MATYOO 4:10 - Bafia Nouveau Testament

¹⁰ Nni Yeesus à ɓàkà nyi lɛ: Satàn, pɛ̀sɛn mɛ̀ ɓi mis! Lɛ ki ri kì kànɛn lɛ: Ù ghɛ̀ɛ̀sɛɛ kì ɓɔgsii Kan Bɛ̀ll wɔ̀ɔ̀, lɔŋ nyi cɛ̀ncii nnɛ ù kì kìsay.

MATYOO 4:10 ပူးပေါင်းရင်းမြစ်များ

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

MARIKUS 1:13

Fɔɔnnɛ à ghagsighà mɛ̀ru mɛ̀tin mɛɓɛɛ̀ ɓi-reɓ wiǹ, Satàn a fèèghrɛ̀n nyi wɔɔ. À ghɛghɛ̀ɓkà wɔɔ ri nyàm yi ɓi cog, wɔ̀lɛ ɓum ɓɛ titom ɓɛ kikìghà nyi tìtom.

LUKAS 10:18

Yeesus à kpaa ɓɔ lɛ: Mɛ̀ ǹghɛngà di Satàn a kɔ̀sɛɛ yì aɗyòò, à kpì fɛlɛ yɛɛ̀ ŋwàaŋwàɗ.

LUKAS 11:18

Nni i Satàn a ti ǹghasɛn gàɓ yiɓɛɛ̀, lɛ a ɗuù rì nyimiɗ, lannɛ kìlɔ̀ŋ kii ki ri ɓiì kɛ̀ɛ asu; yɛ̀ɛ mìniì kalag lɛ, mɛ̀ɛ nànaɓ ɓìɓeɓtàg ɓi mɛghay rì ìtèɗ wu Bɛlzeɓul?

LUKAS 13:16

Nni giɓ anɛ à rì ànɛ, à rì ɓi boo ì mum yì Abiraham, nyi nnɛ Satàn a ɓangà, à kàŋ bɛn, gɛɛ̀nɛ bèg ǹtɛ̀ɗ ɗì taàraa. Nni ki ghɛɛ̀sɛɛ ɓi lɛ ɓɛɛ fumi nyi bɛn yin ŋwosi Saɓàt?

LUKAS 22:3

Satàn a ɗiŋìghà ɓi nɗem wu Zyudas ànɛ ɓɛ ndegì lɛ Iskariyot, à ɓaghà kìbog ki ɓi ɓɛ̀yilàg ǹtɛ̀ɗ rì ɓɛɓɛɛ̀.

LUKAS 22:31

Simɔn! Simɔn! Satàn àa ntɔɔgh ìtèɗ wulɛ a fɛɓti mìni yɛ̀ɛ gèŋ,

LUKAS 4:8

Nni Yeesus à ɓàkà nyi lɛ: Ki ri kì kànɛn lɛ: Ɓɔgsag Kan Bɛ̀ll wɔ̀ɔ̀, nyi nnɛ ù kì kìsay cɛ̀ncii.

ZYAŊ 13:27

Lɔŋ yɛ̀ɛ Zyudas à ghàɓkà kìɓɛghà ki bìrɛs kiǹ, Satàn a ɗiŋì nyi ɓi nɗem. Yeesus à kalì nyi lɛ: Com ki u ɓeɓeg lɛ u ki, kìya kɔ lɛ fyɛ̀ɗ.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 5:3

Fɔɔnnɛ Pyɛɛri à kalighà Ananyas lɛ: Ananyas, Satàn a ràgɛɛ ɓà wɔ ri ǹɗem fɛlɛ lɛ cɛ yɔ? Ù pwàa Kìtɛntɛ̀ɛ̀n ki Nghay ù nyam gàɓ ì mɔ̀ɔ̀ni ìnɛ ɓi kiden ki zi ki wɔ̀ɔ ǹkàɓi?

1 KƆ̀RƐ̀ŊTYƐŊ 5:5

rìkuu ɗi mum ɗiǹ ɗi ghɛɛ̀sɛɛ lɛ ɓɛɛ kaɓ ɗyɔ rì Satàn, lɛ mɛ̀mùù mii mɛɛ ɗyaŋ di fɔɔnnɛ nghay wii wɛɛ ghɛǹ cɛɓ ɓi ŋwos a Kan Yeesus.

1 KƆ̀RƐ̀ŊTYƐŊ 7:5

Ki ghɛɛ̀sɛɛ ɓi lɛ bog a celi roàmbog di ki yin lɛ ɓì ka wooghrɛɛ jɛ̀ɛ̀ lɛ ɓi celɛn ɓi maa cààmɛ̀n lɛ ɓi falɛn ɓi bɔ̀ŋzɛ̀n, ajɛ̀m ìnɛn, ɓì ghɛ̀ɛ̀sɛɛ kì sugtii ki ràrɛɛ, lɛ Satàn kɛ̀ɛ ɓa lɛ à ghɛn kìrɔŋiɗ ki lɛ a feèghrɛn mìni ɓisuulɛ mɛ̀rem min mɛ ɓanɛɛ ɓi.

2 KƆ̀RƐ̀ŊTYƐŊ 11:14

Kìɓan kiǹ ki yin kiɓan ki kuurakɛn ɓisuulɛ Satàn nyimiɗ a rèsag fɛlɛ yɛ̀ɛ ŋwaà-fìtom a ǹlònlomɛn kitɛɛtɛn.

2 KƆ̀RƐ̀ŊTYƐŊ 12:7

Ɓisuulɛ ɓìɓan ɓi Kan à rèsìghà mɛ̀ ɓi ri ɓɛ̀geni ɓiɓan ɓɛ kuukuùghràkɛ̀n. Rì ɓi ɗi lɛ, ɓìɓan ɓiǹ ɓyɛ̀ kɛɛ̀ san mɛ, nnɛ ɓɛ fogà mɛ̀ zɔrì ìdɛŋ ɓi nyoo, ì rì yɛ̀ɛ ŋwaà-fìtom a Satàn, ànɛ à ghɛ̀ɛ̀sɛɛ mɛ̀ kì ɓooɓokì mɛ̀ɓɛn, lɛ di a reg mɛ̀ rìkì ɗi ɓidaŋà.

2 KƆ̀RƐ̀ŊTYƐŊ 2:11

lɛ di tyɛ̀ ki càɗ Satàn lɛ a ghɛn ɓìsi bee ɓi nyòò; lɛ tì nàni ɓi rikɔ̀n ɗii.

ZYAG 4:7

Nni càrɛɛnà min mìniìɓɔmiɗ lɛ Bɛ̀ll a lami mìni, ɓì ki cakɛn ɗi mìniìɓɔmiɗ lɛ Satàn kɛ̀ɛ làmi mini, fɔɔnnɛ à rì mìni ɓiì ghɛŋii fìràɓ.

1 PYƐƐRI 5:9

Ɓaana ɓɛ̀sììrɛn ɓi rìgherɛ̀n, kɛ̀ ɓi càrɛn lɛ a ɓigti mìni, ɓì ki yi lɛ ɓɛ̀geni ɓin ɓɛ rìgherɛ̀n ɓɛɛ̀ tuutulɛ̀n rì mɛ̀kuu mɛ mɛtɔɓ mɛ̀n ɓi ziinɛ.