MATYOO 26:41 - Bafia Nouveau Testament

⁴¹ Kɔ̀riina cem, ɓì ki ɓɔ̀ɔɓɔ̀ŋzì lɛ, kɛ̀ ɓi tanɛn ri mɛ̀fèèghrɛn; lɛ ǹghay wu mum wu ri rì ìtèɗ, kìɓan kifog, nyoo ì mɛ̀mùù ì rì kɛ̀ɛ̀ ìtèɗ.

MATYOO 26:41 ပူးပေါင်းရင်းမြစ်များ

MATYOO 24:42

Fɔɔnnɛ kɔ̀riina cem, lɛ ɓi yii ɓi fin ìnnɛ masà wìn a rì ɓiì yùu.

MATYOO 25:13

Fɔɔnnɛ ɓì ghɛ̀ɛ̀sɛɛ kì kɔ̀rii cem, lɛ ɓì yii ɓì gòn nsoò cààmɛn.

MATYOO 26:38

Fɔɔnnɛ à kpaaghà min ɓɔ lɛ: Ǹɗì rì ǹɗemi-kɛŋɛn wu wu ri lɛ wu wey mɛ̀, nni rɔ̀ɓina fɛ, ɓi kɔri cem nɗaŋ, ri mɛ̀.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

MARIKUS 14:38

Kɔ̀riina cem, ɓì ki ɓɔ̀ɔɓɔŋzàg Bɛ̀ll lɛ kɛ̀ ɓi tanɛn ri mɛ̀fèèghrɛn. Ɓisuulɛ ǹghay wu mum wu ri rì ìtèɗ kìɓan kifog nyoo ì ɓa kɛ̀ɛ̀ ìtèɗ.

LUKAS 11:4

Cenɛn ɓìsi ɓìɓe ɓis, lɛ ɓìsi girig tì ti tì cenàg ŋwaànɛ à kaa ɓìsi kìɓan. Kɔ̀ɔ ki càɗ ɓisi lɛ ti kpi ɓi mɛ̀fèèghrɛn ɓiɗùm.

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

LUKAS 22:40

Yɛ̀ɛ à kpagà wɔɔ, nni à kpaaghà ɓɛ̀yilàg lɛ: Ɓɔ̀ŋziina Bɛ̀ll lɛ, kɛ̀ ɓi tanɛn ri mɛ̀fèèghrɛn.

LUKAS 22:46

À kpaa ɓɔ lɛ. Ɓi lalay lɛ la? Pɛ̀sɛɛna aɗyòò, ɓi ɓɔŋzi Bɛ̀ll di kɛ̀ ɓi kpì ɓi mɛ̀fèèghrɛn.

LUKAS 8:13

Ɓɛ̀roɓɛ ɓɛ ri ɓi tìcɔg ɓɛ ri ɓumɓɛ ɓɛ ti i ɓɛ woogh jɛ̀ɛ̀ ì Bɛ̀ll, ɓɛ ghaɓ yɔ̀ rì kìnyàà kìɓan kifog, ɓɛ̀ kɛɛ̀ càɗ jɛ̀ɛ̀ ìnɛn lɛ yɛ̀ɛ ɓag gàŋ ɓi mɛ̀rem maa; i mɛ̀fèèghrɛn mɛ kpaŋi a lɔ̀ŋkaa, ɓɛ naŋ rìgherɛ̀n.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

1 KƆ̀RƐ̀ŊTYƐŊ 10:13

Ɓì ka tulɛ̀ngà ɓi ri mɛ̀fèèghrɛn mɛdɛŋ, mɛ mɛ cee ìtèɗ wu mum. Bɛ̀ll à ti à roòzàg mɛ̀kàg mii, fɔɔnnɛ àa càɗ ɓi lɛ ɓi tulɛn rì mɛ̀fèèghrɛn mɛ mɛ cee mìni ɓi-tèɗ; wɔ̀lɛ i mɛ̀fèèghrɛn mɛ kpaŋi mìni, à rì mìni ɓiì rèsii bee inɛ ɓì rì lɛ ɓì cee mɔ miì, à ki fa mini ìtèɗ wulɛ ɓi cenɛn mɔ.

1 KƆ̀RƐ̀ŊTYƐŊ 16:13

Ɓaana cem, ɓì sììrɛ̀n ɓi rìgherɛ̀n; ɓaana ɓum, ɓì tèèsɛ̀n.

1 KƆ̀RƐ̀ŊTYƐŊ 9:27

Nkìki kɔm̀ nyoo yɛ̀m rìgɛn, ǹghaasì yɔ̀ ǹkpàn lɛ kɛ̀ kɛɛ̀ ɓaa gɛ lɛ mɛ̀ɛmiɗ anɛ ǹkpaaghà ɓum ɓɛdɛŋ Syeesyee à Ɓɔlɛ, mɛ̀ yɛɛ ɓa ǹcàrɛn ɓi ɗyɔ̀m.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

2 PYƐƐRI 2:9

Fɔlɔɔ a rèsii lɛ Kan à yii rìghɛɓsì ɗi ɓumɓɛ ɓɛ falɛɛ ɓi rìgherɛ̀n di ɓɛ ri ɓi mɛ̀fèèghrɛn, à ki ɓoŋzag ɓiɓeɓtàg ɓi ɓum lɛ ɓyɛɛ ɓoŋ yɛ̀ɛ à rì ɓyɔ ɓiì pɔnɔsii ŋwosi ɓɛyɔ̀m ɓii.

ÀPÒKÀLIƁSƐ̀ 16:15

Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.

ÀPÒKÀLIƁSƐ̀ 3:10

Lɛ ù ɓègà jɛ̀ɛ̀ yɛ̀m ɗì kìsììrì, fɔɔnnɛ mɛ̀ girig ǹɗì wɔ̀ ɓiì ɓèŋi ɓi cààmɛ̀n à mɛ̀fèèghrɛn mɛ mɛ ghɛɛ̀sɛɛ kì yùu ɓi ziinɛ bimiɗ lɛ mɛɛ feèghrɛn ɓum ɓɛ̀cèm ɓɛ ɓi ziinɛ.