MATYOO 26:39 - Bafia Nouveau Testament

³⁹ Nni à kɛ̀ɛ̀dìghà asu lɛsàg, à kpì ɓi zi guɓùg, à ɓɔ̀ŋzì lɛ: Tààta wɛ̀m i bee yàa rì lɛ ì ɓa, lɛ ɓeŋ ànɛ a raɓsɛn mɛ̀, nsoò fɔlɔɔ, kɔ̀ɔ kì rikɔ̀n ɗyɛm̀, lɔŋ rìkɔ̀n ɗyɔɔ ɗyɛɛ̀ɗi kìya.

MATYOO 26:39 ပူးပေါင်းရင်းမြစ်များ

MATYOO 20:22

Yeesus à pɛ̀ɛ̀zì lɛ: Ɓi yii ɓi com ki ɓi tɔtɔg mɛ kìn. Ɓì rì lɛ ɓì cenɛ̀n lɛ ɓi nɔ ɓeŋ ànɛ mɛ̀ ǹɗì ɓiì nɔɔ̀? Ɓɛ̀roɓɛ̀n ɓɛ ɓaàg lɛ: Tì rì lɛ tì nɔ.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 26:42

Ɓi gɛ̀n i kìɓɛ̀ɛ̀, à ràɓsɛ̀ngà tì ɓɛ̀yilàg, à ɓɔ̀ŋzàg lɛ: Tààta wɛ̀m, i ki ri lɔŋ lɛ ɓeŋ ànɛ àa pɛ̀sɛn ɓi di nnɔɔ ɓi nyi, rìkɔ̀n ɗyɔɔ ɗyɛɛ kilɛn.

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

LUKAS 17:16

À kpìghà Yeesus a mɛ̀kòò, à ruusì ìsu ɓi zi, à fa nyi ɓìtògsɛ̀n. Ŋwaàncèm à ɓaghà ŋwaànɛ a Samari.

ZYAŊ 11:41

Nni ɓɛ pisìghà gɔ̀g ìnɛn, Yeesus à ɓegsì mis aɗyoo, à kpaa lɛ: Tààta ǹtògsaagh wɔ̀ ɓisuulɛ, wàa ɓàagh bɔ̀ŋzɛ̀n yɛ̀m.

ZYAŊ 14:31

Wɔ̀lɛ ki ghɛɛ̀sɛɛ lɛ, ziinɛ yɛ̀ɛ yi lɛ, ǹkeesii Tààta rì tì lɛ, nkìki ɓiɓan lɔŋ yɛ̀ɛ Tààta à kpaaghà mɛ̀ lɛ nki. Pɛ̀sɛɛna aɗyoo, ti pɛsɛn fɛ̀.

ZYAŊ 18:11

Yeesus à kpaa Pyɛɛri lɛ: Pɛ̀ɛ̀zi gàfàg ɓi ɗyaŋ. Mɛ̀ m̀ɓiì rɔ̀ɓi kɛ̀ɛ nnɔ ɓeŋ ànɛ Tààta à faghà mɛ̀ lɛ nnɔ?

ZYAŊ 5:19

Nni Yeesus à ɓàkà min ɓɔ , à kpaa lɛ: Ǹkpaa mìni kɔɔ̀kɔɔ̀ à rìkpaa lɛ Man à yin lɛ à kì kìɓan kidɛŋ rì nto wìì, a kìki lɔŋ ɓiɓan ɓi a seesèè di Seŋi a kìkì. Fɔɔnnɛ ɓìɓan ɓi Seŋi a kìkì, ɓyɛɛ̀ɓi Man girig a kìkì.

ZYAŊ 5:30

Mɛ̀ ǹ-yiǹ ɓiì kìkii kiɓan kidɛŋ rì nto wɛ̀m, nɗenɗen ɓiɓan lɔŋ yɛ̀ɛ mɛ̀ɛ nwowòg, fɔɔnnɛ rìren ɗyɛ̀m ɗi ɓiɓan ɗi ri lɛ saaɗ lɛ, ǹ-yin ɓiì kaakaa rikɔ̀n ɗyɛm̀, nkaakaa lɔŋ rikɔ̀n ɗi roànɛ à romgày mɛ̀.

ZYAŊ 6:38

Ɓisuulɛ, ǹsɛngày ɓi aɗyoo lɛ nki rìkɔ̀n ɗyɛm̀, ǹsɛngày lɔŋ lɛ nki rìkɔ̀n ɗi roànɛ à romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 10:25

Yɛ̀ɛ Pyɛɛri à kpagà wɔɔ, Kɔrinɛy à kɛ̀n nyi ki ghàɓi, à kpi nyi à mɛ̀kòò lɛ a fa nyi bɔgsɛ̀n.

FÌLÌPYƐŊ 2:8

à sɛɛ̀dɛ̀n nyimiɗ ɓi zi à ki ɓa ri mɛ̀wog à kpaŋ a rìwu; rìwu ɗincèm lɛ ɗi ɓi kɔrɔs aɗyòò.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.