MATYOO 22:11 - Bafia Nouveau Testament

¹¹ Yɛ̀ɛ rìfòm ɗi ɗiŋìghày ɓi naa lɛ ɗyɛɛ ghɛǹ ɓɛ̀kèn, nni ɗi ghɛngà ŋwaàdɛŋ wɔɔ, kɛ̀ɛ̀ kìlàà ki riwɛy.

MATYOO 22:11 ပူးပေါင်းရင်းမြစ်များ

MATYOO 13:30

Càrina lɛ rì gèŋ rì caaɓi kiǹ ɓyɛɛ tɔɔ̀ nɗaŋ, ɓi cààmɛ̀n à mɛ̀saŋ nnɛ ǹɗì ɓiì kalii ɓɛ̀kìì-ɓìsay lɛ, ɓɛɛ ka rùɓi kiɓeɓtàg ki caaɓi kiǹ, ɓɛ kagi kɔ ɓi ɓìɓiŋ lɛ ɓɛɛ tɔn, fɔɔnnɛ ɓɛ taŋzɛ̀n min gèŋ ɓi zarò yɛ̀m.

MATYOO 22:10

Fɔɔnnɛ ɓɛ̀kìì-ɓìsay ɓii ɓɛǹ, ɓɛ saàtɛ̀ngà ɓi ɓìɓàà, ɓɛ taŋzɛ̀n ɓum ɓɛ̀cèm ɓɛ ɓɛ ghɛngày, lɛ rì ɓìɓeɓtàg ɓi ɓum, rì ɓum ɓɛ syeesyee; fɔlɔɔ nnɛ ɓɛ̀kèn ɓɛ rongà ɓi naa ì kìsɛ̀nɛ̀ lɛ pisa.

MATYOO 3:12

À rìì rì mɛ̀tɛŋkɛlɛ mii ɓi càg, fɔɔnnɛ à ɓiì fyɔnì kìbog kii à foŋ gèŋ i cag-cag ɓi ɓìkàɗ; wɔ̀lɛ à tɔ̀n ɓìkoroɗ ɓi ɗuu ɗi ɗyɛ̀ kɛɛ̀ ɗimi.

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

2 KƆ̀RƐ̀ŊTYƐŊ 5:3

di ki ki ɓaa lɛ, ɓɛ ghɛɛ lɛ, tì rì ɓɛ̀waatɛn ɓilàà, tì yin nyoo zɛy.

GÀLAT 3:27

Mìniìcèm ɓɛ ɓɛ ɓaɓtìghà ɓi Kiris, ɓì waatɛ̀ngà Kiris.

EFÈZYƐŊ 4:24

Ɓì waatɛ̀n nyɔɔnyɔn à rìɓa ànɛ à rì ǹkìyɛn ɓi kìpisɛn ki Bɛ̀ll, rìɓa ɗìn ɗi resɛ̀n ɓi cɛɓ ki nkpaà rì ki tɛnɛn, ki ki fuu yì ɓi saaɗ.

ÀPÒKÀLIƁSƐ̀ 16:15

Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.

ÀPÒKÀLIƁSƐ̀ 19:8

Ɓɛ nfaa nyi ìtèɗ wulɛ a waàtɛn syeesyee à kìrimitì ànɛ a lònlòm, à ki ɓa ntɛnɛn. Syeesyee à kìrimitì ànɛn yɛɛ ri ɓìsyeesyee ɓi ɓiɓan ɓi ɓɛ̀gherɛ̀n ɓɛ ti ɓɛ kilàg.

ÀPÒKÀLIƁSƐ̀ 2:23

Ǹɗì ɓiì cuusii ɓɔn ɓii, fɔlɔɔ nnɛ ɓìseŋi ɓìcèm ɓi ri ɓiì yiì lɛ mɛ̀ yɛɛ ri roànɛ à ti à sɔ̀gì mɛ̀yitì rì ɓìɓan ɓi ɓi ri ɓum ɓi mɛ̀rem ɓiɗùm, fɔɔnnɛ ǹɗì ɓiì lèɓi mum bimiɗ lɔŋ yɛ̀ɛ mɛ̀kìkìì mii mɛ ri.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.