis mɛ ɓɛ̀làmì ɓɛ kilɔ̀ŋ, mɛ̀rem min mɛ̀ kɛɛ̀ cɛɛcɛɛ̀rɛ̀n lɛ ɓi fèfeg lannɛ ɓì rì ɓiì yɔ̀mi, rì cɛ kɛɛ̀ki ɓì rì ɓiì kpaà.

LUKAS 8:14

Boo ìnɛ ì kpìghà ɓi ɓìkàrag ì rèsii ɓɛ̀roɓɛ ɓɛ rilàg lɛ, i ɓɛ woogh jɛ̀ɛ̀ ì Bɛ̀ll, ɓyom ɓi lɛ, rì cɛɛ̀-ǹɗem ànɛ ɓi ɓìɓan ɓi zɛy rì zɛy, rì rìyɛ̀y ɗi zi, ɓi duŋzì rìgherɛ̀n ɗyaa, ɗi rɔɓ bee ri bee, ɗyɛ̀ kɛɛ̀ wum ɓidùn ɓi lɛ ɓɛ kɔs.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

1 KƆ̀RƐ̀ŊTYƐŊ 7:32

Mɛ̀ɛ nkɔ̀nkɔn kɔm̀ lɛ, ɓi ɓa kɛ̀ɛ̀ kìɓan ki kɛɛ̀ ɗiɗi mini mɛ̀rem; lɛ nɗem wu ŋwaànɛ à yin nwɔlɛn, wɛɛ̀ cɛɛrag ri ɓìɓan ɓi Kan; ŋwaàncèm ànɛn à ki kaakaa lɛ a ki ɓìɓan ɓi ɓi ri lɛ ɓi puɓsì Kan ǹɗem.

FÌLÌPYƐŊ 4:6

Kɛ̀ ɓi ghɛ̀ri nɗem aɗyòò rì com kidɛŋ, kìɓan kifog, ɓi ɓìɓan ɓìcèm, rèsiina Bɛ̀ll cɛ kɛɛ̀ki ɓì rì zày rì kɔ, ɓì bɔ̀ŋzɛ̀n, ɓì yɛ̀ɛ̀ghyɛ̀gsì nyi ɓyàg, ɓì ki fafa nyi ɓìtògsɛ̀n.

2 TIMOTE 2:4

Sujàà ànɛ àrì ɓi kìsay à kaakàà lɛ a puɓsi ǹkɔ̀mɛ̀n wìì nɗem, ɓìɓan ɓi ɓi cɛɓ ki zɛy ɓi ti ɓyɛ̀ kɛɛ̀ ɓùùsi nyi ǹto.

1 PYƐƐRI 5:7

Sɛɛ̀dɛɛna ɓìɓan ɓìcèm ɓi ɓyɛɛ̀ ɗiɗi mini mɛ̀rem a lɔ̀ŋkii ɓisuulɛ nyimiɗ a ɓeŋ̀ɓeŋ mini.