MATYOO 6:10 - Bafia Nouveau Testament

¹⁰ ɗii ɗyɔɔ ɗyɛɛ ɓa kìcèlì, rìlàmì ɗyɔɔ ɗyɛɛ yu, rìkɔ̀n ɗyɔɔ ɗyɛɛ kilɛn ɓi ziinɛ, yɛ̀ɛ ɗyɛɛ̀ kìikilɛ̀n aɗyòò.

MATYOO 6:10 ပူးပေါင်းရင်းမြစ်များ

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

MATYOO 26:42

Ɓi gɛ̀n i kìɓɛ̀ɛ̀, à ràɓsɛ̀ngà tì ɓɛ̀yilàg, à ɓɔ̀ŋzàg lɛ: Tààta wɛ̀m, i ki ri lɔŋ lɛ ɓeŋ ànɛ àa pɛ̀sɛn ɓi di nnɔɔ ɓi nyi, rìkɔ̀n ɗyɔɔ ɗyɛɛ kilɛn.

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MATYOO 7:21

Àa ɓum ɓɛ̀cèm ɓɛ ɓɛɛ rereŋi mɛ lɛ: Kan, Kan ɓɛɛ ri ɓiì ɗiŋii ɓi kìlɔ̀ŋ ki aɗyòò, lɔŋ roànɛ à kìi rìkɔ̀n ɗi Tààta wɛ̀m ànɛ à rì ɓi ɗyoo ɓi ɗùm, nnyɛɛ ɓiì kɛ̀ɛ wɔɔ.

MARIKUS 11:10

Rìkem ɗyɛɛ ɓa rì kìlàmì ki ki yuù yì, kìlàmì ki Davit à seŋi wìs; ozana! Rìkem ɗyɛɛ ɓa ɓi ɗyoo ɓi ɗùm.

MARIKUS 3:35

ɓisuulɛ, ŋwaànɛ à kìi rìkɔ̀n ɗi Bɛ̀ll, nnyɛɛ ri geni wɛ̀m à baŋì, nsoò lɛ à giɓ nsoò lɛ jɛɛ wɛ̀m.

LUKAS 19:11

Yɛ̀ɛ ɓum ɓɛ wowòkà ɓìtòkì ɓiì ɓiǹ, nni Yeesus à teetìghà ɓɔ dàɗkì ìdɛŋ ɓisuulɛ, à ɓaghà jàŋbog rì Yorisalɛm, rì tì lɛ ɓum ɓɛ fefèkà lɛ kìlɔ̀ŋ ki Bɛ̀ll ki ghɛɛ̀sɛ̀ngà kì kpaŋì ɓi cààmɛ̀n kɔm̀ kiǹ.

LUKAS 19:38

Ɓɛ kpaakpàà lɛ: Bɛ̀ll a maŋ rìfòm ɗi ɗi yuu yì ɓi ɗii ɗi Kan, fyòoog à ɓa ɓi ɗyoo ɓi ɗùm, rìkem ɗyɛɛ ki Bɛ̀ll.

LUKAS 22:42

à kpaa lɛ: Tààta i ki kɔni wɔ̀, kìya lɛ ɓeŋ ànɛ a raɓsɛn mɛ̀, nni àa rìkɔ̀n ɗyɛm̀ ɗyɛɛ ghɛɛ̀sɛɛ kì kìlɛɛ, lɔŋ ɗinkɔ̀ɔ̀.

ZYAŊ 4:34

Yeesus à kpaa ɓɔ lɛ: Ɓìɗilàg ɓyɛm̀ ɓi ri lɛ nki rìkɔ̀n ɗi roànɛ à romgày mɛ̀, ǹki lègsi kisay ki à faghà mɛ̀.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

MƐ̀KÌKÌÌ MƐ ƁƐKƐ̀NÌ-FÌTOM 13:22

Yɛ̀ɛ Bɛ̀ll à pisìghà Saul, à fa ɓɔ Davit lɛ nnyɛɛ ɓa rìfòm ɗyaa. Davit ànɛ̀n innɛ Bɛ̀ll à sɛkà à kpaa lɛ: Mɛ̀ɛ nghɛɛ Davit, man à lzayii, à rì rìkuu ɗi mum ɗi nɗem wɛ̀m wu ǹfèfeegh, nnyɛɛ rì ɓiì kìi ɓiɓan ɓìcèm ɓi ǹkɔ̀ni lɛ a ki.

MƐ̀KÌKÌÌ MƐ ƁƐKƐ̀NÌ-FÌTOM 21:14

Yɛ̀ɛ à yaaghrɛ̀ngà, nni ɓìsii caɗkà nyi tì kpaa lɔŋ nyi lɛ, rìkɔ̀n ɗi Kan ɗyɛɛ kilɛn.

MƐ̀KÌKÌÌ MƐ ƁƐKƐ̀NÌ-FÌTOM 22:14

Nni Ananyas à kpaaghà mɛ̀ lɛ: Bɛ̀ll à ɓɛ̀seŋi ɓis à lokà wɔ̀ kì ɓɔ̀ni lɛ, u yi rìkɔ̀n ɗii, ù ghɛn m̀bobog à mum ànɛ à rì lɛ saaɗ ù ki wog jɛ̀ɛ̀ ìnɛ ì kpaŋiì ɓi ŋwɔm wìì;

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

EFÈZYƐŊ 6:6

Syeesyee wìn a rìkì ɗi ɓiɓan kɛ̀ɛ ɓa lɛ yɛ̀ɛ ɓum ɓɛɛ̀ seesee mini, yɛ̀ɛ ɓɛɛ̀ kali lɛ ɓi kaakaa lɛ ɓi puɓsi ɓɔ mɛ̀rem; a ɓa lɔŋ lɛ ɓi kìki rikɔ̀n ɗi Bɛ̀ll rì nɗem win wucèm lɛ ɓì rì ɓɛ̀kpàn ɓɛ Kiris.

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

KÒLÒSYƐŊ 1:9

Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

TÈSÀLÒNÌSYƐŊ 4:3

Rìkɔ̀n ɗi Bɛ̀ll ɗi ri lɛ ɓi ghɛɓ cɛɓ ki tɛnɛn, ɓì cèlì ɓìɓan ɓi tifin.

TÈSÀLÒNÌSYƐŊ 5:18

Faana Bɛ̀ll ɓìtògsɛ̀n ɓi ɓìɓan ɓìcèm ɓi ɓi tanɛɛ mìni, lɛ fɔlɔɔ yɛɛ ri rìkɔ̀n ɗii ɓi cɛɓ kin ki rì Yeesus Kiris.

EBIREEGH 1:14

Ɓum ɓɛ titom ɓɛ̀cèm ɓɛ yin nya mɛ̀ghay mɛ mɛɛ̀ kìki Bɛ̀ll kìsay? Mɛ ki ɓa lɛ, nyi yɛɛ romi mɔ lɛ mɛɛ kɛǹ kì ghɛɓsii ɓum ɓɛ̀cèm ɓɛ ɓɛ ghɛɛ̀sɛɛ kì terì gàɓ ɓi gòri ì Bɛ̀ll?

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 10:7

Nni fɔɔnnɛ mɛ̀ɛ nkpaaghi lɛ: wɔ̀ Bɛ̀ll, mɛ̀ɛnɛ, ǹ-yùu lɛ nki rìkɔ̀n ɗyɔɔ, lɔŋ yɛ̀ɛ kìɓan kɛm̀ ki ri kìkànɛn ɓi kaàtà à ɓìdɔ̀gsɛna.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

1 PYƐƐRI 2:15

Ɓisuulɛ rìkɔ̀n ɗi Bɛ̀ll ɗi ri lɛ, ɓi sim ɓumɓɛ ɓɛ ri ɓìdùŋdùŋ ɓɛ̀ kɛɛ̀ yi com myɔm rì kìrɔɔ ki ɓi kìkì.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 12:10

Fɔɔnnɛ ǹwokà di coo jɛ̀ɛ̀ kɛɛ̀ kpaakpaa yi ɓi ɗyoo lɛ: Cààmɛ̀n ki gòri rì ìtèɗ, rì kìlàmì ki Bɛ̀ll, kɛɛ ti lɛ ɓigomìnɛ, rì ìtèɗ wu rilàmì ɗi Kiris wìì, ɓisuulɛ ɓɛ mɛ tyɔg roànɛ à ti à sɔmàg ɓɛ̀geni ɓis, lɛ nnyɛɛ nti à sɔmàg ɓɔ yɛ̀ɛ ìru yɛ̀ɛ ŋwos, ɓi mis mɛ Bɛ̀ll.

ÀPÒKÀLIƁSƐ̀ 19:6

Fɔɔnnɛ ǹwokà jɛ̀ɛ̀ di yɛɛ̀ wɔ̀ɔ̀wɔɔ yɛ̀ɛ jɛ̀ɛ̀ ì coo kituu ki ɓum, ì pisɛ̀n ɗì gom ì ɓyoo ɓikus ɓi riɓày, nsoò lɛ gom ì baàbàn ìnɛ yɛɛ̀ ɓoɓog ri ìtèɗ, jɛ̀ɛ̀ ìncèm ì kpaakpàà lɛ: Alèluyà! Lɛ Kan Bɛ̀ll à ìtèɗ wucèm à mɛ rèsi kilàmì kii.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.