MATYOO 5:30 - Bafia Nouveau Testament

³⁰ I càg kɔɔ ki weèlem ki ri lɛ ki kɛɓtì wɔ̀ fìɓàg, rena kɔ u mag̀ kɔ fìràɓ; lɛ ki ri kìrɔɔ lɛ u ɗimzi kìkàɓ kɔɔ kifog à cee lɛ wɛ̀ɛmiɗ bimiɗ u kɛǹ ɓi ɗuu.

MATYOO 5:30 ပူးပေါင်းရင်းမြစ်များ

MATYOO 11:6

Mààgh rì ŋwaànɛ àa kɛ̀ɓtɛn ɓi fiɓàg ɓisu wɛ̀m.

MATYOO 13:21

kìɓan kìfog jɛ̀ɛ̀ yɛ̀ kɛɛ̀ ɓag gàŋ ɓi ǹɗem wìì; i à ɓèŋi yɔ̀ ɓi maa cààmɛ̀n, i mɛ̀tɔɓ rì ǹ-yeesɛ̀n ɓi ghɛnɛɛ a lɔ̀ŋkii ɓisuu jɛ̀ɛ̀ ìnɛn, lɔŋ lɛ à kɛ̀ɓtɛɛ fìɓàg.

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

MATYOO 17:27

Wɔ̀lɛ ɓi ɗi lɛ tyɛ̀ ki kɛ̀ɓti ɓɔ fìɓàg, kɛ̀na ɓi rìɓày, u pig fìlɔɓ, kìzɛn ki ki ɓiì loògh kì ɗiì, sɔri kɔ̀, pini kɔ ŋwɔm fɔɔnnɛ, ù ɓiì tanɛɛ firaŋ̀ fi mɔ̀ɔ̀ni miì, tera fìraŋ̀ fiǹ u fa ɓɔ fyɔ ɓisuu làmpoŋ̀ wìs, lɛ rì mɛ̀ rì wɔ̀.

MATYOO 18:8

I càg kɔɔ nsoò lɛ ìkòò wɔɔ ɓyɛɛ ti ɓi kɛɓtàg wɔ̀ fìɓàg, rena ɓyɔ, u mag ɓyɔ fìràɓ; lɛ ki ri wɔ̀ kìrɔɔ lɛ u ghɛǹ cɛɓ rì càg kifòg, nsoò lɛ ìkòò wufòg, à cee lɛ u kɛǹ ɓi ɗuu ɗi fiɗyàɓ fikɔ̀ɔ̀ rì ɓyàg ɓyɔɔ ɓìcèm, nsoò lɛ rì mɛ̀kòò mɔɔ mɛcèm.

MATYOO 22:13

Fɔɔnnɛ rìfòm ɗi kpaaghà ɓɛ̀kìì-ɓìsay ɓii lɛ: Kàŋina mɛ̀ ŋwaànɛ lɛ, rì mɛ̀kòò rì ɓyàg, ɓi pig nyi ɓi birìm ìnɛ ɓi dan, jàŋ ìnɛ ɓum ɓɛ ri ɓiì rèereèdɛ̀n ɓɛ ŋaàŋààdì min.

MATYOO 25:20

Fɔɔnnɛ roànɛ ɓɛ faghà tìraŋ̀ titaǹ à yughày rì tìraŋ̀ tidɛŋ titaǹ miì aɗyòò, à kpaa lɛ: Masà, ù faghà mɛ̀ tìraŋ̀ titaǹ nni tidɛŋ tyɛɛ̀ti titaǹ ti mɛ̀ɛ ǹɗɔ̀ɓi kì yaasii.

MATYOO 26:31

Nni Yeesus à kpaaghà ɓɛ̀yilàg lɛ: Ɓi-ru wu gɛɛ̀nɛ, ǹɗì ɓiì ɓaà fìɓàg ɓisu win ɓɛsɛ̀ɛ̀ ɓɛ̀cèm, lɛ ki ri kì kànɛn lɛ: Ǹɗì ɓiì wolì m̀ɓèŋì-jɔ̀ɔ̀, jɔ̀ɔ̀ yii yicèm yi saàtɛ̀n.

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MATYOO 5:29

I ɗis ɗyɔɔ ɗi weèlem ɗi ri lɛ ɗi kɛɓtì wɔ̀ fìɓàg, sɔgha ɗyɔ, u mag̀ ɗyɔ fìràɓ; ɓisuulɛ, ki ri kìrɔɔ lɛ u ɗimzi kìkàɓ kɔɔ kifog à cee lɛ wɛ̀ɛmiɗ bimiɗ u kɛǹ ɓi ɗuu.

MARIKUS 9:43

I càg kɔɔ kɛɛ ri lɛ kɛɛ kɛɓti wɔ̀ fìɓàg, rena kɔ, lɛ ki ri wɔ̀ kìrɔɔ lɛ u ghɛn cɛɓ di ù rì càg kìfog à cee lɛ u kɛǹ ɓi kìgɛ̀ŋ ki ɗuu ɗi fiɗyàɓ fikɔ̀ɔ̀ rì ɓyàg ɓyɔɔ ɓìcèm. [

LUKAS 12:5

Ǹɗì mìni ɓiì rèsii ŋwaànɛ ɓì ghɛ̀ɛ̀sɛɛ kì risii; risiina roànɛ à rì rì ìtèɗ wulɛ à wey, à ki pìg mini ɓi ɗuu ɗi fiɗyàɓ fikɔ̀ɔ̀; ǹkalii mìni ɓi saaɗ lɛ, nyi nnɛ ɓì ghɛ̀ɛ̀sɛɛ kì risii.

LUKAS 17:2

Ki ri kìrɔɔ ɓisu wii lɛ ɓɛɛ kaŋ̀ nyi coo gɔ̀g ì kìpɛn ɓi kìmììgh, di ɓɛɛ pig nyi ɓi rìɓày à kìkòn à cee ɗi lɛ a kɛɓti kìbog ki ɓi ɓɔɓti ɓɛ fìɓàg.

RÒMƐŊ 9:33

ìnɛ kaàtà à Bɛ̀ll à ɓùŋi ɓi jàŋ inɛ à kpaa lɛ: Ɓì ghɛɛ, ǹfoŋi gɔ̀g ìnɛ ì rì rì fìɓàg a Siyon, rìɓan ɗi ɗi ti ɗi ɓigtàg ɓum, kìɓan kifog ŋwaànɛ à gherɛɛ nyi àa teɗ ɓi ntoòrìɗ.

1 KƆ̀RƐ̀ŊTYƐŊ 8:13

Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

GÀLAT 5:11

Ɓɔɔsoŋ̀, ɓi ɓɛg ànɛ a lɔ̀ŋkɛm̀, i kaa rì lɛ ǹkaka ǹɗèrèsì ɓum lɛ ɓɛ ghɛɛ̀sɛɛ kì kɛ̀rɛɛ, di ɓi cɛ nnɛ ɓɛ ri lɛ ɓɛ kɛnkɛ̀n asu ɓɛ tɔtɔ̀ɓ mɛ̀? I kaa rì fɔlɔɔ, di rìwu ɗi Kiris à wughà ɓi kɔrɔs ɗi yin lɛ ɗi kɛɓtì tì mum fìɓàg.

1 PYƐƐRI 2:8

Ɓɛ ti ɓɛ kpilàg miì lɛ ɓɛ ɓengà kì woògh jɛ̀ɛ̀ ì Bɛ̀ll, fɔlɔɔ nnɛ ki ghɛɛ̀sɛ̀ngà kì ɓaà ɓisu waa.