MATYOO 20:7 - Bafia Nouveau Testament

⁷ Ɓɛ̀roɓɛ̀n ɓɛ pɛɛ̀zì nyi lɛ: Mum àa reŋii ɓi ɓisi lɛ ti ki nyi kìsay. Fɔɔnnɛ à kpaaghà ɓɔ lɛ: Kɛ̀ɛna girig kìsalì ɓi dɛm yɛm̀.

MATYOO 20:7 ပူးပေါင်းရင်းမြစ်များ

MATYOO 20:1

Kìlɔ̀ŋ ki aɗyòò ki pisɛɛ rì ŋwaàdɛm adɛŋ, ànɛ à pongà kì kaà ɓumɓɛ ɓɛɛ kɛǹ kìsay ɓi dɛm yiì.

MATYOO 20:6

Di mɛ̀kɛ̀ɛ̀ mɛtaǹ à cɛŋkò à ti jàŋbog nni à kɛ̀ɛ̀dìtìghà kì kaà ɓɛ̀kìì-ɓìsay ɓɛdɛŋ, à tanɛ̀n ɓum ɓɛdɛŋ di ɓɛ rɛrɛrii girig ɓi kìɓàà, à tɔg ɓɔ lɛ: Ɓisuucɛ nnɛ ɓì ghagsii bimiɗ à ŋwos fɛ, kɛ̀ ɓi say?

MATYOO 20:8

Yɛ̀ɛ cɛŋkò ki kpagà, ŋwaàdɛm a kpaa ŋwaànɛ àa m̀ɓègì ìkum wii lɛ: Regi ɓɛ̀kìì-ɓìsay ɓɛ̀cèm, u fa ɓɔ mɛ̀lèɓ maa, ù tumɛ̀n ɓi ɓɛ̀roɓɛ siitòn, ù siitɛ̀n ɓi ɓɛ̀roɓɛ ǹtonto.

ZYAŊ 9:4

Ki ghɛɛ̀sɛɛ lɛ ti ki ɓìsay ɓi roànɛ à romgày mɛ̀, di ŋwos a kaka, lɛ ìru wɛɛ̀ yùyuiy, wɛɛ̀wu mum àa ɓa ti ɓi ri bee inɛ à kì kìsay miì.

MƐ̀KÌKÌÌ MƐ ƁƐKƐ̀NÌ-FÌTOM 4:16

Ɓɛ tɔɔ̀tɔ̀ɔ̀ghrɛ̀ngà lɛ: Ti ki la ri ɓumɓɛ? Lɛ, ɓum ɓɛ̀cèm ɓɛ a Yorisalɛm ɓɛ mɛ yi lɛ tɛntɛ̀ɛ̀n lɛ, ɓɔ yɛɛ nkìi dàm ì kìɓan ìnɛ, wɔ̀lɛ ɓìsii ki yin lɛ tì teɗ nyoey lɛ ɓɔ yɛɛ nkìi kìɓan kiǹ.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

EFÈZYƐŊ 6:8

Ɓì yi lɛ, nsoò ǹkpàn, nsoò ŋwaànɛ à yin ǹkpàn, mum ǹcèm à rì ɓiì terì mɛ̀lèɓ yɛ̀ɛ Kan ɓi syeesyee wìì a rìkì.

KÒLÒSYƐŊ 1:26

yɛ̀ɛ ri kìɓan ki Bɛ̀ll à ɓègà a rìnyam fìɗyàɓ fikɔ̀ɔ̀, lɛ gbàà yi ɓum yìcèm yɛ̀ kɛɛ̀ yi, wɔ̀lɛ kɛɛ̀ki à mɛ rèsi ɓum ɓii ɓi cààmɛ̀n ki,

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.