MATYOO 6:2 - Bafia Nouveau Testament

² Cààmɛ̀n ki u fafa ŋwaà nyìighnyìg com, kɔ̀ɔ ɓog ǹkeŋ lɛ ɓum ɓɛɛ ghɛǹ wɔ̀, fɛlɛ yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm, ìghèy ɓi ɗùm ɓɛ ti ɓɛ kilàg, ɓi naa yi bɔ̀ŋzɛ̀n, rì ɓi ɓìɓàà lɛ ɓɛɛ sɛsɛg ɓɔ. Ǹkalii mìni ɓi saaɗ lɛ, mɛ̀lèɓ maa mɛɛ ri lɔ̀ɔ̀.

MATYOO 6:2 ပူးပေါင်းရင်းမြစ်များ

MATYOO 15:7

Mìni ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, Ezayii à konàkà lɔŋ ki rèsii kiɓan kin, yɛ̀ɛ à kpaaghà lɛ:

MATYOO 16:3

Yɛ̀ɛ duri i rì ɓiì tanì, ɓì kpaa lɛ, bwey ì ɓiì nɔɔ̀ gɛɛ̀nɛ, ɓisuulɛ, ɗyoo ɗi ri rìɓàŋ ɗyɔ tì birìm; ɓì yii rìrèmì ɗi riɓa ɗi yɛ̀ɛ ɗyoo ɗi ri ɓi mis, kìɓan kifog, kɛ̀ ɓi yi rirèmì ɗi ɓirèmzɛnà ɓi ɓi ɓyààmɛ̀n ɓi.

MATYOO 22:18

Wɔ̀lɛ yɛ̀ɛ Yeesus à yighà lɛ ɓɛ purii nyi càg yɛɛri ɓi ɗùm, nni à kpaaghà ɓɔ lɛ: Mìni ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓɛ! Ɓi fèeghfeèghrɛ̀n mɛ̀ lɛ cɛ?

MATYOO 23:5

Ɓìɓan ɓìcèm ɓi ɓɛɛ̀ kìkì ɓi ri lɔŋ lɛ ɓum ɓɛɛ ghɛn bɔ; ɓɛ ti ɓɛ sinàg ɓɛ̀kànɗa ɓɛ pògpòg ɓi mɛ̀to rì ɓi ɓyàg, ɓɛ ki ràɓsag mɛkeɓ maa mɛ ɓìlàà.

MATYOO 23:6

Ɓɛ ti ɓɛ keesàg mɛ̀kɔ̀ɔ̀ mɛ asu, di ɓɛ kɛɛ kìsɛ̀nɛ̀, ɓi naa yi bɔ̀ŋzɛ̀n, ɓɛ kɔràg ɓi mɛ̀kɔ̀ɔ̀ mɛ ǹtonto.

MATYOO 24:51

Masa wìì a rì nyi ɓiì pàkii mpàkakɛn , à ki foŋ nyi ɓi nɗaŋ wu ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, jàŋ ìnɛ ɓum ɓɛ ri ɓiì rèereèdɛ̀n ɓɛ ŋaàŋààdì min.

MATYOO 5:18

Ǹkalii mìni ɓi saaɗ lɛ, cààmɛ̀n kìcèm ki yɛ̀ɛ ɗyoo rì zi ɓi ri ɓiì ɓaɓaa nsoò maa com àdɛŋ ànɛ ɓi ɓìdɔ̀gsɛna àa pɛ̀sɛn ɓi, à kpaŋ yɛ̀ɛ ɓìɓan ɓìcèm ɓi miì ɓi ri ɓiì kìlɛɛ.

MATYOO 6:16

Cààmɛ̀n ki ɓì rì ɓi kìcèlì ki ɓiɗilàg kɛ̀ ɓi ɓa yɛ̀ɛ ɓi wowog bim, yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, ɓɛɛ ti ɓɛ kagàg mɛ̀su lɛ ɓum ɓɛɛ yi lɛ, ɓɛ ri ɓi kìcèlì ki ɓiɗilàg. Ǹkalii mìni ɓi saaɗ lɛ, ɓɛ ti rì mɛ̀lèɓ maa.

MATYOO 6:3

Wɔ̀lɛ, cààmɛ̀n ki u fafa ŋwaà nyìighnyìg com, càg kɔɔ ki kimɛŋ ki ghɛɛ̀sɛɛ ɓi ki yiì com ki càg ki weèlem ki faa;

MATYOO 6:5

Cààmɛ̀n ki ɓi kìki bɔ̀ŋzɛ̀n, kɛ̀ ɓi ki yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓɛ ɓɛ ti ɓɛ keesàg rìɓɔŋzàg ɗi Bɛ̀ll mɛ̀rɛy, ɓi naa yi bɔ̀ŋzɛ̀n, rì ɓi bèn yi ɓiɓàà lɛ ɓum ɓɛɛ seèsee ɓɔ. Ǹkalii mìni ɓi saaɗ lɛ; ɓɛ ti rì mɛ̀lèɓ maa yɛɛ lɔ̀ɔ̀.

MATYOO 7:5

Wɔ̀ ŋwaà fyɛɛ̀fyɛɛ̀ ɓi ŋwɔm ìghèy ɓi ɗùm, ka logha kì pisii ǹwɔ̀g wu wɔ̀ ɓi ɗis di Fɔɔnnɛ u konag kì ghɛɛ̀ yɛ̀ɛ u pisi kìfɛfɛy ki ki ri ɓi ɗis ɗi goni.

MARIKUS 12:39

Ki rɔɔghì ɓɔ lɛ ɓɛɛ kɔri ɓi mɛ̀kɔ̀ɔ̀ mɛ asu di ɓɛ kɛɛ̀ kìsɛ̀nɛ̀, ɓɛ ki teki mɛkɔ̀ɔ̀ mɛ beèbɛ̀y ɓi naa yi bɔ̀ŋzɛ̀n.

MARIKUS 7:6

Nni Yeesus à ɓàkà ɓɔ lɛ: Mìni ɓum ɓɛ, fyɛɛ̀fyɛɛ̀ ɓi ŋwɔm ìghèy ɓi ɗùm, Ezayii à kpaaghà lɔŋ saaɗ ɓi kìɓan kin, fɛlɛ yɛ̀ɛ ki rì kì kànɛn lɛ: Ɓumɓɛ ɓi kìlɔ̀ŋ ki ɓɛɛ̀ ɓɔɔɓɔgsì lɔŋ mɛ ɓi ŋwɔm aɗyoo, mɛ̀rem maa mɛ̀ kɛɛ̀ wuɓsɛn mɛ;

LUKAS 11:41

Com ki ɓyàa ghɛ̀ɛ̀sɛɛ kì kìi ki ri lɛ, ɓi fa ɓɛ̀soghàsogha ɓyom rì nɗem wu syeesyee, fɔɔnnɛ ɓyom ɓìcèm ɓi ɓiì ɓaà ɓìtɛnɛn ɓisu wìn.

LUKAS 11:43

Nyìighnyìg rì mìni Ɓɛ̀fàrìzyɛŋ, lɛ ɓì keesii rìkɔ̀rì ɓi mɛ̀kɔ̀ɔ̀ mɛ asu mɛ ɓi naa yi bɔ̀ŋzɛ̀n, ɓi ki keesi ti lɛ ɓɛɛ toòtògsì mìni rì nyaasɛ̀n ɓi ɓìyan ɓi tyèè.

LUKAS 12:33

Kàɓkiina ɓyom ɓìcèm ɓi ɓì rì rì ɓyɔ, ɓì ki fa mɔ̀ɔ̀ni mɛ miì rì ɓɛ̀soghàsogha; ɓaana rì ɓɛ̀ɓàm ɓɛ mɔ̀ɔ̀ni ɓɛ ɓɛ yin lɛ ɓɛ ɗilɛ̀n, ɓì ki ɓa ɓi ɗyoo ɓi ɗùm rì ìkum wu wɛ̀ kɛɛ̀ lèg, jàŋ inɛ wiiwìì à yin lɛ à wuɓsɛ̀n, nsoò zeg yɛ̀ kɛɛ̀ ɗi wɔ;

LUKAS 12:56

Mìni ɓum ɓɛ fyɛɛ̀-fyɛɛ̀ ɓi ŋwɔm ìghèy ɓi ɗùm, ɓì yii lɔŋ rifiɓì ɗi ɓyààmɛ̀n ɓi rìseèsèèrɛ̀n ɗi zi rì ɗi ɗyoo; nni ɓi cɛ nnɛ ɓì yii ɓi righasì ɗi cààmɛ̀n ki tì rɛrɛlii miì kì?

LUKAS 13:15

Fɔɔnnɛ Kan à ɓàkà nyi lɛ: Ɓì rì lɛ fyɛɛ̀-fyɛɛ̀ ɓi ŋwɔm ìghèy ɓi ɗùm; mum ǹcèm ànɛ ɓi mìni a ti kɛ̀ɛ fùmi sanìnya wìì, nsoò lɛ jàɗki yìì, à kɛ̀n yɔ̀ ki nɔsii mɛnig ŋwosi Saɓàt?

LUKAS 20:46

Ɓì konàg rì ɓɛ̀rèsàg-ɓìdɔ̀gsɛna ɓɛ ɓɛ ti ɓɛ keesàg rìrerènì ɗi zi ri ɓyoo ɓɛ̀kàɓà, ki kɔngì ɓɔ lɛ, ɓɛɛ toòtògsì ɓɔ rì coo nnyaasɛ̀n ɓi gwìy, ɓɛ ki keesag mɛkɔ̀ɔ̀ mɛ asu ɓi naa yi bɔ̀ŋzɛ̀n, rì a ɓìsɛ̀nɛ̀.

LUKAS 6:24

Wɔ̀lɛ nyìighnyìg rì mìni ɓɛ̀guŋgum, lɛ mìnii ti rì gàɓ yìn i kìnyàà!

LUKAS 6:42

Nsoò lɛ: Lannɛ ù rì lɛ ù kpaa goni lɛ, maasòŋ, kìya m̀pisi wɔ̀ kìfɛfɛy ki wɔ̀ ɓi ɗis, kɔm̀ lɛ ù ghɛɛ ɓi nwɔ̀g wu wu ri ɓi ɗiǹkɔ̀ɔ̀? Wɔ̀ ŋwaà fyɛy fyɛy ɓi ŋwɔm ìghèy ɓi ɗùm! Ka pisi ǹwɔ̀g wu wu ri wɔ̀ ɓi ɗis, di fɔlɔɔ nnɛ u konag kì ghɛɛ̀ yɛ̀ɛ u pisi kìfɛfɛy ki ki ri ɓi ɗis ɗi goni.

ZYAŊ 13:29

Ɓɛ̀ro ɓɛdɛŋ ɓɛ fefèkà lɛ, yɛ̀ɛ Zyudas àa nti à ɓègì ɓàm à mɔ̀ɔ̀ni, nnɛ Yeesus à kpaakpààghà nyi lɛ a lag ɓyom ɓi ɓi ghɛɛ̀sɛɛ rì ɓɔ ɓisuu ticàɓ, nsoò lɛ a fa ɓɛ̀soghàsogha com.

ZYAŊ 5:41

Ǹ-yin ɓiì kaakaa rikem a ɓum.

ZYAŊ 5:44

Lannɛ ɓì rì lɛ ɓì gherɛ̀n, di ɓi faafàlɛ̀n rìkem mìni rì mìni, kɛ̀ ɓi kaa rikem ɗi ɗi riì yɛ̀ɛ Bɛ̀ll cɛ̀ncii?

ZYAŊ 7:18

Ŋwaànɛ a kpaakpaa ɓiɓan ɓii ɓi nyimiɗ yɛɛ̀ kaakaa rikem ɗii, wɔ̀lɛ roànɛ a kaakaa rikem ɗi roànɛ à romgày nyi, nnyɛɛ̀ kpaakpaa saaɗ, kɛ̀ɛ ki ɓa ri kìɓan kidɛŋ ki ki ri kìtɛ̀ŋtɛ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 10:2

Ŋwaànɛ̀n à falɛ̀ngà ɓi ɓìɓan ɓi righerɛ̀n, àa nki risàg Bɛ̀ll lɛ rì nyi ɗì rìmɛɛ ɗii ɗicèm, à ki fafa Ɓɛ̀yudɛ̀n ɓɛ ɓɛ ɓaghà nyìighnyìg ɓyom lɛɛ̀gwey, à ɓɔ̀ɔ̀ɓɔ̀ŋzàg Bɛ̀ll ɓyààmɛ̀n ɓìcèm.

MƐ̀KÌKÌÌ MƐ ƁƐKƐ̀NÌ-FÌTOM 10:31

Kɔrinɛy Bɛ̀ll àa nwoogh bɔ̀ŋzɛ̀n yɔ̀ɔ̀, à ki yiti gɛ ɓyom ànɛ ù ti ù fafà ɓum ɓɛ nyìighnyìg.

MƐ̀KÌKÌÌ MƐ ƁƐKƐ̀NÌ-FÌTOM 10:4

Nni à fiɓìghà ŋwaà-fìtom lɛ fyɛɛɛyi, à risì, à tɔg nyi lɛ: La yɛɛ ri Kan? Ŋwaàfìtom a ɓàg nyi lɛ: Bɛ̀ll àa ǹghàɓi lɛ, rì bɔ̀ŋzɛ̀n yɔɔ, rì gɛ ɓyom ànɛ ù ti ù fafà ɓum ɓɛ nyìighnyìg, fɔɔnnɛ à ɗimzɛɛ ɓi wɔ.

MƐ̀KÌKÌÌ MƐ ƁƐKƐ̀NÌ-FÌTOM 11:29

Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

MƐ̀KÌKÌÌ MƐ ƁƐKƐ̀NÌ-FÌTOM 24:17

Di ki mɛ finɛn bèg lɛɛ̀gwey yɛ̀ɛ ǹghaghìghà, nnɛ mɛ̀ɛ n-yùu rì ɓyom lɛ nkaɓsag rì ɓumɓɛ nyìighnyìg ɓɛ ɓi kìlɔ̀ŋ kɛm̀, ǹki fùnɛn ɓituwe ɓi rìɓɔgsì ɗi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

1 KƆ̀RƐ̀ŊTYƐŊ 13:3

Màa soo teri ìkum wɛm̀ wùcèm, ǹkàɓsàg rì ɓɛ̀soghàsogha lɛ ɓɛɛ ɗiɗi miì, màa soo ki faa kɔm̀ nyoo yɛ̀m lɛ yɛ̀ɛ ɗig ɓi ɗuu, i ǹ-yin ɗi ǹkɔ̀nɛ̀n, fɔlɔɔ anɛ̀n àa ghɛɓsi ɓi mɛ com.

GÀLAT 2:10

Kìɓan kifog ki ɓɛ tɔkà ɓìsi ki ɓaghà lɛ, ɓìsii yitàg lɛ ti ghɛɓsi ɓɛ̀gherɛ̀n ɓɛ ɓɛ ɓaghà ɓɛ̀soghàsogha a Yorisalɛm; kìɓan kiǹ kɛɛ̀ki ǹsììrɛ̀ngà ɓi rìkì.

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

TÈSÀLÒNÌSYƐŊ 2:6

Tì kaaghà ɓi lɛ ɓum ɓɛɛ kemzi ɓisi, nsoò a lɔ̀ŋkin, nsoò a ɓum ɓɛm̀bog, kɔlɛ tì ɓaghà lɛ tì làmì mìni ɓi-tèɗ ɓi ɗii ɗi lɛ ɓɛ̀kɛ̀nì-fìtom ɓɛ Kiris.

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

FILEMƆŊ 1:7

Lɛ mɛ̀ɛ nwoogh kìnyàà lɛɛ̀gwey nɗem wu ki kpì mɛ ɓi ɗùm lɛ ǹkɔ̀nɛ̀n ànɛ ù rì rì nyi; ɓisuulɛ mɛ̀rem mɛ ɓɛgherɛ̀n mɛ mmaa lɛ fyòoog lɛ kìsay kɔɔ, geni wɛ̀m.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.