MATYOO 25:40 - Bafia Nouveau Testament

⁴⁰ Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MATYOO 25:40 ပူးပေါင်းရင်းမြစ်များ

MATYOO 10:40

Ŋwaànɛ à ghàɓi mìni, à ghàɓi mɛ̀; i ŋwaà ki ghàɓi mɛ̀ di à ghàɓi roànɛ à romgày mɛ̀.

MATYOO 10:42

Ǹkalii mìni ɓi saaɗ lɛ ŋwaànɛ à rì ɓiì faà kìbog ki ɓi ɓɔɓti ɓɛ nsoò gìras ì mɛ̀nig mɛ kèeŋkèeŋ ɓi ɗii ɗi lɛ ǹ-yilàg wɛm̀ àa mɛ̀m ɓi mɛlèɓ mii.

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

MATYOO 25:39

Fin innɛ ù ɓaghà ɓi cem, nsoò lɛ ɓi naà-zày, tì ki yù wɔ kì ghɛɛ̀?

MATYOO 25:45

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓi ɓèngà kì kìi kibog ki ɓi ɓɔɔɓɔɓti ɓɛ fɔlɔɔ, mɛ̀ nnɛ ɓì ɓèngà kì kìi lɔɔ.

MATYOO 28:10

Yeesus à kpaa min ɓɔ lɛ: Kɛ̀ ɓi risi; kɛ̀ɛna kì kpaà ɓɛ̀geni ɓɛ̀m lɛ ɓɛɛ kɛǹ a Galile, wɔɔ nnɛ ɓɛ ri mɛ̀ ɓiì ghɛɛ̀.

MARIKUS 9:41

Ǹkalii mìni ɓi saaɗ lɛ: Ŋwaànɛ à rì mìni ɓiì faà gìras ì mɛ̀nig mɛnɔyɛn lɛ ɓìrì ɓum ɓɛ Kiris, àa mɛ̀m ɓi mɛlèɓ mɛ miì.

LUKAS 19:38

Ɓɛ kpaakpàà lɛ: Bɛ̀ll a maŋ rìfòm ɗi ɗi yuu yì ɓi ɗii ɗi Kan, fyòoog à ɓa ɓi ɗyoo ɓi ɗùm, rìkem ɗyɛɛ ki Bɛ̀ll.

ZYAŊ 20:17

Yeesus à kpaa nyi lɛ: Kɔ̀ɔ kòm mɛ, ɓisuulɛ ǹka ɓɔg ɓi yɛ̀ɛ Seŋi wɛ̀m; kìɓan kifog kɛ̀na a ɓɛ̀geni ɓɛ̀m, u kpaa ɓɔ lɛ m̀ɓɔɔgh yɛ̀ɛ Seŋi wɛ̀m, nnyɛɛ ri girig Seŋi wìn, yɛ̀ɛ Bɛ̀ll wɛ̀m, ànɛ à rì girig Bɛ̀ll wìn.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

EFÈZYƐŊ 5:30

Lɛ ɓì rì ɓìkàɓ ɓi ɓi nyoo yìì.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 ZYAŊ 4:20

I mum à kpaa lɛ: Ǹkeesii Bɛ̀ll nni à ɓèèzɛɛ geni, di à rì pwààpwaà, ɓisuulɛ, i mum à keesii ɓi geni ànɛ a seesèè, lannɛ à rì lɛ à keesì Bɛ̀ll ànɛ à ghɛɛ ɓi?

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 19:16

Ɓi rìga wìì rì ɓi ɓɛ̀y wii, ɗii ɗi ri miì ɗì kànɛn lɛ rìfòm ɗi mɛfòm, rì Kan ànɛ a ɓɛ̀kan.