MATYOO 4:23 - Bafia Nouveau Testament

²³ Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 4:23 ပူးပေါင်းရင်းမြစ်များ

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MATYOO 12:9

Yɛ̀ɛ à pɛ̀sɛ̀ngà foo, à kɛ̀n ɓi naà-bɔ̀ŋzɛ̀n ìnɛ wɔ̀ɔ̀.

MATYOO 13:19

I ŋwaà woogh di ɓɛɛ̀ kakali kìɓan ki kilɔ̀ŋ ki aɗyòò, à rɔ̀ɓ kɛ̀ɛ yi com ki ɓɛɛ̀ kpaakpàà: Ghèghey à mum à yù kì pisii boo ìnɛ ɓaa mìsi ɓi nɗem wu ŋwaànɛ̀n; ŋwaànɛ̀n à rì fɛlɛ yɛ̀ɛ boo ìnɛ ì kpìghà ɓi bee aɗyoo.

MATYOO 13:54

À kɛ̀ngà ɓi kìlɔ̀ŋ kii à ki tumɛn ɓum rìrèèrèsàg ɓi naa yaa yi bɔ̀ŋzɛ̀n; rìrèsì ɗii ɗi kìghà lɛ ɓum ɓɛɛ kuùghrag, ɓɛ ki tɔɔghtɔɔ̀ghrɛ̀n lɛ: Ɗyomzɛ̀n ɗi, rì ìtèɗ wu kìkiyɛn dàm miì, ɓi riì nyi fe?

MATYOO 14:14

Yɛ̀ɛ à kpagày ɓi kìkɔm, à ghɛn coo gwìy ì ɓum, nyìighnyìg ì kì nyi rì ɓumɓɛ̀n, à ki wɔ̀ɔ̀zi ɓɛlɛnlɛm ɓɛ ɓɛ ɓaghà ɓi gwìy ìnɛn.

MATYOO 24:14

Syeesyee à Ɓɔlɛ à kìlɔ̀ŋ ki Bɛ̀ll ànɛ, à ɓiì kalɛɛ zi bimiɗ, lɛ kìɓan ki Ɓɔlɛ ànɛ̀n kɛɛ yilɛn ɓi ɓìlɔ̀ŋ ɓìcèm, ajɛ̀m ìnɛn nnɛ rìsugtɛ̀n ɗi zi ɗi ri ɓa.

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 9:35

Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm.

MARIKUS 1:14

Yɛ̀ɛ ɓɛ ɓaghà di ɓɛ mɛ ɓan Zyaŋ, Yeesus à kɛ̀ngà a Galile, à kakàlì Syeesyee à Ɓɔlɛ à Bɛ̀ll.

MARIKUS 1:21

Nni ɓɛ kɛngà a Kapɛrinawum, Yeesus à ɗiŋì ɓi naà-bɔ̀ŋzɛ̀n ŋwosi Saɓàt; à tumɛ̀n rìrèsàg ɗi ɓum.

MARIKUS 1:39

Fɔɔnnɛ à kɛ̀ngà di a rereni ziì Galile à kakàlì Ɓɔlɛ à Bɛ̀ll ɓi naa yi bɔ̀ŋzɛ̀n à ki nànaɓ ɓiɓeɓtàg ɓi mɛghay.

MARIKUS 3:10

Ɓisuulɛ, yɛ̀ɛ à wɔ̀ɔ̀wɔ̀ɔ̀zìghà ɓum lɛɛ̀gwey, ɓum ɓɛ̀cèm ɓɛ ɓɛ ɓaghà ɓiì roroɓi ɓɛ kpikpìghà nyi ɓi nyoo lɛ ɓɛɛ kom nyi.

MARIKUS 6:2

Ŋwosi Saɓàt àdɛŋ, à tumɛ̀ngà ɓum rìrèsàg ɓi naà-bɔ̀ŋzɛ̀n; gɛ mum ànɛ à wowòkà ɓìtòkì ɓii à kuuràkà lɛɛ̀gwey ɓɛ tɔtɔg lɛ: À rìì fe ri kìɓan ki? Rìkuu ɗi ɗyomzɛ̀n aɗi ɗyɛɛ ri lɛ? Dàm yi a kìki yi yi ri la?

MARIKUS 6:6

Yeesus à kuuràkà yɛ̀ɛ ɓumɓɛ̀n ɓɛ ɓaghà fɔlɔɔ ri nyoey, à kɛ̀n asu à rerènì ɓìlɔ̀ŋ ɓi jàŋbog, di a rèeresàg ɓum ɓìɓan ɓi Bɛ̀ll.

LUKAS 10:9

Wɔ̀ɔ̀ziina ɓɛ̀roroɓ ɓɛ̀cèm ɓɛ ɓi bàn ìnɛn, ɓì kpaa ɓɔ lɛ: Kìlɔ̀ŋ ki Bɛ̀ll ki ti mìni jàŋbog.

LUKAS 13:10

Yɛ̀ɛ Yeesus à rèrèsàkà ɓum ɓi naà-bɔ̀ŋzɛ̀n ìdɛŋ ŋwosi Saɓàt,

LUKAS 16:16

Rìrèsì ɗi ɓidɔ̀gsɛna ɓi Moyis rì ɗi ɓɛkpaŋzì-ɓìɓan ɗi kighà kìsay à kpaŋ yɛ̀ɛ Zyaŋ Bàɓtis à yùghà. Nni à tumɛ̀n ɓi cààmɛ̀n kiǹ, à kpaŋ ɓigomìnɛ, Syeesyee à Ɓɔlɛ à kìlɔ̀ŋ ki Bɛ̀ll a kaakalɛ̀n a ɓum ɓɛ̀cèm, fɔɔnnɛ mum bimiɗ a kaakaa lɛ a ɗiŋi ɓi kìlɔ̀ŋ kiǹ ɓi-tèɗ.

LUKAS 20:1

Ŋwos adɛŋ, di Yeesus à rì ɓi rìrèsàg ɗi kilɔ̀ŋ, à ki kpaakpaa Syeesyee à Ɓɔlɛ ɓi naà-Bɛ̀ll, nni ɓɛ̀pìrɛɛtìrɛ̀ ɓɛgwey rì ɓɛ̀rèsàg-ɓìdɔ̀gsɛna, rì ɓɛ̀sɛ̀ɛ̀mɛn ɓɛ peeghày,

LUKAS 4:14

Nni Yeesus à sugtìghà a Galile ǹɗonɛn ri ìtèɗ wu Kitɛntɛ̀ɛ̀n ki Nghay; fɔɔnnɛ rìkem ɗii ɗi saàghà ɓi kìlànà ki zi kiǹ kìcèm.

LUKAS 5:17

Ŋwos adɛŋ, Yeesus à rèrèsàkà ɓum ɓìɓan ɓi Bɛ̀ll nni Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ɓɛ pɛsɛngày ɓi ɓɔɔ ɓilɔ̀ŋ ɓɛ a Galile, rì ɓɛ a Zyude rì ɓɛ a Yorisalɛm ɓɛ kɔkɔ̀rìghà wɔɔ. Ìtèɗ wu Bɛ̀ll wu wu ɓaghà ɓi Kan wu kikìghà lɛ, a wɔɔ̀wɔ̀ɔ̀zì ɓum.

LUKAS 6:17

Nni Yeesus à sɛngày rì ɓɔ, à rɛlì ɓi lɛ̀gsì, jàŋ inɛ coo gwìy ì ɓɛ̀yilàg ɓii i ɓaghà, rì gɛ mum ànɛ à pɛ̀sɛ̀ngày a Zyude, rì a Yorisalɛm, rì ɓi bèn ì rìɓày ànɛ a Tiir, rì Sidɔŋ.

LUKAS 6:6

Ɓi gòn i Saɓàt ìdɛŋ, Yeesus à ɗiŋìghà ɓi naà-bɔ̀ŋzɛ̀n ìdɛŋ, à tum ɗì rèsàg ɗi ɓum; nni ŋwaàdɛŋ à ɓaghà wɔɔ, càg ki weèlem kìɓɔmɛn.

LUKAS 7:21

Ɓi cààmɛ̀n kɔm̀ kiǹ, Yeesus à wɔ̀ɔ̀zìghà ɓɛ̀roroɓ lɛɛ̀gwey, rì ɓɛ̀lɛnlɛm, rì ɓumɓɛ ɓɛ ɓaghà rì ɓìɓeɓtàg ɓi mɛghay, à ki kì lɛ, ɓɛ̀ɗyaŋɗyàŋ lɛɛ̀gwey ɓɛ ghɛnɛ̀n tì.

LUKAS 7:22

Fɔɔnnɛ à kpaaghà ɓumɓɛ Zyaŋ à romgày ɓɛǹ a lɔ̀ŋkii lɛ: Kɛ̀ɛna kì kpaà Zyaŋ ɓìɓan ɓi ɓì ghɛɛ, rì ɓi ɓì woogh; ɓyɛɛ ri lɛ: ɓɛ̀ɗyaŋɗyàŋ ɓɛ ghɛɛghɛnɛ̀n tì, ɓɛ̀lɛnlɛm ɓɛ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ teètèètì syeesyee à nyoo, ɓɛ̀lɔlɔg ɓɛ woòwòòghrɛ̀n, ɓìloŋ ɓì gheèghèmɓɛ̀n, Syeesyee à Ɓɔlɛ à kaàkàlɛ̀n a ɓɛ̀soghàsogha.

LUKAS 8:1

Ajɛ̀m ìnɛn, Yeesus à kɛ̀ɛ̀kɛ̀ɛ̀ghà lɛ rì ɓi bàn rì ɓi ɓìlɔ̀ŋ, di a làalamɓɛ̀n à kakàlì Syeesyee à Ɓɔlɛ à kìlɔ̀ŋ ki Bɛ̀ll. A ɓaghà ǹɗaŋ lɛ rì ɓɛ̀yilàg ɓii ǹtɛ̀ɗ rì ɓɛɓɛɛ̀,

LUKAS 9:11

Yɛ̀ɛ ɓìtuu ɓi ɓum ɓi wokà jàŋ inɛ à ɓaghà, nni ɓi nɔɔtàkà nyi wɔɔ, Yeesus à ghàɓ ɓɔ lɛ syeesyee, à kpaakpaa ɓɔ ɓɔlɛ̀ à kìlɔ̀ŋ ki Bɛ̀ll, à ki wɔ̀ɔwɔɔ̀zì ɓumɓɛ ɓɛ ɓaghà rì rìkɛŋ ɓi nyòò.

LUKAS 9:60

Yeesus à ɓàg nyi lɛ: Càra ɓìloŋ ɓyɛɛ ɓom̀ ɓìloŋ ɓyaa, kìɓan kifog wɔ̀ɔ̀ kɛ̀na kì kakalii ɓum ɓɔlɛ à kìlɔ̀ŋ ki Bɛ̀ll.

ZYAŊ 18:20

Yeesus à ɓàg nyi lɛ: Mɛ̀ɛ ǹtòtoogh lɛ tɛntɛ̀ɛ̀n rì ɓumɓɛ ɓi ziinɛ. Mɛ̀ nɗèresii ɓum ɓyààmɛ̀n ɓìcèm ɓi naa yi bɔ̀ŋzɛ̀n, rì ɓi naà-Bɛ̀ll, jàŋ yi Ɓɛ̀yudɛ̀n ɓɛ ti ɓɛ taŋzàg, kɛ̀ɛ nki kpaa kiɓan kidɛŋ a rìnyam.

ZYAŊ 6:59

Yeesus à kpaaghà ɓìɓan ɓi, yɛ̀ɛ à rèèrèsàkà ɓum ɓi naà-bɔ̀ŋzɛ̀n ìnɛ a Kapɛrinawum.

ZYAŊ 7:1

Ajɛ̀m ìnɛn, Yeesus à rerènìghà ziì Galile lɛ à kɔ̀ngà ɓi lɛ a kɛǹ kì kɛ̀ɛ̀kɛɛ a Zyude, lɛ Ɓɛ̀yudɛ̀n ɓɛ kaakààghà lɛ ɓɛɛ wey nyi.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 18:4

Gòn yi Saɓàt yìcèm, Pol àa ǹtòòghraagh ɓi naà-bɔ̀nzɛ̀n lɛ à kaakààghà bee lɛ a syoŋ̀ lɛ rì Ɓɛ̀yudɛ̀n rì Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 20:25

Mìni ɓɛ̀sɛ̀ɛ̀ ɓɛ̀cèm ɓɛ ǹghaghìghà a lɔ̀ŋkin di nkakali Ɓɔlɛ à kìlɔ̀ŋ ki Bɛ̀ll, ǹ-yii lɛ syeesyee lɛ, ɓyàa ghɛɛ̀di ɓi ìsu wɛ̀m à tumɛ̀n ɓigomìnɛ.

MƐ̀KÌKÌÌ MƐ ƁƐKƐ̀NÌ-FÌTOM 28:31

A lààlàmɓɛ̀n kìlɔ̀ŋ ki Bɛ̀ll, à ki rèresi ɓum ɓìɓan ɓi ɓi seesee Kan Yeesus Kiris lèg bimiɗ ànɛ ki ɓaghà lɛ ki kɔ̀n nyi, kɛ̀ɛ̀ ntɔɓ.

RÒMƐŊ 10:15

Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy.