MATYOO 26:28 - Bafia Nouveau Testament

²⁸ ɓisuulɛ bwaɓ yɛm̀ yɛɛ ri, bwaɓ yi ɓi rìràrɛ̀n ɗi rì Bɛ̀ll, yi yi ri ɓiì kpaŋì ɓisuu ɓum lɛɛ̀gwey, ɓisuu ricenɛ̀n ɗi ɓiɓe.

MATYOO 26:28 ပူးပေါင်းရင်းမြစ်များ

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 26:27

Nni à teetìghà ɓeŋ, à mɛ̀rɔ̀g à fa Bɛ̀ll ɓìtògsɛ̀n, à ceesi nyi rì ɓɛ̀yilàg ɓii, à kpaa ɓɔ lɛ: Nɔɔna ɓɛ̀sɛ̀ɛ̀ ɓɛ̀cèm

MATYOO 26:29

Nni mɛ̀ ǹkpaa mìni lɛ, à tumɛ̀n gɛɛ̀nɛ, màa nɔti ɓi mɛrɔ̀g mɛ viìnyɛ̀, à kpaŋ ŋwos anɛ tì nɔtii gɛ nyɔɔnyɔn à rìnɔ lɛ rì mɛ̀ rì mìni ɓi kìlɔ̀ŋ ki Seŋi wɛ̀m.

MATYOO 6:12

Cenɛn ɓìsi ɓìɓan ɓi ɓeɓɛn ɓi tì mɛ kì, fɛlɛ yɛ̀ɛ ɓìsi girig tì mɛ cenɛn ɓɛ̀roɓɛ ɓɛ kighà ɓìsi kìɓe.

MARIKUS 1:4

Nni Zyaŋ à peeghày ɓi-reɓ, à ɓààɓàɓtì ɓum à ki làalamɓɛ̀n lɛ, ɓum, ɓɛɛ ɓɛɛ lɔɔ̀ghrɛn mɛ̀rem, ɓɛ̀ ɓaɓtɛ̀n, fɔɔnnɛ Bɛ̀ll a cenɛn mìni ɓìɓe ɓyaa.

MARIKUS 14:24

Yeesus à kpaa ɓɔ lɛ: Bwaɓ yɛm̀ yɛɛ ri lɛ, bwaɓ yi rìràrɛn ɗi lɛ rì Bɛ̀ll rì ɓum, yɛɛ ri ɓiì kpaŋì ɓisuu ɓum lɛɛ̀gwey.

LUKAS 22:19

Fɔɔnnɛ à tekà bìrɛs, à fa Bɛ̀ll ɓìtògsɛ̀n, à ɓɛg yɔ̀, à fa ɓɛ̀yilàg à kpaa lɛ: Nyoo yɛ̀m yɛ̀ɛ ri lɛ; yɛ̀ɛ ri ǹfayɛn ɓisu wìn, kìlaaghna kìɓan ki, ɓì yitàg mɛ̀.

LUKAS 22:20

Fɔlɔɔ nnɛ à tekà girig ɓeŋ, ajɛ̀m ì rìɗi, à fa ɓɔ a kpaa lɛ: Ɓeŋ ànɛ, à rì nyɔɔnyɔn à rìràrɛ̀n ɗi lɛ, rì Bɛ̀ll rì ɓum, ɓi bwaɓ yɛm̀ yi yi ɗyoŋi ɓisu wìn.

RÒMƐŊ 5:15

Wɔ̀lɛ rìnàn ɗi yin com kìfog ɗì rìɓòò ɗi Bɛ̀ll à kìi ɓum; i ɓum lɛɛ̀gwey ɓɛ cuughà ɓi rìnàn ɗi mum bog, bɔ̀ɓ yaŋ ɗi geesɛ̀n rì rìɓòò ɗi Bɛ̀ll à kìghà ɓum zɛy rì zɛy ɓi m̀bobog à mum ànɛ lɛ Yeesus Kiris; rìɓòò ɗi Bɛ̀ll ɗiǹ ɗi ri ɗìkòmɛn ɓum lɛɛ̀gwey à cee fɔlɔɔ.

RÒMƐŊ 5:19

Ɓisuulɛ yɛ̀ɛ ǹtoòtèɗ wu kìbog ki mum ki kighà, wu ghaasìghà ɓum lɛɛgwey ɓɛ̀kìì-kìɓe, mɛ̀wog mɛ m̀bobog à mum à kìghà mɛ ri ɓiì kìi lɛ ɓum lɛgwey ɓɛɛ ɓa lɛ saaɗ ɓi mis mɛ Bɛ̀ll.

1 KƆ̀RƐ̀ŊTYƐŊ 11:25

Fɔlɔɔ nnɛ à tekà girig ɓeŋ di ɓaa lègsi ki ɗiì, à kpaa lɛ: Ɓeŋ ànɛ à rì nyɔɔnyɔn à rìràrɛ̀n ànɛ lɛ rì ɓum rì Bɛ̀ll ɓi bwaɓ yɛm̀; ɓì yitàg mɛ̀ cààmɛ̀n kìcèm ki ɓì nɔɔ nyi.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

KÒLÒSYƐŊ 1:14

ànɛ tì rì ɓɛ̀kòrɛn lɛ nyi, ɓìɓe ɓis ɓi ki ɓa ɓi cenɛn.

KÒLÒSYƐŊ 1:20

À ki kì lɛ ɓyom ɓìcèm ɓi ɓi ziinɛ, nsoò lɛ ɓi aɗyoo, ɓyɛɛ rarɛn tì rì nyi lɛ Man wiì, yɛ̀ɛ à kìghà lɛ fyòoog a ɓa lɛ bwaɓ yi Man ànɛ̀n yi yi kpagà ɓi kɔrɔs.

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

1 ZYAŊ 2:2

Lɛ nyimiɗ a faghà cɛɓ kii ɓisuulɛ ɓìɓe ɓis ɓyɛɛ ɓa ɓìcenɛn, àa gì lɛ ɓinkis ɓyɔ rì ɓyɔ, lɔŋ ɓisuu ɓiɓe ɓi ɓum ɓɛ̀cèm girig.

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.