MATYOO 4:24 - Bafia Nouveau Testament

²⁴ Rìkem ɗii ɗi saaghà jàŋbimiɗ a Sirii, fɔɔnnɛ ɓɛ yuyùghày nyi lɛ, rì ɓum ɓɛ̀cèm ɓɛ ɓɛ roròɓkà tìroɓ mɛ̀kuu mɛ̀kuu rì, ɓɛ ɓɛ wowòkà rìkɛŋ bee lɛ bee, ri ɓɛ̀roɓɛ ɓɛ ɓaghà rì ɓìɓeɓtàg ɓi mɛghay, rì ɓɛ̀roɓì kìtìs, rì ɓìsɛkɛ̀rɛ̀, Yeesus à ki wɔ̀ɔwɔɔ̀zì ɓɔ.

MATYOO 4:24 ပူးပေါင်းရင်းမြစ်များ

MATYOO 12:22

Nni ɓɛ yughày Yeesus rì ɗyaŋɗyàŋ àdɛŋ ànɛ à ɓaghà rì kìɓeɓtàg ki nghay, àncèm tì mùm-mùm, Yeesus à ki wɔ̀ɔ̀zi nyi ɓi lèg ànɛ lɛ ŋwaànɛ̀n à kìghà lɛ, à tòòghrɛ̀n, à ki ghɛnɛn.

MATYOO 14:1

Ɓi cààmɛ̀n kiǹ, Eroodɛ ànɛ à ɓaghà gɔmìnà a Galile à wokà di ɓɛɛ ɓùŋɓuŋ Yeesus, à ki kpaa ɓɛ̀kìì-ɓìsay ɓii lɛ:

MATYOO 15:22

Fɔɔnnɛ giɓ adɛŋ ànɛ a Kanaaŋ ànɛ ɓi kòdò ànɛn, à yughày, à kpaa Yeesus jɛ̀ɛ̀ aɗyoo lɛ: Kan, wogha mɛ̀ nyìighnyìg, wɔ̀ Man à Davit; kìɓeɓtàg ki nghay kɛɛ̀ yeeyeèsì gɔ̀n yɛ̀m rì ìtèɗ.

MATYOO 17:15

Kan, wogha man wɛm̀ nyìighnyìg, a roròɓ kitìs, ki ki yeeyeèsì nyi lɛɛ̀gwey; à ti à kpìlàg ɓi ɗuu, nsoò lɛ ɓi mɛ̀nig.

MATYOO 17:18

Nni Yeesus à fwààdɛ̀ngà kìɓeɓtàg ki nghay, ki kpaŋ ɓi mutyàànɛ̀n, à ghàs kì wɔ̀ni lɔŋ wɔɔ foo.

MATYOO 4:23

Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 8:28

Yɛ̀ɛ Yeesus à kɛngà kì kpaŋì cɛcɛɗ ɓi kìlɔ̀ŋ ki Gadara, nni ɓum ɓɛdɛŋ ɓɛɓɛɛ̀ ɓɛ ɓɛ ɓaghà rì ɓìɓeɓtàg ɓi mɛghay, ɓɛ kpagày ɓi dɛm i zɔ̀ŋ, ɓɛ yu kìtuusɛɛ ri nyi. Kìɓɛ̀ɛ̀ ki ɓum kìn ki nyɛngà lèg ànɛ, mum àa ǹti kɛ̀ɛ ghɛɛsi lɛ a fyeè ɓi bee inɛ̀n.

MATYOO 8:33

Ɓumɓɛ ɓɛ ɓeŋɓèŋgà jèè yin ɓɛ ghɛŋighà, ɓɛ kɛǹ ɓi bàn lɛ ɓɛɛ kali ɓum kìɓan kiǹ, à ɓiisɛ̀n kìɓan ki ki kilɛ̀ngà a ɓumɓɛ ɓɛ ɓaghà ɓɛǹ rì ɓìɓeɓtàg ɓi mɛghay.

MATYOO 8:6

à yɛ̀gsì nyi ɓyàg, à kpaa lɛ: Kan! ǹkìì-kìsay wɛm̀ a nɔ̀nɔŋii a mɛɛ, kɛ̀ɛ bee inɛ lɛ a pɛsɛn aɗyòò; a ki wowog rikɛŋ lɛɛ̀gwey.

MATYOO 9:26

Fɔɔnnɛ gom ì kìɓan kiǹ ì sààghà ɓi kilànà ki zi kiǹ kìcèm.

MATYOO 9:35

Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm.

MARIKUS 1:28

Fɔɔnnɛ rìkem ɗi Yeesus ɗi ghaskà ki sàa ɓi ziì Galile bimiɗ.

MARIKUS 1:32

Yɛ̀ɛ cɛ̀ɛŋkò ki kpagà, ɗi ŋwos a mɛ cèŋ, nni ɓɛ yughày Yeesus lɛ, rì ɓum ɓɛ̀cèm ɓɛ ɓɛ roròɓkà, ri ɓɛ ɓɛ ɓaghà rì ɓìɓeɓtàg ɓi mɛghay.

MARIKUS 2:3

Nni ɓum ɓɛniǹ ɓɛ tɛkày kìsɛkɛ̀rɛ̀ ɓi kon ɓɛ yuiy nyi rì kɔ.

MARIKUS 2:4

Wɔ̀lɛ ɓumɓɛ̀n ɓɛ ɓaghà ɓi lɛ, ɓɛ kɛǹ rì kìsɛkɛ̀rɛ̀ kiǹ lɛsaaɗ yɛ̀ɛ Yeesus lɛ gùl ì ghekà bee; nni ɓɛ pinìghà fìran ɓi jàŋ inɛ Yeesus à rɛrɛ̀lìghà, ɓɛ rɔŋzìì min ŋwaànɛ̀n fɔlɔɔ ɓi kon wiì.

MARIKUS 2:9

Kìɓan aɗi kɛɛ yeesɛɛ foo? Rìkpaa ɗi ǹkpaa kìsɛkɛ̀rɛ̀ lɛ ɓìɓe ɓyɔɔ ɓi ti ɓìcenɛn gìn, rìkpaa ɗi ǹkpaà kɔ lɛ, pɛ̀sɛn aɗyoo u teɗ kon wɔɔ̀ u kɛǹ?

LUKAS 2:2

Bàlì ìnɛn yɛ̀ɛ ɓaghà ǹtonto à bàlì, ànɛ à kìlɛ̀ngà ɓi cààmɛ̀n ki Kirinus à ɓaa gɔmìnà ànɛ ɓi kìlɔ̀ŋ ki lɛ Sirii.

LUKAS 4:14

Nni Yeesus à sugtìghà a Galile ǹɗonɛn ri ìtèɗ wu Kitɛntɛ̀ɛ̀n ki Nghay; fɔɔnnɛ rìkem ɗii ɗi saàghà ɓi kìlànà ki zi kiǹ kìcèm.

LUKAS 4:38

Yɛ̀ɛ Yeesus à pɛ̀sɛ̀ngà ɓi naà-bɔ̀ŋzɛ̀n, nni à kɛ̀ngà a mɛɛ mɛ Simɔn, à tanɛ̀n jɛɛ gili Simɔn di à rì rì kìfɛɓ ɓi nyoo lɛɛ̀gwey; fɔɔnnɛ ɓɛ tɔkà Yeesus lɛ a ghɛɓsi nyi.

LUKAS 5:15

Rìkem ɗi Yeesus ɗi kɛnkɛ̀ngà lɔŋ asu di ɗyɛɛ̀ sààsàà. Ɓum ɓɛ nti ɓɛ taŋzàg ɓyoo gwìy lɛ ɓɛɛ wowog ɓìtòkì ɓii, rì tì lɛ, a wɔɔ̀zi ɓɔ tìroɓ tyaa.

LUKAS 5:24

Nkɔ̀nkɔn lɛ ɓi yi lɛ, Man à mum à rì rì ìtèɗ wulɛ à cenɛ̀n ɓum ɓìɓe fɛ ɓi ziinɛ. Fɔlɔɔ nnɛ à kpaaghà min kisɛkɛ̀rɛ̀ lɛ: Nkpaa wɔ̀ lɛ: Pɛ̀sɛn aɗyòò, u teɗ kon wɔɔ̀ u kɛǹ a mɛɛ.

LUKAS 7:17

Fɔɔnnɛ ɓɔlɛ ànɛ̀n à sààghà lɛ rì ɓi zi ì Zyude bimiɗ, rì ɓi ɓìlɔ̀ŋ ɓidɛŋ ɓi ɓi ɓaghà wɔɔ nunùg.

ZYAŊ 10:21

Ɓɛ̀ro ɓɛmbog ɓɛ kpaakpàà lɛ: Ɓìtòkì ɓi ŋwaànɛ ɓi yin ɓitòkì ɓi ŋwaànɛ à rì rì kìɓeɓtàg ki nghay. Kìɓeɓtàg ki nghay ki ri nya lɛ ki ŋwaɗ mis mɛ ɓɛɗyaŋɗyaŋ?

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 15:23

Fɔɔnnɛ ɓɛ romgà ɓɔ rì kaàtà ànɛ à ɓaghà ǹkànɛn fɛlɛ̀: Ɓɛ̀geni ɓin ɓɛ lɛ, rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn, ɓɛ togsaghiì mìni ɓɛ̀geni ɓaa, ɓɛ ɓì yin Ɓɛ̀yudɛ̀n, ɓɛ ɓì kɔ̀kɔrii a Aŋtyos, rì a Sirii, ri a Silisii.

MƐ̀KÌKÌÌ MƐ ƁƐKƐ̀NÌ-FÌTOM 15:41

Fɔɔnnɛ à fyeeghà a Sirii rì a Silisii di a tèeteèsì ɓɛ̀gherɛ̀n ɓɛ wɔɔ nyoo ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:9

Ajɛ̀m ìnɛn nnɛ ɓɛ̀roroɓ ɓɛdɛŋ ɓɛ ɓi kìrìŋ ki riɓày ɓɛ yughày, à wɔ̀ɔ̀zì girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 8:7

Ɓi Saaɗ ɓìɓeɓtàg ɓi mɛghay lɛɛ̀gwey ɓi Kpaŋkpàŋgà ɓi ɓumɓɛ ɓi ɓaghà miì di ɓyɛɛ̀ Syaasyaàdɛ̀n jɛ̀ɛ̀ aɗyoo, ɓìsɛkɛ̀rɛ̀ lɛɛ̀gwey, rì ɓɛ̀lɛnlɛm ɓɛ wɔngàkà.