MATYOO 25:41 - Bafia Nouveau Testament

⁴¹ Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MATYOO 25:41 ပူးပေါင်းရင်းမြစ်များ

MATYOO 13:40

Fɛlɛ yɛ̀ɛ ɓɛ ti ɓɛ ruɓkì kìɓeɓtàg ki caaɓi lɛ ɓɛɛ pig kɔ ɓi ɗuu, fɔlɔɔ nnɛ ki ɓiì ɓaà ŋwosi rilèg ɗi zi.

MATYOO 13:42

Ɓɛ pig lɛ, rì ɓyom ɓìn, rì ɓɛ̀kìì-kìɓe ɓɛǹ ɓi kìgɛ̀ŋ kì ɗùù; jàŋ inɛ ɓum ɓɛ rèèreedɛɛ gɛ, di ɓɛɛ̀ ŋàaŋaàdì min.

MATYOO 13:50

ɓɛ pig ɓìɓeɓtàg ɓì ɓum ɓiǹ ɓi kìgɛ̀ŋ ki ɗuu jàŋ inɛ ɓɛ reèrèèdɛɛ gɛ di ɓɛɛ̀ ŋàaŋaàdì min.

MATYOO 18:8

I càg kɔɔ nsoò lɛ ìkòò wɔɔ ɓyɛɛ ti ɓi kɛɓtàg wɔ̀ fìɓàg, rena ɓyɔ, u mag ɓyɔ fìràɓ; lɛ ki ri wɔ̀ kìrɔɔ lɛ u ghɛǹ cɛɓ rì càg kifòg, nsoò lɛ ìkòò wufòg, à cee lɛ u kɛǹ ɓi ɗuu ɗi fiɗyàɓ fikɔ̀ɔ̀ rì ɓyàg ɓyɔɔ ɓìcèm, nsoò lɛ rì mɛ̀kòò mɔɔ mɛcèm.

MATYOO 25:42

Lɛ yɛ̀ɛ zày ì kɔ̀nkɔ̀ngà mɛ̀, ɓi faghà ɓi mɛ ɓìɗilàg; kìnɔli ki kikì mɛ̀ kɛ ɓi fa mɛ mɛ̀nig mɛnɔyɛ̀n;

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

MATYOO 3:12

À rìì rì mɛ̀tɛŋkɛlɛ mii ɓi càg, fɔɔnnɛ à ɓiì fyɔnì kìbog kii à foŋ gèŋ i cag-cag ɓi ɓìkàɗ; wɔ̀lɛ à tɔ̀n ɓìkoroɗ ɓi ɗuu ɗi ɗyɛ̀ kɛɛ̀ ɗimi.

MATYOO 4:10

Nni Yeesus à ɓàkà nyi lɛ: Satàn, pɛ̀sɛn mɛ̀ ɓi mis! Lɛ ki ri kì kànɛn lɛ: Ù ghɛ̀ɛ̀sɛɛ kì ɓɔgsii Kan Bɛ̀ll wɔ̀ɔ̀, lɔŋ nyi cɛ̀ncii nnɛ ù kì kìsay.

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MATYOO 7:23

Fɔɔnnɛ ǹkalii gɛ ɓɔ lɛ tɛntɛ̀ɛ̀n lɛ, ǹka yighà ɓi mini nsoò ŋwos bog, pɛ̀sɛɛna mɛ̀ ɓi mis, mìni ɓɛ̀kìì-ɓìɓe ɓɛ!

LUKAS 13:27

Nni nyii ɓàagh gɛ mìni lɛ: Ǹkalii mìni lɛ ǹ-yii ɓi jàŋ inɛ ɓì pɛ̀sɛɛ yì, ghaghiina mɛ̀ ɓi mis, lɛ mìni ɓɛ̀sɛ̀ɛ̀ ɓɛ̀cèm, ɓì rì ɓɛ̀kpàn ɓɛ kiɓe.

LUKAS 16:24

Fɔɔnnɛ à nyàmgà jɛ̀ɛ̀ aɗyòò lɛ: Tààta Abiraham, wogha ɓà mɛ nyìghnyìg, u rom yì Lazaari, a nɔg yì manàcàg ɓi mɛ̀nig, a yɔɔ̀si mɛ̀ ɓi rìlemàg, di ɗyɛɛ ki yɛ̀ɛ ɗi fɔli, lɛ ǹwowog rikɛŋ lɛɛ̀gwey ɓi ɗuu ɗì.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

2 TÈSÀLÒNÌSYƐŊ 1:7

à fa mìni ɓɛ ɓi wowog rikɛŋ rìfɔɔsɛ̀n ǹɗaŋ ri ɓìsi; à ɓiì kìi fɔlɔɔ yɛ̀ɛ Kan Yeesus à ɓiì rèsɛɛ yi aɗyoo, nɗaŋ ri ɓum ɓii ɓɛ titom ɓɛ ɓɛ ri rì ìtèɗ,

2 TÈSÀLÒNÌSYƐŊ 1:9

Pɔnɔsì ànɛ ɓɛ ri ɓiì terì, à rì rìɗyaŋ ɗi fiɗyàɓ fikɔ̀ɔ̀, ɓɛ kɛɛ̀ wuɓsɛn ìsu wu Bɛ̀ll, ɓɛ̀ kɛɛ̀ ki wuɓsɛn kitɛɛtɛn ki rikem ɗii,

EBIREEGH 6:8

Wɔ̀lɛ i zi inɛ̀n yɛɛ̀ fafa lɛ rì ɓìɓeɓtàg ɓi ɓyaaɓi, rì keŋ, di ì yin syeesyee à zi, ì ki ɓa jàŋbog lɛ yɛ̀ɛ teɗ ǹcɛ̀m, ki ki syɔn lɛ ɓɛɛ tɔǹ yɔ̀.

2 PYƐƐRI 2:4

Ɓisuulɛ i Bɛ̀ll à rɔ̀ɓkà kɛ̀ɛ kèŋi ɓum ɓɛ titom ɓɛ ɓɛ kighà kìɓe, à ràm lɔŋ à ɓangì ɓɔ, à ki pìki ɓɔ ɓi bɛŋ yi yi ri rì birìm, wɔɔ nnɛ ɓɛ kaka ɓɛ̀ɓanɓanɛn ɓɛ ɓoŋɓoŋ ɓɛ̀yɔ̀m ɓɛ Bɛ̀ll;

1 ZYAŊ 3:10

Kìɓan ki ki ghasii lɛ rì ɓɔn ɓɛ Bɛ̀ll rì ɓɔn ɓɛ Satàn ki ri lɛ: Mum ǹcèm ànɛ à kìi ɓi ɓiɓan ɓi saaɗ, nsoò roànɛ à keesii ɓi geni à yin man à Bɛ̀ll.