MATYOO 27:2 - Bafia Nouveau Testament

² Ɓɛ ɓaghà lɛ, ɓɛ mɛ kàŋ nyi bɛn, ɓɛ kɛǹ ɗì nyi yɛ̀ɛ gɔmìnà ànɛ lɛ Pilat.

MATYOO 27:2 ပူးပေါင်းရင်းမြစ်များ

MATYOO 20:19

ɓɛ ki rì nyi ɓiì kàɓi ri ɓumɓɛ ɓɛ yin Ɓɛ̀yudɛ̀n lɛ ɓɛɛ ki lɛ ɓɛ fengì nyi, ɓɛ ɓog nyi kìtòn, ɓɛ ki kpan nyi ɓi kɔrɔs; kìɓan kifog, à ɓiì ghèmɓɛɛ ɓi ŋwos a kìraa.

MATYOO 28:14

Nni i gɔmìnà à woogh kìɓan kiǹ, tì yii yɛ̀ɛ tì ri kpaa nyi ɓi ɗi lɛ kɛ̀ ɓi ɓa ri kìɓan.

LUKAS 13:1

Ɓi cààmɛ̀n kiǹ, ɓum ɓɛdɛŋ ɓɛ yughà kì kpaà Yeesus kìɓan ki ki kighà ɓumɓɛ a Galile ɓɛ ɓɛ yughà kìɓɔgsii Bɛ̀ll rì ɓìtuwe ɓi lɛ ɓɛɛ funɛn, Pilat à ki cuusi lɛ rì ɓɔ, rì ɓìtuwe ɓyaa.

LUKAS 20:20

Fɔɔnnɛ ɓɛ tumɛ̀ngà rìfifìɓì ɗi Yeesus lɛ tintɔ̀ɔ̀ŋ, ɓɛ ki rom yi nyi ɓum ɓɛ mɛwooghrag, ɓɛ̀roɓɛ̀n ɓɛ ki lɔŋ yɛ̀ɛ ɓɛ yuù nyi kì tɔɔ̀gh saaɗ à kìɓan lɛ ɓɛɛ wog ǹkòo à nɛ̀si jɛ̀ɛ̀, di ɓɛɛ ɓan nyi, ɓɛɛ fa nyi rì ɓɛ̀yɔ̀mì-ɓum, rì gɔmìnà.

LUKAS 23:1

Nni ɓɛ ruɓkà ɓɛ̀sɛ̀ɛ̀ ɓɛ̀cèm lɛ bùɓ, ɓɛ kɛǹ rì Yeesus yɛ̀ɛ Pilat.

LUKAS 23:12

Ŋwos àǹcèm ànɛn innɛ Eroodɛ rì Pilat ɓɛ ɗiŋìghà rìghan, kɔlɛ ɓɛ ɓaghà ɓi bènà abɛ̀y.

LUKAS 3:1

Di Tìɓɛr ànɛ à ɓaghà rìfòm ɗigwey a ti ɓèg ǹtɛ̀ɗ rì yitaǹ ɓi rìlàmì, cààmɛ̀n kiǹ kɛɛ̀ki Pɔŋs-Pilat à ɓaa gɔmìnà ànɛ a Zyude, Eroodɛ à làlamì Galile, geni ànɛ lɛ Filiɓ nyii lalàmì ɓìden ɓi zi ɓi lɛ, rì Iture rì Tirakonit, Lizanyas nyii lalàmì Abilɛn

ZYAŊ 18:12

Fɔɔnnɛ ǹɗaŋ wu ɓɛsujàà wiǹ, rì Ǹkɔ̀mɛ̀n wàà, rì Ɓɛ̀yudɛ̀n ɓɛ ɓɛ mɓègì naà-Bɛ̀ll ɓɛ ɓangà Yeesus, ɓɛ kaŋ̀ nyi bɛn.

ZYAŊ 18:24

Nni Ann à romgà nyi ǹkàŋɛn yɛ̀ɛ Kayif ànɛ à ɓaghà rìfòm ɗi ɓɛpìrɛɛtìrɛ̀.

ZYAŊ 18:28

Nni ɓɛ pɛsɛ̀ngà rì Yeesus yɛ̀ɛ Kayif, ɓɛ kɛǹ ɗì nyi a kìkpanà ki ɓɛyɔ̀m ɗì sariwa lɛ ɓuɓ. Ɓɔmiɗ ɓɛ ɗiŋìghà ɓi ɓi kìkpanà ki ɓɛyɔ̀m kiǹ, lɛ ɓɛ̀ kɛɛ̀ foŋɗɛn ɓɔmiɗ kìsyeg ɓi nyòò, lɛ ɓɛɛ ɗi Paskà.

MƐ̀KÌKÌÌ MƐ ƁƐKƐ̀NÌ-FÌTOM 12:6

Di ɓɛ̀yɔ̀m ɓɛ Pyɛɛri ɓaa rɔ̀ɓ lɛ rìduri, à lalàlà ɓi nyìinyìm à ɓɛ̀sujàà ɓɛɓɛɛ̀, ǹkàŋɛn ɗi mɛ̀sɛ̀ŋi mɛɓɛɛ̀, ɓɛ̀sujàà ɓɛm̀bog ɓɛ ɓeŋ̀ɓèŋ mɛ̀suunaa mɛ naà-zày.

MƐ̀KÌKÌÌ MƐ ƁƐKƐ̀NÌ-FÌTOM 21:33

Fɔɔnnɛ ǹkɔ̀mɛ̀n ɓɛ̀sujàà àgwey à tyòŋdɛ̀ngày à ɓan Pol, ɓɛ kaŋ̀ nyi bɛn ɗi mɛ̀sɛ̀ŋi, à tɔg min ɓum lɛ, ŋwaàbe yɛɛ rì lɛ, cɛ kɛɛ̀ ki à kìi?

MƐ̀KÌKÌÌ MƐ ƁƐKƐ̀NÌ-FÌTOM 22:25

Yɛ̀ɛ ɓɛ mɛɛ̀ kuɓsìghà Pol lɛ ɓɛɛ ɓog nyi kìtòn, nni à tɔkà ǹkɔ̀mɛ̀n ɓɛ̀sujàà àsàg lɛ: Ɓì rì lɛ ɓì ɓog muu Ròmɛŋ di ɓɛ ka yɔ̀mzi ɓi nyi?

MƐ̀KÌKÌÌ MƐ ƁƐKƐ̀NÌ-FÌTOM 22:29

Fɔɔnnɛ ɓumɓɛ ɓɛ mɛɛ̀ ɓokà nyi kìtòn lɛ di a toòghrɛn ɓɛ ghaskà kì ghaaghraagh, nsoò ǹkɔ̀mɛ̀n ɓɛ̀sujàà àgwey à risìghà yɛ̀ɛ à wokà lɛ, Pol à rì muu Ròmɛŋ ɓisuulɛ, nnyɛɛ reɓsìghà lɛ ɓɛɛ kaŋ̀ nyi bɛn.

MƐ̀KÌKÌÌ MƐ ƁƐKƐ̀NÌ-FÌTOM 24:27

Yɛ̀ɛ bèg yi ghaghìghà yiɓɛɛ̀, nni ɓɛ romgày gɔmìnà àdɛŋ ɗii lɛ Pɔrisyus-Fɛstus ɓi-kɔ̀ɔ̀ wu Felis. Yɛ̀ɛ Felis à kɔ̀nkɔ̀ngà lɛ a puɓsi Ɓɛ̀yudɛ̀n ǹɗem, nni à càɗkà Pol ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 28:20

Kìɓan kiǹ kɛɛ̀ki mɛ̀ɛ ntɔɔgh lɛ di màa ghɛɛ mìni, ǹkalì mìni lɛ bɛn yi ǹɗì yi rì yɔ, yi ri ɓisuu ǹtyweeyi wu Isirayɛl a rì rì wɔ.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

MƐ̀KÌKÌÌ MƐ ƁƐKƐ̀NÌ-FÌTOM 4:27

Ɓi saaɗ, ɗì Eroodɛ rì Pɔŋs-Pilat ɓɛ mɓasɛɛ rì ɓɛ̀kèn, ri mɛ̀kuu mɛ a Isirayɛl ɓi ban ìnɛ, lɛ ɓɛɛ ɗuù rì Yeesus ànɛ à rì ǹkìì-kìsay wɔɔ̀ à ǹtɛnɛn ànɛ ù rɛsìghà.

MƐ̀KÌKÌÌ MƐ ƁƐKƐ̀NÌ-FÌTOM 9:2

à tɔg nyi ɓɛ̀kaàtà ɓɛ ɓɛ faa nyi Ìtèɗ wulɛ, a kɛǹ a Damas, i à tanɛɛ ɓum ɓi naa yi bɔ̀ŋzɛ̀n, nsoò, ɓɛ̀yiɓ nsoò ɓɛ̀baŋì ɓɛ ɓɛɛ̀ nɔ̀ɔnɔɔ̀tì bee i Kan, a ɓangiì ɓɔ a ki sug yi rì ɓɔ a Yorisalɛm ɓɛ̀kàgakɛn.

TIMOTE 6:13

Ǹtɔɔgh wɔ̀ ɓi mis mɛ Bɛ̀ll ànɛ à ti à falàg ɓyom ɓìcèm cɛɓ, rì ɓi mis mɛ Yeesus Kiris, ànɛ à konàkà kì rèsii righerɛ̀n ɗii ɓi mis mɛ Pilat lɛ,

2 TIMOTE 2:9

Syeesyee à Ɓɔlɛ ànɛ̀n nnɛ nwowog mɛtɔɓ miì à kpaŋ ɓi lèg ànɛ lɛ ɓɛɛ kaŋ̀ mɛ̀ bɛn lɔŋ yɛ̀ɛ ǹwolì-ɓum, kìɓan kifog jɛ̀ɛ̀ ì Bɛ̀ll yɔ̀ɔ̀ yin nkàŋɛn bɛn.

EBIREEGH 13:3

Ɓì yitàg ɓìmbùŋ yɛ̀ɛ ɓɛɛ̀ kali lɛ ɓì rì ɓi naà-zày ǹɗaŋ ri ɓɔ; ɓì yitàg girig ɓɛ̀roɓɛ ɓum ɓɛɛ̀ tɔtɔ̀ɓ, ɓisuulɛ mìni girig ɓì rì rì nyoo.