MATYOO 27:54 - Bafia Nouveau Testament

⁵⁴ Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

MATYOO 27:54 ပူးပေါင်းရင်းမြစ်များ

MATYOO 26:63

Wɔ̀lɛ Yeesus à maamààghà lɔŋ. Nni ǹlàmì-ɓɛ̀pìrɛɛtìrɛ̀ àgwey à tɔgtìghà nyi lɛ: Ɓi ɗii ɗi Bɛ̀ll ànɛ à rì cencem ǹtɔɔgh lɛ ù kali ɓìsi ù ki kànɛn bɛ̀ɗ ǹkòo wɔ̀ yɛɛ ri Kiris Man à Bɛ̀ll

MATYOO 27:36

Fɔɔnnɛ ɓɛ kɔrìghà wɔɔ lɛ ɓɛɛ ɓeŋɓeŋ nyi.

MATYOO 27:40

Ɓɛ kpaakpàà lɛ: Wàànɛ u kalag lɛ, ù rì lɛ ù wààghì naà-Bɛ̀ll, ù ki pɛ̀ɛ̀zi yɔ̀ kitoŋì ɓi mɛ̀ru mɛraa, ghɛɓsi min wɛ̀ɛmiɗ, i ù yii lɛ ù rì Man à Bɛ̀ll, sɛnay ɓi kɔrɔs ànɛ̀n.

MATYOO 27:43

À faghà ǹtyweeyi wii ri Bɛ̀ll, à kpaa lɛ nyii rì Man à Bɛ̀ll; nni ti ghɛǹ min ǹkòo Bɛ̀ll à rì lɛ, à gherɛ̀n lɛ a ghɛɓsi nyi ɓigomìnɛ.

MATYOO 27:51

Fɔɔnnɛ coo kilàà kì ki ɓaghà ɓi naà-Bɛ̀ll, ki lanìghà ɓìlànà ɓiɓɛɛ̀, à tumɛ̀n yì aɗyòò, à kpaŋ azi; zi i nyɛ̀ŋɗɛ̀n, mɛ̀ɓan mɛ lanlàn.

MATYOO 4:3

Fɔɔnnɛ ǹfèèghrɛ̀n-ɓum à tyɛ̀ɛ̀tɛ̀ngà nyi jàŋbog, à kpaa nyi lɛ: I ù rì Man à Bɛ̀ll kali gɔ̀g yi, yɛɛ ghay ɓìɗilàg.

MATYOO 8:5

Yɛ̀ɛ Yeesus à ɗiŋìghà a Kapɛrinawum nni ǹkɔ̀mɛ̀n-ɓɛ̀sujàà àdɛŋ à yùghà nyi a nyoo

MARIKUS 15:39

Yɛ̀ɛ ǹkɔ̀mɛ̀n-ɓɛ̀sujàà ànɛ a ɓaghà ǹɗɛrɛliyɛn a pɛ̀ɛ̀zìì mis ɗì Yeesus à ghɛngà di Yeesus à mɛ maasi fɔlɔɔ, nni à kpaaghà lɛ: Ŋwaànɛ àa nɗì lɔŋ Man à Bɛ̀ll a tààkaà.

LUKAS 22:70

Nni ɓɔɔ̀cèm ɓɛ tɔkà lɛ: Yɛɛ lɔɔ lɛ ù rì Man à Bɛ̀ll wa? Yeesus à ɓàg ɓɔ lɛ: Ɓì kpaa miì, ǹɗì Man à Bɛ̀ll.

ZYAŊ 19:7

Ɓɛ̀yudɛ̀n ɓɛ ɓaàg Pilat lɛ: Tì rì rì kìdɔ̀gsɛna, nni kìdɔ̀gsɛna kiǹ kɛɛ̀ kpaaghi lɛ à ghɛ̀ɛ̀sɛɛ kì wiì ɓisuulɛ àa nɗɛ̀ŋii kì kpaà lɛ, à rì Man à Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 10:1

Ŋwaàdɛŋ à ɓaghà a Sezare ɗii lɛ Kɔrinɛy, à kɔ̀mɛ̀ngà ɓɛ̀sujàà mɛ̀tin mɛtaǹ ɓi ǹɗaŋ wu ɓɛsujàà wu a Italii.

MƐ̀KÌKÌÌ MƐ ƁƐKƐ̀NÌ-FÌTOM 2:37

Yɛ̀ɛ ɓɛ wokà ɓìtòkì ɓi Pyɛɛri ɓiǹ, ɓi ɗiŋì ɓɔ ɓi ǹɗem lɛ kɔɔ̀kɔɔ̀, nni ɓɛ tɔkà Pyɛɛri ri ɓɛ̀kɛ̀nì-fìtom ɓɛm̀bog lɛ: Ɓɔɔsoŋ̀, ki ghɛ̀ɛ̀sɛɛ min lɛ ti ki la?

MƐ̀KÌKÌÌ MƐ ƁƐKƐ̀NÌ-FÌTOM 21:32

Ŋwaànɛ̀n à ghàs kì terì ɓɛ̀kɔ̀mɛ̀n ɓɛ̀sujàà ɓɛsàg, rì ɓɛ̀sujàà ɓɛdɛŋ à kɛ̀n mɛ̀ree ɓi jàŋ inɛ gwìy ì ɓaghà. Yɛ̀ɛ ɓum ɓɛ ghɛngày ǹkɔ̀mɛ̀n ɓɛ̀sujàà àgwey ǹɗaŋ ɗì ɓɛ̀sujàà ɓɛdɛŋ, ɓɛ càɗ Pol, ɓɛ̀ kɛɛ̀ ɓogti nyi.

MƐ̀KÌKÌÌ MƐ ƁƐKƐ̀NÌ-FÌTOM 23:17

Fɔɔnnɛ Pol à reŋìghà kìbog ki ɓi ɓɛ̀kɔ̀mɛ̀n ɓɛ̀sujàà, à kpaa nyi lɛ: Kɛ̀na kì foŋì dɛlì ìnɛ yɛ̀ɛ ǹkɔ̀mɛ̀n ɓɛ̀sujàà àgwey lɛ, à rì rì kìɓan ki lɛ a kpaà nyi.

MƐ̀KÌKÌÌ MƐ ƁƐKƐ̀NÌ-FÌTOM 23:23

Nni ǹkɔ̀mɛ̀n ɓɛ̀sujàà àgwey à reŋìghà ɓɛ̀kɔ̀mɛ̀n ɓɛsàg ɓɛɓɛɛ̀, à kpaa ɓɔ lɛ: Terina ɓɛ̀sujàà lɛ: ɓɛ zɛy ɓɛ̀hɔnɗɛ̀ɗ ɓɛɓɛɛ̀, ɓɛ ɓi zòm yi kimbɛ̀rɛ̀ aɗyoo mɛ̀tin mɛraa rì ǹtɛ̀ɗ, ɓɛ̀roɓɛ mɛkɔ̀ŋ ɓɛ̀hɔnɗɛ̀ɗ ɓɛɓɛɛ̀; ɓi pegsɛn lɛ, ɓì rì ɓiì pɛ̀sɛɛ mɛkɛ̀ɛ̀ taànìn à rììru, ɓi rìkɛ̀n ɗi a Sezare.

MƐ̀KÌKÌÌ MƐ ƁƐKƐ̀NÌ-FÌTOM 27:1

Yɛ̀ɛ ɓɛ rengà lɛ tì ghɛ̀ɛ̀sɛɛ kì kɛ̀ɛ a Italii ɓi fìtimà, nni ɓɛ tekà lɛ rì Pol, rì ɓum ɓɛdɛŋ, ɓɛ fa ɓɔ rì ǹkɔmɛ̀n-ɓɛ̀sujàà àsàg ànɛ ɓi kìtuu ki ɓɛsujàà ki ɓɛ nɗegì lɛ, ɓɛ̀sujàà ɓɛ Kaaza ànɛ a Italii ɗii lɛ: Zyulyus.

MƐ̀KÌKÌÌ MƐ ƁƐKƐ̀NÌ-FÌTOM 27:43

Kìɓan kifog yɛ̀ɛ ǹkɔ̀mɛ̀n-ɓɛ̀sujàà à kɔ̀nkɔ̀ngà lɛ a ghɛɓsi Pol, nni à rèkà ɓɛ̀sujàà ɓɛǹ lɛ ɓɛ̀ kɛɛ̀ kì fɔlɔɔ. Fɔɔnnɛ à reɓsìghà min ɓɛroɓɛ ɓɛ yighà kìwɔg lɛ, ɓɛɛ log kì kpìi ɓi rìɓày ɓɛɛ wɔg ɓɛɛ kpaŋ̀ a cɛɗ.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

ÀPÒKÀLIƁSƐ̀ 11:13

Ɓi cààmɛ̀n kɔm̀ kiǹ, zi i nyɛ̀ŋɗɛ̀ngà rì ìtèɗ; kìlànà ki bàn kìfog ki ɓi ɓìlànà ɓi kintɛ̀ɗ ɓi ɓi bàn ìnɛn ki waàrɛ̀n, ɓum ɓɛ̀tɔɔsìm taàɓɛ̀ɛ̀ ɓɛ cuu, ɓi rìnyɛ̀ŋɗɛ̀n ɗi zi i nyɛ̀ŋɗɛ̀ngà ɗiǹ, ɓɛ̀ro ɓɛmbog ɓɛ risì, ɓɛ fa Bɛ̀ll ànɛ aɗyoo rìkem.