MATYOO 5:29 - Bafia Nouveau Testament

²⁹ I ɗis ɗyɔɔ ɗi weèlem ɗi ri lɛ ɗi kɛɓtì wɔ̀ fìɓàg, sɔgha ɗyɔ, u mag̀ ɗyɔ fìràɓ; ɓisuulɛ, ki ri kìrɔɔ lɛ u ɗimzi kìkàɓ kɔɔ kifog à cee lɛ wɛ̀ɛmiɗ bimiɗ u kɛǹ ɓi ɗuu.

MATYOO 5:29 ပူးပေါင်းရင်းမြစ်များ

MATYOO 10:28

Kɛ̀ ɓi risi ɓumɓɛ ɓɛ ri lɛ i ɓɛ woli mɛ̀mùù, ɓɛ̀ kɛɛ̀ ɓa ti ri bee ìnɛ ɓɛɛ wey ǹghay; risiina lɔŋ roànɛ à rì rì ìtèɗ wulɛ, à wey lɛ, rì mɛ̀mùù rì ǹghay ɓi ɗuu ɗi fiɗyàɓ fikɔ̀ɔ̀.

MATYOO 11:6

Mààgh rì ŋwaànɛ àa kɛ̀ɓtɛn ɓi fiɓàg ɓisu wɛ̀m.

MATYOO 16:26

Nni ki ghɛɓsii mum cɛ lɛ a fɔǹ ziinɛ bimiɗ, di à ɗimzii cɛɓ kii? Cɛ ŋwaà rì lɛ à làg cɛɓ kii ri kɔ?

MATYOO 17:27

Wɔ̀lɛ ɓi ɗi lɛ tyɛ̀ ki kɛ̀ɓti ɓɔ fìɓàg, kɛ̀na ɓi rìɓày, u pig fìlɔɓ, kìzɛn ki ki ɓiì loògh kì ɗiì, sɔri kɔ̀, pini kɔ ŋwɔm fɔɔnnɛ, ù ɓiì tanɛɛ firaŋ̀ fi mɔ̀ɔ̀ni miì, tera fìraŋ̀ fiǹ u fa ɓɔ fyɔ ɓisuu làmpoŋ̀ wìs, lɛ rì mɛ̀ rì wɔ̀.

MATYOO 19:12

Ɓisuulɛ ɓum ɓɛdɛŋ ɓɛ ri wɔɔ, ɓɛ ri myɛg à tumɛ̀n ɓi mùm mɛ ɓɛ̀jɛɛ ɓaa, ɓɛ̀ro ɓɛdɛŋ ɓɛ ɓa lɛ ɓum ɓɛɛ kii ɓɔ fɔlɔɔ, ɓɛ̀ro ɓɛmbog, ɓɛ ghaasì ɓɔmiɗ myɛg ɓisuu kilɔ̀ŋ ki aɗyòò. Ŋwaànɛ à rì lɛ à wog, à ghɛ̀ɛ̀sɛɛ kì woògh.

MATYOO 23:15

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm ìghèy ɓi ɗùm, ɓisuulɛ ɓi rereni jàŋ lɛ, ri ɓi rìɓày rì ɓi zi ì zɛy lɛ ɓi syoŋ mum ànɛ ɗiŋi ɓi nɗaŋ win nsoò bogtɛ̀n. Nni yɛ̀ɛ ɓi ki syòŋi mum lɔɔ, ɓì kì lɛ ŋwaànɛ̀n a ɓa ŋwaànɛ à ghɛ̀ɛ̀sɛɛ rì ɗuu ɗi fiɗyàɓ fikɔ̀ɔ̀, à cee mìni ɓi kìɓeɓtàg ki ǹɗem.

MATYOO 23:33

Nyoo yi lɛ mìni, ɓìgòm ɓi lɛ mìni ɓì! lannɛ ɓì ɓiì kìi lɛ ɓi ghɛ̀ɓ rìkɛ̀n ɗi ɓi ɗuu ɗi fìɗyàɓ fikɔ̀ɔ̀?

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MATYOO 5:30

I càg kɔɔ ki weèlem ki ri lɛ ki kɛɓtì wɔ̀ fìɓàg, rena kɔ u mag̀ kɔ fìràɓ; lɛ ki ri kìrɔɔ lɛ u ɗimzi kìkàɓ kɔɔ kifog à cee lɛ wɛ̀ɛmiɗ bimiɗ u kɛǹ ɓi ɗuu.

MARIKUS 8:36

Kì ghɛɓsii mum cɛ lɛ, a fɔǹ ziinɛ bimiɗ, di à ɗimzii cɛɓ kii?

LUKAS 12:5

Ǹɗì mìni ɓiì rèsii ŋwaànɛ ɓì ghɛ̀ɛ̀sɛɛ kì risii; risiina roànɛ à rì rì ìtèɗ wulɛ à wey, à ki pìg mini ɓi ɗuu ɗi fiɗyàɓ fikɔ̀ɔ̀; ǹkalii mìni ɓi saaɗ lɛ, nyi nnɛ ɓì ghɛ̀ɛ̀sɛɛ kì risii.

RÒMƐŊ 6:6

Tì ghɛ̀ɛ̀sɛɛ kì konaagh ki yiì lɛ fìɗyàɓ fis fi riɓa fi abɛ̀y fɛlɛ yɛ ɓum, fi ɓaghà fi kpanɛn ɓi kɔrɔs ǹɗaŋ ɗi nyi, lɛ di Bɛ̀ll a waà nyoo ì kìɓe inɛ tì rì rì yɔ̀, yɛ̀ɛ tyɛ̀ ki ɓa ti ɓɛkpàn ɓɛ kiɓè.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

1 KƆ̀RƐ̀ŊTYƐŊ 9:27

Nkìki kɔm̀ nyoo yɛ̀m rìgɛn, ǹghaasì yɔ̀ ǹkpàn lɛ kɛ̀ kɛɛ̀ ɓaa gɛ lɛ mɛ̀ɛmiɗ anɛ ǹkpaaghà ɓum ɓɛdɛŋ Syeesyee à Ɓɔlɛ, mɛ̀ yɛɛ ɓa ǹcàrɛn ɓi ɗyɔ̀m.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.