MATYOO 5:46 - Bafia Nouveau Testament

⁴⁶ I ɓumɓɛ ɓɛɛ̀ keesag mini ɓɛɛ̀ɓɛ ɓì keesii ɓɔrìɓɔ, mɛ̀lèɓ aɗi mɛɛ̀mɛ ɓì rì lɛ ɓì ɓoŋɓòŋ yɛ̀ɛ Bɛ̀ll? Nsoò ɓɛ̀terì-làmpoŋ̀ ɓɛ ti ɓɛ kilàg girig fɔlɔɔ.

MATYOO 5:46 ပူးပေါင်းရင်းမြစ်များ

MATYOO 11:19

Man à Mum à yù, à kìkì lɛ, à ɗiɗì ɓìɗilàg, à ki nɔnɔ mɛrɔ̀g, nnyaa ànɛn à rì lɛ, ànɛ̀n ǹɗiì-com, ànɛn ǹnɔɔ̀-mɛ̀rɔ̀g, à ki ɓa ti righan ɗi ɓɛ̀terì-làmpoŋ̀, rì ɓɛ̀kìì-kìɓe. Kìɓan kifog ɗyomzɛ̀n ɗi Bɛ̀ll ɗi ti ɗi ghɛnàg lɛ ɗi ri lɛ saaɗ ɓi ɓìɓan ɓi ɗi kiì.

MATYOO 18:17

I à ɓèèdii tì ɓɔ kì woògh, ù kalì kìɓan kiǹ ɓi nyìinyìm à kìseŋi. I à rɔ̀ɓtii kɛ̀ɛ wog rikpaa ɗi kiseŋi, tera nyi fɛlɛ yɛ̀ɛ ŋwaànɛ à yin ǹgherɛ̀n nsoò lɛ yɛ̀ɛ ǹterì-làmpoŋ̀.

MATYOO 5:47

I ɓɛ̀geni ɓin ɓɔrìɓɔ ɓɛɛ̀ɓɛ ɓì ti ɓì tògsàg, di ɓi ka ki bi kiɓan ki nyɔ̀n; lɛ nsoò ɓumɓɛ ɓɛ gherɛɛ ɓi Bɛ̀ll, ɓɛ ti ɓɛ kilàg girig fɔlɔɔ.

MATYOO 6:1

Konaaghna lɛ, kìsay ki ɓi kìki Bɛ̀ll kɛ̀ kɛɛ̀ ɓa yɛ̀ɛ ɓi rèeresɛ̀n ɓi mis mɛ ɓum, di ɓì ɓiì ki mɛ̀mi mɛlèɓ yɛ̀ɛ Seŋi wìn anɛ à rì aɗyòò.

MARIKUS 2:15

Yɛ̀ɛ Yeesus à ɗiɗìghà ɓìɗilàg ɓi naa ì Levi, ɓɛ̀terì-làmpoŋ̀ lɛɛ̀gwey rì ɓɛ̀kìì-kìɓe ɓɛ yughà kì kɔ̀rii ɓi riɗi ɗi ɓyom ǹɗaŋ ri nyi rì ɓɛ̀yilàg ɓii, ɓisuulɛ ɓumɓɛ̀n ɓɛ nnɔ̀ɔ̀tàg nyi ɓìtuu ɓìtuu.

MARIKUS 2:16

Yɛ̀ɛ ɓɛ̀rèsàg-ɓìdɔ̀gsɛna ɓɛ ɓi nɗaŋ wu Ɓɛ̀fàrìzyɛŋ ɓɛ ghɛngà nyi di a ɗiɗi ǹɗaŋ ri ɓɛ̀terì-làmpoŋ̀, rì ɓɛ̀kìì-kìbe, nni ɓɛ tɔkà ɓɛ̀yilàg ɓii lɛ: Ɓisuucɛ nnɛ ǹɗèsàg wìn a ɗiɗi ǹɗaŋ ri ɓɛ̀terì-làmpoŋ̀, rì ɓɛ̀kìì-kìɓe?

LUKAS 15:1

Ɓɛ̀terì-làmpoŋ̀ rì ɓɛ̀kìì-kìɓe ɓɛm̀bog ɓɛ ǹ-yùlàg ɓɛ̀sɛ̀ɛ̀ ɓɛ̀cèm yɛ̀ɛ Yeesus, lɛ ɓɛɛ wowog ɓìtòkì ɓii.

LUKAS 18:13

Fɔɔnnɛ ǹterì-làmpoŋ̀ nyii rɛlìghày fìràɓ, kɛ̀ɛ ghɛɛsi lɛ, a ɓegsi mis aɗyòò, kìɓan kifog, à yɛ̀ɛ̀ghyɛ̀gsì ɓyàg ri ǹɗemi-kɛŋɛn di a kpaakpaa lɛ: Tààta Bɛ̀ll, wogha ǹkìì-kìɓe anɛ lɛ mɛ̀ nyìighnyìg.

LUKAS 19:2

Fɔɔnnɛ guŋgum adɛŋ ɗii lɛ Zasye ànɛ à ɓaghà rìfòm ɗi ɓɛterì-làmpoŋ̀,

LUKAS 19:7

Yɛ̀ɛ ɓum ɓɛ ghɛngà fɔlɔɔ, ɓɛ̀sɛ̀ɛ̀ ɓɛ̀cèm ɓɛ tum rìŋwɔ̀ŋwɔ̀ŋì di ɓɛɛ̀ kpaakpaa lɛ: À kɛ̀ɛ kì kɔ̀rii ɓi naa ì kìɓeɓtàg ki mum!

LUKAS 3:12

Ɓɛ̀terì-làmpoŋ̀ ɓɛ yughày girig lɛ ɓɛɛ ɓaɓti ɓɔ, nni ɓɛ tɔkà nyi lɛ: Ǹɗèsàg, cɛ tì ghɛ̀ɛ̀sɛɛ kì kìi?

LUKAS 5:29

Fɔɔnnɛ à kɛ̀ngà rì Yeesus a mɛɛ mii, à taŋzɛ̀n coo kisɛ̀nɛ̀: Ɓɛ̀terì-làmpoŋ̀ lɛɛ̀gwey rì ɓum ɓɛdɛŋ ɓɛ ɗiɗìghà ǹɗaŋ ri ɓɔ.

LUKAS 5:30

Nni Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ tumɛ̀ngà rìŋwɔ̀ŋwɔ̀ŋì di ɓɛɛ tɔtɔg ɓɛ̀yilàg ɓɛ Yeesus lɛ: Ɓisuucɛ nnɛ ɓi kìki lɛ, ɓì ɗiɗì, ɓì ki nɔnɔ ǹɗaŋ ri ɓɛ̀terì-làmpoŋ̀ rì ɓɛ̀kìì-kìɓe?

LUKAS 7:29

Ɓum ɓɛ̀cèm ɓɛ ɓɛ wowòkà ɓìtòkì ɓi Zyaŋ, ǹsoò ɓɛ̀terì-làmpoŋ̀, ɓɛ ghɛngà lɛ Bɛ̀ll à rì lɛ saaɗ; kɛɛ kìghà lɛ, ɓɛɛ kɛǹ, Zyaŋ a ɓaɓti ɓɔ.

LUKAS 7:34

Man à mum à yùy, à kìkì lɛ, à ɗiɗì, à nɔnɔ̀, mìni lɛ: À rì ǹɗii com, à ki ɓa ti kinɔɔ̀ mɛ̀rɔ̀g, nyi tì rìghan ɗi ɓɛterì-làmpoŋ̀ rì ɓɛ̀kìì-kìɓe.