MATYOO 4:17 - Bafia Nouveau Testament

¹⁷ Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MATYOO 4:17 ပူးပေါင်းရင်းမြစ်များ

MATYOO 10:7

Kɛ̀nkɛnina di ɓi kakali ɓum bee bimiɗ lɛ, kìlɔ̀ŋ ki aɗyoo ki mɛ yù ɓɔ jàŋbog.

MATYOO 11:12

À tumɛ̀n ɓi mɛ̀ru mɛ Zyaŋ Bàɓtis à kpaŋ ɓigomìnɛ ɓum ɓɛɛ̀ rùurunɛ̀n kìlɔ̀ŋ ki aɗyoo nni ɓɛ̀tèteɗ ɓɛɛ ni ràgɛn ɗi kɔ.

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

MATYOO 13:24

Nni Yeesus à teɗtìghà ɓɔ dàɗkì ìdɛŋ à kpaa lɛ: Kìlɔ̀ŋ ki aɗyoo ki pisɛɛ rì ŋwaàdɛŋ ànɛ à mis̀kà syeesyee à boo ì ɓyom ɓi dɛm yiì.

MATYOO 13:47

Kìlɔ̀ŋ ki aɗyoo ki ri tì fɛlɛ yɛ̀ɛ dam ìnɛ ɓɛ piigh ɓi rìɓày, ì koŋìì ɓìzɛn mɛ̀kuu lɛ mɛ̀kuu.

MATYOO 13:9

Ŋwaànɛ à rì rì mɛ̀reè, à wog.

MATYOO 25:1

Fɔɔnnɛ kìlɔ̀ŋ ki aɗyòò ki pisɛɛ rì ɓɛ̀gɔ̀n ɓɛ ɓɛ̀yiɓ ǹtɛ̀ɗ ɓɛ ɓɛ tekà ɓɛ̀lamɓà ɓaa lɛ ɓɛɛ kɛǹ kì ɓoŋì ŋwaànɛ à ɓaghà lɛ a wɔlɛ̀n.

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 6:10

ɗii ɗyɔɔ ɗyɛɛ ɓa kìcèlì, rìlàmì ɗyɔɔ ɗyɛɛ yu, rìkɔ̀n ɗyɔɔ ɗyɛɛ kilɛn ɓi ziinɛ, yɛ̀ɛ ɗyɛɛ̀ kìikilɛ̀n aɗyòò.

MATYOO 9:13

Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.

LUKAS 15:10

Ǹkalii mìni lɛ, kìnyàà ki ri girig fɔlɔɔ ɓi nyìinyìm à ɓumɓɛ titom ɓɛ Bɛ̀ll, ɓisuu ǹkìì-kìɓe bog ànɛ à lɔ̀ɔ̀ghrɛɛ ǹɗem.

LUKAS 15:7

Ǹkalii mìni lɛ, kìnyàà ki ɓiì ɓaà girig fɔlɔɔ aɗyòò, di ǹkìì-kìɓe bogtɛ̀n à lɔ̀ɔ̀ghrɛɛ ǹɗem, ki cee ki ki ri ɓisuu ɓum mɛ̀tin mɛnin rì ǹtɛ̀ɗ rì taànìn, ɓɛ ɓɛ ri lɛ saaɗ, ɓɛ ki ghɛɓsii ɓi com lɛ ɓɛɛ lɔɔ̀ghrɛn tì mɛ̀rem.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

LUKAS 3:23

Yeesus à ɓaghà nunùg bèg rìtin ɗì ǹtɛ̀ɗ cààmɛ̀n ki à tumɛɛ kìsay kii, ɓum, ɓɔɔ fefèkà lɛ, à rì man à Yoosɛɓ ànɛ à ɓaghà man à Heli

LUKAS 5:32

Ǹ-yùghà ɓi ki reŋii ɓumɓɛ ɓɛ ri lɛ saaɗ, lɛ ɓɛɛ lɔɔ̀ghrɛn mɛ̀rem, lɔŋ ɓɛ̀kìì-kìɓe ɓɛɛ̀ɓɛ ǹ-yùghà kì reŋii.

LUKAS 9:2

Fɔɔnnɛ à romgà ɓɔ lɛ, ɓɛɛ kɛǹ ki làalam̀ɓɛ̀n Syeesyee à Ɓɔlɛ à kìlɔ̀ŋ ki Bɛ̀ll ɓɛ ki wɔ̀ɔwɔɔ̀zì ɓɛ̀roroɓ.

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 26:20

Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

EBIREEGH 6:1

Kìɓan kiǹ kɛɛ̀ki ti càrina rìrèsì ɗi a rìtumɛ̀n ɗi ɓi kìɓan ki Kiris, ti ɓeg̀mɛn ɓi ɓìɓan ɓi ɓi konaagh kì rɔɔtɛɛ, tyɛ̀ ki sugti tiì rìjɛ̀m ɓi ɓìɓan ɓi a rìyàghɛ̀n ɓi ɓi ri lɛ: Mum à ghɛ̀ɛ̀sɛɛ kì càri ɓiɓan ɓi kɛ̀ɛ̀ ìsu,