MATYOO 3:11 - Bafia Nouveau Testament

¹¹ Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò.

MATYOO 3:11 ပူးပေါင်းရင်းမြစ်များ

MATYOO 3:6

ɓɛ kpakpàg ɓìɓe ɓyaa, Zyaŋ à ki ɓàaɓaɓtì ɓɔ ɓi ǹsyòm wu lɛ Zyuridɛŋ.

MARIKUS 1:4

Nni Zyaŋ à peeghày ɓi-reɓ, à ɓààɓàɓtì ɓum à ki làalamɓɛ̀n lɛ, ɓum, ɓɛɛ ɓɛɛ lɔɔ̀ghrɛn mɛ̀rem, ɓɛ̀ ɓaɓtɛ̀n, fɔɔnnɛ Bɛ̀ll a cenɛn mìni ɓìɓe ɓyaa.

LUKAS 1:17

À ɓiì loògh kisyòŋi Bɛ̀ll bee à ɓa lɛ rì nghay, rì ìtèɗ wu Eli, lɛ a ki lɛ, ɓɛ̀seŋi ɓɛɛ woòghrɛn tì rì ɓɔn ɓaa, ɓɛ̀roɓɛ ɓɛ ri rì ǹtogwey ɓɛ ɓa tì rì ɗyomzɛ̀n ɗi ɓum ɓɛsaaɗ, à ki pègsɛn Kan kìlɔ̀ŋ ki ki ri kìɓùŋɛn lɛ kɛɛ ghaɓ nyi.

LUKAS 3:16

Fɔɔnnɛ à kpaaghà ɓɔɔ̀cèm lɛ: Mɛ̀ɛ m̀ɓàaɓaɓtì mìni rì mɛ̀nig, kìɓan kifog ŋwaànɛ à cee mɛ̀ ɓi-tèɗ à tiì, ǹkpaŋi gì ɓi ɓi ǹkoŋ wulɛ m̀fùmì ǹɗig wii wu gòò. Nnyɛɛ ri mìni ɓiì ɓàɓtii ri Kìtɛntɛ̀ɛ̀n ki Nghay, rì ɗuu.

LUKAS 3:3

Fɔɔnnɛ à tumɛ̀ngà rìrerènì ɗi kòdò ànɛ à rì jàŋbog rì Zyuridɛŋ, di a làalamɓɛ̀n lɛ, ɓum ɓɛɛ lɔɔ̀ghrɛn mɛ̀rem, ɓɛ ɓaɓtàg, fɔlɔɔ nnɛ Bɛ̀ll a cenɛn ɓɔ ɓìɓe ɓyaa.

ZYAŊ 1:15

Zyaŋ à rɛlìghà wusìnɛ̀ɗ ànɛ ɓi kìɓan kii, à làmɓɛ̀n lɛ: Nnyɛɛ ri ŋwaànɛ ǹkpaaghà mìni lɛ: Roànɛ à rìì mɛ̀ ajɛ̀m, à lokày rì mɛ̀, ɓisuulɛ nyii ɓaghà di mɛ̀ ǹka yin.

ZYAŊ 1:30

Nnyɛɛ ri roànɛ mɛ̀ɛ ǹkpaa lɛ ŋwaàdɛŋ à rìì mɛ̀ ajɛ̀m, à lokày mɛ̀ beèbɛ̀y, ɓisuulɛ nyii ɓaghà di mɛ̀ ǹka yin.

MƐ̀KÌKÌÌ MƐ ƁƐKƐ̀NÌ-FÌTOM 1:5

lɛ Zyaŋ à ɓàɓtìghà ɓum ɗì mɛ̀nig, kìɓan kifog mìnii ri ɓiì ɓàɓtɛɛ ri Kìtɛntɛ̀ɛ̀n ki Nghay di ɓɔɔ mɛru ɓɛ ghaghii.

MƐ̀KÌKÌÌ MƐ ƁƐKƐ̀NÌ-FÌTOM 19:4

Fɔɔnnɛ Pol à kpaaghà ɓɔ lɛ: Zyaŋ à ɓààɓàɓtìghà ɓumɓɛ ɓɛ lɔɔ̀ghrɛ̀ngà mɛ̀rem, à kakàlì ɓumɓɛ ɓi kìlɔ̀ŋ ki Isirayɛl lɛ, ɓɛ ghɛɛ̀sɛɛ kì gherɛɛ roànɛ à rì nyi ɓiì ɓɔ̀ɓiì, yɛɛlɔɔ lɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 8:36

Yɛ̀ɛ ɓɛ kɛɛdìghà tì beèbɛ̀y, nni ɓɛ kpagà ɓi kìràà, ŋwaànɛ̀n à tɔg Filiɓ lɛ: Mɛ̀nig mɛɛ̀mɛ, cɛ kɛɛ regtii lɛ kɔ̀ɔ ɓàɓti mɛ?

MƐ̀KÌKÌÌ MƐ ƁƐKƐ̀NÌ-FÌTOM 8:38

Nni ŋwaànɛ̀n à tɔkà m̀pusì calig lɛ a rɛli. Ɓɛ sɛn min ɓɛɛ̀ Filiɓ, ɓɛ ɗiŋì ɓi kìràà, Filiɓ à ɓàɓtì min nyi.

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

Kaàtà ànɛ Pol à kàngà TIT 3:5

nni à ghɛɓsìghà ɓìsi, àa ɓisuu ɓìɓan ɓi saaɗ, ɓi tì kìkìghà, lɔŋ à ghɛɓsìghà ɓìsi lɛ nɗem wu nyìinyìg wu à rì rì wɔ, rì ɗùùɗùù ɗi ɗi ti ɗi kilàg lɛ mum a ɓiìti kìyalɛɛ, rì rìkì ɗi Kìtɛntɛ̀ɛ̀n ki Nghay kɛɛ̀ kìlag lɛ mum a ghay nyɔɔnyɔn à mum.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.