MATYOO 5:17 - Bafia Nouveau Testament

¹⁷ Kɛ̀ ɓi fèg lɛ ǹ-yùghà lɛ n-yogsi ɓìdɔ̀gsɛna ɓi Bɛ̀ll, nsoò lɛ, rìrèsàg ɗi ɓɛkpaŋzì-ɓìɓan, ǹ-yùghà ɓi lɛ ǹ-yogsì ɓyɔ, ǹ-yùghà lɔŋ lɛ, ǹɗoòzi ɓìɓan ɓi miì.

MATYOO 5:17 ပူးပေါင်းရင်းမြစ်များ

MATYOO 3:15

Yeesus à ɓàg nyi lɛ: Gherɛn lɛ kɛɛ kilɛn fɔlɔɔ ɓigomìnɛ lɛ, tì ghɛ̀ɛ̀sɛɛ lɛ tì roòzì ɓìɓan ɓìcèm ɓi Bɛ̀ll a tɔtɔ̀g. Fɔɔnnɛ Zyaŋ à ki ɓunɛ̀ngà min.

MATYOO 7:12

Com kìcèm ki ɓi kɔ̀ngi lɛ di ɓum ɓaa kìi mìni, mìni girig, kìlaaghna ɓɔ kɔ, lɛ fɔlɔɔ nnɛ rìrèsàg ɗi ɓiɗɔ̀gsɛna ɓi Moyis rì ɗi ɓɛkpaŋzì-ɓìɓan ɗi ri.

LUKAS 16:17

Ki ri lɛ fyɛ̀ɗ lɛ, ɗyoo rì zi ɓyɛɛ silì à cee lɛ maa kìkàŋga àdɛŋ a pɛsɛn ɓi kaàtà à ɓìdɔ̀gsɛna.

ZYAŊ 8:5

Moyis à siitàkà ɓìsi ɓi ɓìdɔ̀gsɛna lɛ tì ghɛ̀ɛ̀sɛɛ kì welì mɛ̀kuu mɛ ɓɛ̀yiɓ mɛ fɛlɛ, di tì rogii mɔ gɔ̀g, nni wɔ̀ɔ̀ kpaa la?

MƐ̀KÌKÌÌ MƐ ƁƐKƐ̀NÌ-FÌTOM 18:13

Ɓɛ kpaa lɛ: Ŋwaànɛ a tootoòsì, ɓum lɛ ɓɛɛ ɓɔgsi Bɛ̀ll ɓi rìkuu ɗi riɓɔgsì ɗi ɓìdɔ̀gsɛna ɓi reègh.

MƐ̀KÌKÌÌ MƐ ƁƐKƐ̀NÌ-FÌTOM 21:28

di ɓɛɛ kuukugsɛ̀n jɛ̀ɛ̀ aɗyoo lɛ: Mìni ɓumɓɛ a Isirayɛl, yùuna ɓìsi fɛ̀! Ŋwaànɛ à ti à kɛ̀ɛ̀kɛ̀ɛ̀ jàŋbimiɗ, di a rèresi ɓum ɓɛ̀cèm lɛ ɓɛɛ ki lɛ, ɓɛ sɛɛtì kìlɔ̀ŋ kis, ɓɛ sɛɛtì ɓìdɔ̀gsɛna ɓi Moyis, ɓɛ ki sɛɛti naa yìs i Bɛ̀ll. Àa rɛ̀ŋii gì kì ɗiŋzii ɓumɓɛ zɛy ɓi naà-Bɛ̀ll. Rìkì ɗiǹ, ɗi yogsii rìɓa ɗi naà-Bɛ̀ll, ì rì kìcèlì.

MƐ̀KÌKÌÌ MƐ ƁƐKƐ̀NÌ-FÌTOM 6:13

Ɓɛ kɛɛ̀dì wɔɔ ri ɓɛ̀wusìnɛ̀ɗ ɓɛdɛŋ ɓɛ ɓɛ pwaapwààghà Ityɛn ɓìɓan ɓi nyoo di ɓɛɛ kpaakpaa lɛ: Ŋwaànɛ à rì lɔŋ cààmɛ̀n kìcèm ɓi rìfen ɗi naà-Bɛ̀ll, rì ɓìdɔ̀gsɛna ɓi Moyis.

RÒMƐŊ 10:4

Ɓisuulɛ Kiris à rì rìsugtɛ̀n ɗi ɓidɔ̀gsɛna, lɛ di mum ǹcèm ànɛ à gherɛɛ a ɓa lɛ saaɗ ɓi mis mɛ Bɛ̀ll.

RÒMƐŊ 3:31

Kìɓan kiǹ ki resii nya yɛɛ lɔɔ lɛ tì pisii ìtèɗ wu ɓidɔ̀gsɛna lɛ rìgherɛ̀n? Èe èe, fɔlɔɔ a rì kɔm̀ lɛ tì sììraagh ɓìdɔ̀gsɛna.

RÒMƐŊ 8:4

Bɛ̀ll à kìghà fɔlɔɔ lɛ, di ɓìɓan ɓi saaɗ ɓi ɓìdɔ̀gsɛna ɓyɛɛ̀ tɔtɔ̀g, ɓyɛɛ kilɛn ɓi ɓìsi ɓɛ ti nɔ̀ɔnɔɔ̀tì rìrèsì ɗi Kitɛntɛ̀ɛ̀n ki Nghày.