MATYOO 26:10 - Bafia Nouveau Testament

¹⁰ Yɛ̀ɛ Yeesus à wokà fɔlɔɔ, nni à kpaaghà ɓɔ lɛ: Ɓi yeeyeèsì giɓ anɛ lɛ la? À kìi syeesyee à kìɓan ɓisu wɛ̀m

MATYOO 26:10 ပူးပေါင်းရင်းမြစ်များ

MATYOO 26:11

lɛ ɓì rì rì ɓɛ̀soghàsogha ɓyààmɛ̀n ɓìcèm, kìɓan kifog mɛ̀ màa ɓa ɓi ri mìni cààmɛ̀n kìcèm.

MATYOO 26:9

Ɓaa rì lɛ ɓɛ kaɓ tìrààre tìn dune ǹkɛŋɛn lɛɛ̀gwey, ɓɛ fa mɔ̀ɔ̀ni mɛ miì rì ɓɛ̀soghàsogha.

MARIKUS 14:6

Nni Yeesus à kpaaghà ɓɔ lɛ: Càrina giɓ anɛ, ɓi kìki nyi fɔlɔɔ lɛ cɛ? À kìi syeesyee à kìɓan ɓisu wɛ̀m.

LUKAS 8:49

Yeesus à kaka à kpaakpàà giɓ anɛ̀n fɔlɔɔ, nni mum à pɛ̀sɛ̀ngày a mɛɛ mɛ nlàmì ànɛ ɓi naà-bɔ̀ŋzɛn, à yù kì kpaa lɛ: Zyayirus, gɔ̀n yɔ̀ɔ̀ i ti kìloŋ, kɔ̀ɔ yeesi ti ǹɗèsàg zɛy.

2 KƆ̀RƐ̀ŊTYƐŊ 9:8

Bɛ̀ll à ki rì rì ìtèɗ wulɛ à roòzì mìni rì ɓɛ̀mààgh mɛ̀kuu mɛ̀cèm ɓi lèg ànɛ lɛ ɓi ɓa cààmɛ̀n kìcèm rì ɓyom ɓi ɓì ghɛ̀ɛ̀sɛɛ kì ɓaà rì ɓyɔ, ɓì ki rɔ̀ɓti ti ri ɓyom lɛɛ̀gwey ɓi ɓì rì lɛ ɓì ghɛɛ̀ghɛ̀ɓsì ɓum miì.

GÀLAT 1:7

Ɓi saaɗ Syeesyee à Ɓɔlɛ àdɛŋ à yiìdi wɔɔ, kìɓan kifog ɓum ɓɛdɛŋ ɓɛɛ̀ ɓùuɓuùsì mìni, ɓɛ kaakàà lɛ ɓɛɛ ruùsi Syeesyee à Ɓɔlɛ à Kiris.

GÀLAT 5:12

Ɓumɓɛ ɓɛɛ̀ syòŋsyoŋ yi kìyoòyòò ɓi nyìinyìm wìn, ɓɛɛ ghaki gì ɓɔmiɗ di ɓɛ kɔni.

GÀLAT 6:17

Nni mum kɛ̀ɛ yùti mɛ rì ǹ-yeesɛ̀n ɓisuulɛ doòdoo yi ǹɗì rì yɔ, yɛɛ̀ rèresi lɛ ǹɗì ǹkpàn a Yeesus Kiris.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

2 TÈSÀLÒNÌSYƐŊ 2:17

ɓɛɛ fɔɔ̀si mìni mɛ̀rem, ɓɛ fa mìni ìtèɗ wu kìyɛn ɓiɓan ɓi syeesyee, ɓi mɛ̀kìkì min mɛcèm, rì ɓi ɓìtòkì ɓin ɓìcèm.

TIMOTE 3:1

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ì rì lɛ, i kɛɛ̀ kɔ̀nkɔn mum lɛ a ɓa ŋwaànɛ a kɛɛ̀si Kìseŋi, di ŋwaànɛ̀n miì a kɔ̀nkɔn syeesyee à kìsaay.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

2 TIMOTE 2:21

Nni i mum à ɓèŋɗɛɛ nyimiɗ ntɛnɛn à rì ɓiì ɓaà ɓɛŋi anɛ ɓɛ ri lɛ ɓɛ teɗ ŋwosi kiɓan ki bànà; ɓɛŋi a ǹtɛnɛn ànɛ à rì rì gɛɓsɛ̀n ɓisuu ŋwaànɛ à rì rì nyi, à ki ɓa ɓɛŋi anɛ à ghɛ̀ɛ̀sɛɛ ɓisuu rikì ɗi ɓyom ɓi syeesyee.

Kaàtà ànɛ Pol à kàngà TIT 1:16

Ɓɛ ti ɓɛ kpaaghì lɛ ɓɔɔ yii Bɛ̀ll, kìɓan kifog ɓɛ roòròòzɛ̀n nyi ɓi mɛ̀kìkìì maa, ɓum ɓɛ ɓeèzɛɛ rìɓa ɗyaa ɗiǹ, ɓɛ ri rì ǹtoòtèɗ, ɓɛ̀ kɛɛ̀ ki ɓa ɓumɓɛ ɓɛ ri lɛ ɓɛ ki syeesyee à kìɓan nsoò bog.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

Kaàtà ànɛ Pol à kàngà TIT 3:1

Yiti ɓɔ lɛ ɓɛɛ ki ɓɛ̀làmì kìlɔ̀ŋ, rì ɓɛ̀gɔmìnà mɛ̀wog; ɓɛ ghɛɛ̀sɛɛ kì kìi com ki ɓɛ̀roɓɛ̀n ɓɛ tɔɔgh ɓɔ lɛ ɓɛɛ ki, ɓɛ ki fɛmɓɛn ɓi rìkì ɗi kiɓan kicèm ki ki ri lɛ syeesyee.

Kaàtà ànɛ Pol à kàngà TIT 3:14

Ki ghɛɛ̀sɛɛ lɛ ɓumɓɛ ɓi nɗaŋ wis ɓɛɛ yilɛn rì rìkìkì ɗi ɓiɓan ɓi syeesyee lɛ kɔɔ̀kɔɔ̀, fɔɔnnɛ ɓɛ ri ɓiì kìkii ɓɛ̀gɛni-ɓiɓan ɓɛ ɓɛ ghɛɛ̀sɛɛ kì kìlɛɛ lɛ fyɛ̀ɗ yɛ̀ɛ ɓɛ̀ kɛɛ̀ rɔ̀ɓ kɛ̀ɛ̀ ɓìɗùn.

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.