MATYOO 26:26 - Bafia Nouveau Testament

²⁶ Nni yɛ̀ɛ ɓɛ ɗiɗìghà, fɔɔnnɛ Yeesus à tekà bìrɛs, à fa Bɛ̀ll ɓìtògsɛ̀n, à ɓɛg min yɔ̀, à fa ɓɛ̀yilàg ɓii, à kpaa ɓɔ lɛ: Terina, ɓi ɗi, nyoo yɛ̀m yɛ̀ɛ lɛ.

MATYOO 26:26 ပူးပေါင်းရင်းမြစ်များ

MATYOO 14:19

Fɔɔnnɛ à kpaaghà ɓum lɛ ɓɛɛ kɔri ɓi ɓyaaɓì; à teɗ min bìrɛs yi kitaǹ rì kìɓɛ̀ɛ̀rɛn ki ɓìzɛn, à ɓegsì mis aɗyoo, à fa Bɛ̀ll ɓìtògsɛ̀n, à ɓɛkì min bìrɛs, à fa rì ɓɛ̀yilàg, ɓɛ̀yilàg ɓɛ kaɓsì gwìy ìnɛn.

MATYOO 26:27

Nni à teetìghà ɓeŋ, à mɛ̀rɔ̀g à fa Bɛ̀ll ɓìtògsɛ̀n, à ceesi nyi rì ɓɛ̀yilàg ɓii, à kpaa ɓɔ lɛ: Nɔɔna ɓɛ̀sɛ̀ɛ̀ ɓɛ̀cèm

MARIKUS 6:41

Yeesus à teɗ kìtaǹ ki bìrɛs rì kìɓɛ̀ɛ̀rɛn ki ɓìzɛn, à ɓegsì mis aɗyoo, à fa Bɛ̀ll ɓìtògsɛ̀n, à ɓɛkì min bìrɛs yiǹ, a fa yɔ rì ɓɛ̀yilàg lɛ ɓɛɛ kaɓsi ɓum. A kàɓsàkà tì girig ɓɔɔ̀cèm ɓìzɛn ɓi kìɓɛ̀ɛ̀ ɓiǹ.

LUKAS 22:17

Nni à tekà ɓeŋ à mɛ̀rɔ̀g à fa Bɛ̀ll ɓìtògsɛ̀n, à kpaa lɛ: Terina ɓeŋ ànɛ ɓi ceesɛn nyi di ɓi sàsàg;

LUKAS 24:30

Nni yɛ̀ɛ à kɔ̀rìghà ɓi ɓìɗilàg ǹɗaŋ ri ɓɔ, fɔɔnnɛ à tekà bìrɛs, à fa Bɛ̀ll ɓìtògsɛ̀n, à ɓɛg yɔ̀ à fa ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 2:46

Cààmɛ̀n kìcèm ɓɛ ǹti ɓɛ taŋzàg ɓi naà-Bɛ̀ll ŋwos bimiɗ, ɓɛ ɗiɗì ɓìɗilàg ɓyaa ǹɗaŋ ɓi naa yaa ɓɛ ɗiɗì ɓyɔ rì kìnyàà, rì ǹɗem wu risɛɛ̀dɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:7

Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

1 KƆ̀RƐ̀ŊTYƐŊ 10:4

Ɓɛ ki nɔ rikuu ɗi mɛnig ɗi ɓi nghay dìfog ɓɛ̀sɛ̀ɛ̀ ɓɛ̀cèm, ɓisuulɛ ɓɛ nɔnɔ̀ghà mɛ̀nig mɛ ɓi gɔ̀g ì nghay ìnɛ ì kɛ̀ɛ̀kɛ̀ɛ̀ghà rì ɓɔ; gɔ̀g ìnɛn yɛ̀ɛ ɓaghà Kiris.