MATYOO 3:2 - Bafia Nouveau Testament

² À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 3:2 ပူးပေါင်းရင်းမြစ်များ

MATYOO 10:7

Kɛ̀nkɛnina di ɓi kakali ɓum bee bimiɗ lɛ, kìlɔ̀ŋ ki aɗyoo ki mɛ yù ɓɔ jàŋbog.

MATYOO 11:20

Nni Yeesus à tumɛ̀ngà rìfwààdɛ̀n ɗi bàn yi à kìghà dàm wɔɔ lɛɛ̀gwey, ɓisuulɛ ɓumɓɛ wɔɔ ɓɛ kɔngà ɓi lɛ, ɓɛɛ lɔɔ̀ghrɛn mɛ̀rem.

MATYOO 12:41

Ŋwosi ɓɛyɔ̀m ɓɛ Bɛ̀ll, ɓumɓɛ a Niniivɛ ɓɛ rɛlii gɛ ǹɗaŋ ri ɓɛ̀roɓɛ ɓi gbàà ì ɓum ìnɛ, ɓɛ ki fa ɓumɓɛ ɓi gbàà ìnɛ bɛ̀lɛn, lɛ ɓɔɔ lɔɔ̀ghrɛ̀ngà mɛ̀rem yɛ̀ɛ ɓɛ wokà ɓìɓan ɓi Zyonas à kpaaghà ɓɔ. Nni ŋwaànɛ à cee Zyonas yɛɛ ri lɛ fɛ.

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

MATYOO 13:24

Nni Yeesus à teɗtìghà ɓɔ dàɗkì ìdɛŋ à kpaa lɛ: Kìlɔ̀ŋ ki aɗyoo ki pisɛɛ rì ŋwaàdɛŋ ànɛ à mis̀kà syeesyee à boo ì ɓyom ɓi dɛm yiì.

MATYOO 13:31

Nni Yeesus à teɗtìghà ɓɔ dàɗkì ìdɛŋ à kpaa lɛ: Kìlɔ̀ŋ ki aɗyoo ki ri fɛlɛ yɛ̀ɛ zàm ì mùtarìdɛ̀ ìnɛ mum à tekà, à ɓɛ̀y ɓi dɛm yiì.

MATYOO 13:33

Yeesus à teɗtì tì ɓɔ dàɗkì ìdɛŋ lɛ: Kìlɔ̀ŋ ki aɗyoo ki rì fɛlɛ yɛ̀ɛ nwìɗ ànɛ giɓ a teri, à foŋ ɓi ɓɛ̀kilò ɓɛ̀ fàriǹ ɓɛraa lɛ di fàriǹ ànɛ̀n bimiɗ a nurɛ̀n.

MATYOO 13:47

Kìlɔ̀ŋ ki aɗyoo ki ri tì fɛlɛ yɛ̀ɛ dam ìnɛ ɓɛ piigh ɓi rìɓày, ì koŋìì ɓìzɛn mɛ̀kuu lɛ mɛ̀kuu.

MATYOO 13:52

Nni à kpaaghà ɓɔ lɛ: Kìɓan kiǹ kɛɛ̀ki ǹɗèsì-ɓìdɔ̀gsɛna bimiɗ ànɛ à mɛ yilag ɓiɓan ɓi ɓi kìlɔ̀ŋ ki aɗyoo, à rì fɛlɛ yɛ̀ɛ ŋwaàmɛɛ, ànɛ à ti à sɔ̀ŋɗag yì ɓɛ̀nyɔɔnyɔn ɓɛ ɓyom, rì tìɗyàɓ ti ɓyom, ɓi jàŋ inɛ ìkum wii wu ri wu nyamɛn.

MATYOO 18:23

Fɔlɔɔ nnɛ kìlɔ̀ŋ ki aɗyoo ki ri fɛlɛ yɛ̀ɛ rìfòm ɗidɛŋ ɗi ɗi kɔngà lɛ ɗyɛɛ fiɓi ɓɛ̀pon ɓɛ ɓɛ̀kìì-ɓìsay ɓii ɓɛ ɓaghà nyi rì ɓɔ.

MATYOO 20:1

Kìlɔ̀ŋ ki aɗyòò ki pisɛɛ rì ŋwaàdɛm adɛŋ, ànɛ à pongà kì kaà ɓumɓɛ ɓɛɛ kɛǹ kìsay ɓi dɛm yiì.

MATYOO 22:2

Kìlɔ̀ŋ ki aɗyòò ki pisɛɛ rì rìfòm ɗidɛŋ ɗi ɗi reŋɗɛ̀ngà kìsɛ̀nɛ̀ ɓi rìwɛy ɗi dɛlì yìì.

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

MATYOO 25:1

Fɔɔnnɛ kìlɔ̀ŋ ki aɗyòò ki pisɛɛ rì ɓɛ̀gɔ̀n ɓɛ ɓɛ̀yiɓ ǹtɛ̀ɗ ɓɛ ɓɛ tekà ɓɛ̀lamɓà ɓaa lɛ ɓɛɛ kɛǹ kì ɓoŋì ŋwaànɛ à ɓaghà lɛ a wɔlɛ̀n.

MATYOO 25:14

Kìlɔ̀ŋ ki aɗyoo ki ɓaa gɛ fɛlɛ yɛ̀ɛ ŋwaàdɛŋ ànɛ à reŋìghà ɓɛ̀kìì-ɓìsay ɓii, di à ti ɓiì kɛɛ rikɛ̀ɛ̀, à reɓsɛ̀n ìkum wii ri ɓɔ.

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MATYOO 4:23

Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 5:10

Mààgh rì ɓɛ̀roɓɛ ɓɛɛ̀ tuutulɛ̀n rì mɛ̀tɔɓ ɓisuu saaɗ, à rìren ɗi ɓiɓan, ɓisuulɛ kìlɔ̀ŋ ki aɗyoo ki ri ɓìsu wàà.

MATYOO 5:3

Mààgh rì ɓumɓɛ ɓɛ yii lɛ ɓɛ ri nyìighnyìg, ɓi mɛ̀ghay maa ɓisuulɛ kìlɔ̀ŋ ki aɗyoo ki ri ɓisu wàà.

MATYOO 6:10

ɗii ɗyɔɔ ɗyɛɛ ɓa kìcèlì, rìlàmì ɗyɔɔ ɗyɛɛ yu, rìkɔ̀n ɗyɔɔ ɗyɛɛ kilɛn ɓi ziinɛ, yɛ̀ɛ ɗyɛɛ̀ kìikilɛ̀n aɗyòò.

MATYOO 6:33

Looghna kì kaà kìlɔ̀ŋ kii rì saaɗ wìì, fɔɔnnɛ ɓyom ɓìn ɓìcèm ɓi ri mìni ɓiì sagtɛɛ.

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

MARIKUS 1:4

Nni Zyaŋ à peeghày ɓi-reɓ, à ɓààɓàɓtì ɓum à ki làalamɓɛ̀n lɛ, ɓum, ɓɛɛ ɓɛɛ lɔɔ̀ghrɛn mɛ̀rem, ɓɛ̀ ɓaɓtɛ̀n, fɔɔnnɛ Bɛ̀ll a cenɛn mìni ɓìɓe ɓyaa.

MARIKUS 6:12

Nni ɓɛ̀yilàg ɓɛ kɛngà, ɓɛ tum rìkpaa ɗi ɓum lɛ ɓɛɛ lɔɔ̀ghrɛn mɛ̀rem.

LUKAS 1:16

A ɓiì kìi lɛ, ɓɔn ɓɛ Isirayɛl lɛɛ̀gwey ɓɛɛ sugtiì yɛ̀ɛ Kan Bɛ̀ll wàà.

LUKAS 11:20

Kìɓan kifog, i ki rì lɛ nnànaɓ ɓiɓeɓtàg ɓi mɛghay rì ìtèɗ wu Bɛ̀ll fɔlɔɔ a rèsii lɛ, kìlɔ̀ŋ ki Bɛ̀ll ki ti a lɔ̀ŋkin.

LUKAS 13:3

Ki yin fɔlɔɔ. Ǹkpaa mìni lɛ, i ɓì lɔ̀ɔ̀ghrɛɛ ɓi mɛrem, ɓì ɓiì cuù ɓɛ̀sɛ̀ɛ̀ ɓɛ̀cèm lɔŋ yɛ̀ɛ ɓumɓɛ̀n.

LUKAS 13:5

Ki yin fɔlɔɔ. Ǹkpaa mìni lɛ, i ɓì lɔ̀ɔ̀ghrɛɛ ɓi mɛrem, ɓì ɓiì cuù ɓɛ̀sɛ̀ɛ̀ ɓɛ̀cèm lɔŋ yɛ̀ɛ ɓumɓɛ̀n.

LUKAS 15:10

Ǹkalii mìni lɛ, kìnyàà ki ri girig fɔlɔɔ ɓi nyìinyìm à ɓumɓɛ titom ɓɛ Bɛ̀ll, ɓisuu ǹkìì-kìɓe bog ànɛ à lɔ̀ɔ̀ghrɛɛ ǹɗem.

LUKAS 15:7

Ǹkalii mìni lɛ, kìnyàà ki ɓiì ɓaà girig fɔlɔɔ aɗyòò, di ǹkìì-kìɓe bogtɛ̀n à lɔ̀ɔ̀ghrɛɛ ǹɗem, ki cee ki ki ri ɓisuu ɓum mɛ̀tin mɛnin rì ǹtɛ̀ɗ rì taànìn, ɓɛ ɓɛ ri lɛ saaɗ, ɓɛ ki ghɛɓsii ɓi com lɛ ɓɛɛ lɔɔ̀ghrɛn tì mɛ̀rem.

LUKAS 16:30

Fɔɔnnɛ guŋgum a kpaatìghà lɛ: Tààta Abiraham: Èe èe! Lɔŋ i mum à pɛ̀sɛɛ fɛ a nyɔ̀ɛ̀y à kɛ̀n a lɔ̀ŋkaa, fɔɔnnɛ ɓɛ ri ɓiì lɔ̀ɔ̀ghrɛɛ mɛrèm.

LUKAS 21:31

Fɔlɔɔ nnɛ, yɛ̀ɛ mìni girig ɓì rì ɓiì ghɛɛ̀ di ɓìɓan ɓiǹ ɓyɛɛ̀ kìikilɛ̀n, yiina lɛ kìlɔ̀ŋ ki Bɛ̀ll ki ti jàŋbog.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

LUKAS 6:20

Fɔɔnnɛ Yeesus à pɛɓsɛ̀ngà ɓɛ̀yilàg ɓii, à kpaa ɓɔ lɛ: Mààgh rì mìni ɓɛ ɓì rì ɓɛ̀soghàsogha ɓisuulɛ kìlɔ̀ŋ ki Bɛ̀ll ki ri kiŋkìn.

LUKAS 9:2

Fɔɔnnɛ à romgà ɓɔ lɛ, ɓɛɛ kɛǹ ki làalam̀ɓɛ̀n Syeesyee à Ɓɔlɛ à kìlɔ̀ŋ ki Bɛ̀ll ɓɛ ki wɔ̀ɔwɔɔ̀zì ɓɛ̀roroɓ.

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 26:20

Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

2 KƆ̀RƐ̀ŊTYƐŊ 7:10

Lɛ bim inɛ mum à woogh yɛ̀ɛ kɛɛ̀ kɔ̀ngi Bɛ̀ll, ì ti ì kìlàg com ki lɛ mum a lɔɔ̀ghrɛn nɗem, kìɓan kiǹ ki ɓa ɓisuu gòri yìì; foo, mum à yin lɛ à lemgì; wɔ̀lɛ rìkuu ɗi bim ɗi ɗi ri ɓi ziinɛ ɗi ti ɗi syogìì rìwu.

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

2 TIMOTE 2:25

À rèrèsì ɓɛ̀bènàbena ɓii zɛ̀ɗ yaa ri nɗem wu tɛ̀tɛ̀rɛ̀ɛ̀, rì ntyweeyi lɛ Bɛ̀ll à rì lɛ à fa ɓɔ mààgh ànɛ lɛ ɓɛɛ lɔɔ̀ghrɛn mɛ̀rem, ɓɛɛ kpaŋ̀ ɓi nɗɛli wu ɓɛɛ yi saaɗ,

EBIREEGH 6:1

Kìɓan kiǹ kɛɛ̀ki ti càrina rìrèsì ɗi a rìtumɛ̀n ɗi ɓi kìɓan ki Kiris, ti ɓeg̀mɛn ɓi ɓìɓan ɓi ɓi konaagh kì rɔɔtɛɛ, tyɛ̀ ki sugti tiì rìjɛ̀m ɓi ɓìɓan ɓi a rìyàghɛ̀n ɓi ɓi ri lɛ: Mum à ghɛ̀ɛ̀sɛɛ kì càri ɓiɓan ɓi kɛ̀ɛ̀ ìsu,

2 PYƐƐRI 3:9

Kan à lɛ̀mzii ɓi lɛ a roòzi ǹkàg wu à faghà yɛ̀ɛ ɓum ɓɛdɛŋ ɓɛɛ̀ fèfèg, ki ri yɛɛ ri lɛ, a nìniɗ nɗem rì mìni, lɛ ki kɔni ɓi nyi lɛ mum a ɗyaŋ̀ nsoò bog, rìkɔ̀n ɗii ɗi ri lɛ ɓum ɓɛ̀cèm ɓɛɛ kpaŋ ɓi nɗɛli wulɛ ɓɛɛ lɔɔ̀ghrɛn mɛ̀rem.

ÀPÒKÀLIƁSƐ̀ 2:21

Ǹfaghà nyi cààmɛ̀n ki lɛ a lɔɔghrɛn ǹɗem, kìɓan kifog à kɔ̀ni ɓi lɛ di àa lɔ̀ɔ̀ghrɛɛ nɗem lɛ a caɗ ɓìɓan ɓi tifin ɓi a kìkì.

ÀPÒKÀLIƁSƐ̀ 2:5

Yiti min jàŋ inɛ wɔ̀ɔ nkpìi, u lɔgti rìkì, ù tumɛn rìkìkì ɗi ɓiɓan ɓi ù kìkìghà ǹtonto, kɛ̀ɛ̀ fɔlɔɔ di ǹɗì ɓiì yùu a lɔ̀ŋkɔɔ, m̀pisì kìrɛsì ki lamɓà wɔ̀ɔ̀ jàŋ inɛ ki ri, di ù ɓèni kìcenɗɛɛ.