MATYOO 24:49 - Bafia Nouveau Testament

⁴⁹ à tumɛ̀n rìkwiy ɗi ɓɛ̀kìì-ɓìsay ɓɛmbog, à kì lɛ: à ɗi, à nɔ, bas rì ɓɛ̀nɔɔ̀-mɛ̀rɔ̀g.

MATYOO 24:49 ပူးပေါင်းရင်းမြစ်များ

MATYOO 18:28

Nni yɛ̀ɛ ǹkìì-kìsay anɛ̀n à kpagà, à tuusɛ̀n ɗì reŋkàŋ wìì adɛŋ ànɛ à ɓaghà nyi rì pon a hɔnɗɛ̀ɗ. Nni à sɛngà ɓi roànɛ̀n, à ɓan nyi a ɓɛ̀ɓoŋ di a kakali lɛ: Lèɓa mɛ̀ mɔ̀ɔ̀ni mɛ̀m.

MATYOO 24:48

Kìɓan kifog, i à rì kìɓeɓtàg ki ǹkìì-kìsay, nnɛ à fèegh wɔɔ ɓɛɛ̀ nyimiɗ lɛ, masà wɛ̀m àa sug yi ɓi lɛ fyɛ̀ɗ,

MATYOO 24:50

Fɔlɔɔ nnɛ masà à ǹkìì-kìsay anɛ̀n à rì ɓiì peetɛɛ yi ŋwos nyimiɗ anɛ à ɓoŋɓoŋi ɓi nyi, rì ɓi cààmɛ̀n ki nyii yii ɓi lɛ masà wìì a rì lɛ à kpaŋ.

MATYOO 7:15

Konaaghna rì ɓɛ̀kpaŋzì-ɓìɓan ɓɛ ɓɛ ri ɓɛ̀pwààpwaà; ɓɛ ti ɓɛ yulàg mìni a nyoo ɓɛ̀pàmɓɛn gòò ì jɔ̀ɔ̀, wɔ̀lɛ wɔɔ ɓiɗùm, ɓɛ ɓa ɓìmonɗo ɓi ɓaaɓanɛ̀n.

ZYAŊ 2:10

Fɔɔnnɛ à reŋìghà ŋwaànɛ à wɔlɛ̀ngà à kpaa nyi lɛ: Ɓɛ̀ro ɓɛɛ̀ loki kìfaà ɓɛ̀kèn mɛrɔ̀g mɛ syeesyee, ɓɛ siitɛ̀n ɓɔ kìfaà mɛ ɓeɓtɛn di ɓaa ŋwagì; kìɓan kifog wɔ̀ wàa ɓèŋɓeŋi mɛ̀rɔ̀g mɛ syeesyee à kpaŋ ɓigomìnɛ.

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

2 KƆ̀RƐ̀ŊTYƐŊ 11:20

Ɓisuulɛ ɓì ti ɓì cenàg lɛ ɓɛɛ ghaàsi mìni ɓɛ̀kpàn, ɓɛ ɗiɗì mìni, ɓɛ puùpùmzì mìni, ɓɛ nyuùnyùŋzàg mìni, ɓɛ ki ŋɔ̀ɔŋɔgtàg mìni ɓi-su.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

1 PYƐƐRI 5:3

Kɛ̀ ɓi tuturi ɓumɓɛ ɓɛ faghà mìni lɛ ɓi ɓeŋ̀, kìɓan kifog ɓaana kìfèèghrɛnà ki jɔ̀ɔ̀ yi Bɛ̀ll yi ri lɛ yi nɔɔ̀tì;

ZYUUDƐ 1:12

Ɓumɓɛ̀n ɓɛɛ ti ɓɛ yulàg yì rì fìɓàg a ɓìɗilàg ɓin ɓi rigeni, jàŋ inɛ ɓɛ ti ɓɛ rokàg ɓi ɓìɗilàg kɛ̀ɛ̀ ǹtoòrìɗ ɓɛ fɔmfɔ̀m lɔŋ lɛ mùm maa mɔ rì mɔ. Ɓɛ ri yɛ̀ɛ ɓìkwìɗ ɓi bɛ̀ɓ yɛɛ̀ titìnì, ɓyɛ̀ kɛɛ̀ nɔsi bwey. Ɓɛ ri tì yɛ̀ɛ ɓìte ɓi ɓi ri kɛ̀ɛ ɓìɗùn nsoò ɓi cààmɛ̀n ki ɓyaa ghɛ̀ɛ̀sɛɛ kì wumì; ɓìte ɓi ɓi ri ɓì wuyɛn lɛ kɔɔ̀kɔɔ̀ ɓi ki ɓa ɓi mùsakɛn.

ÀPÒKÀLIƁSƐ̀ 13:7

Ɓɛ ki fa nyàm ìnɛn ìtèɗ wulɛ yɛ̀ɛ ɗuùzi ɓɔ wɛ̀y, ì yag ɓɔ. Ɓɛ fa yɔ̀ ìtèɗ wu yɛ̀ɛ lami ɓumɓɛ ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm rì ɓìlɔ̀ŋ ɓìcèm.

ÀPÒKÀLIƁSƐ̀ 16:6

Ɓisuulɛ ɓɛ yogsìghà bwaɓ yi ɓɛgherɛ̀n rì yi ɓɛkpaŋzì-ɓìɓan, nni wɔ̀ɔ nfaa ɓɔ bwaɓ lɛ ɓɛɛ nɔ, ki ghɛɛ̀sɛɛ lɛ ɓɛɛ ki ɓɔ fɔlɔɔ.

ÀPÒKÀLIƁSƐ̀ 17:6

Fɔɔnnɛ ǹghɛngà giɓ anɛ̀n ǹŋwaŋɛn lɛ rì bwaɓ yi ɓɛgherɛ̀n, rì yi ɓɛwusìnɛ̀ɗ ɓɛ Yeesus. Yɛ̀ɛ ǹghɛngà nyi, ǹkuuràg lɛɛ̀gwey.