MATYOO 20:2 - Bafia Nouveau Testament

² Nni à wooghrɛ̀ngà jɛ̀ɛ̀ rì ɓumɓɛ à tekà ɓi kìsay lɛ, à rì ɓɔ ɓiì peeghii dolà bog ɓi bimiɗ à ŋwos. Fɔɔnnɛ à romgà min ɓɔ a dɛm yiì.

MATYOO 20:2 ပူးပေါင်းရင်းမြစ်များ

MATYOO 18:28

Nni yɛ̀ɛ ǹkìì-kìsay anɛ̀n à kpagà, à tuusɛ̀n ɗì reŋkàŋ wìì adɛŋ ànɛ à ɓaghà nyi rì pon a hɔnɗɛ̀ɗ. Nni à sɛngà ɓi roànɛ̀n, à ɓan nyi a ɓɛ̀ɓoŋ di a kakali lɛ: Lèɓa mɛ̀ mɔ̀ɔ̀ni mɛ̀m.

MATYOO 20:1

Kìlɔ̀ŋ ki aɗyòò ki pisɛɛ rì ŋwaàdɛm adɛŋ, ànɛ à pongà kì kaà ɓumɓɛ ɓɛɛ kɛǹ kìsay ɓi dɛm yiì.

MATYOO 20:13

Nni ŋwaànɛ̀n à ɓàkà kìbog ki ɓi ɓɛ̀kìì-ɓìsay ɓɛǹ lɛ: Reŋkàŋ! Ǹkìi ɓì wɔ kìɓeɓtàg ki ǹɗèm. Mɛ̀ɛ ǹti, tyàa wooghrɛɛ jɛ̀ɛ̀ lɛ ǹɗì wɔ̀ ɓiì peè dolà?

MATYOO 20:3

Yɛ̀ɛ mɛ̀kɛ̀ɛ̀ taànìn à kpagà, nni à kɛ̀ɛ̀dìghà kì kaatii ɓɛ̀kìì-ɓìsay, à ghɛn ɓum ɓɛdɛŋ di ɓɛ rɛrɛrii ɓi kìɓàà, kɛ̀ɛ̀ com ki ɓɛɛ̀ kìkì.

MATYOO 20:9

Fɔɔnnɛ ɓumɓɛ ɓɛ tumɛ̀ngà kìsay mɛkɛ̀ɛ̀ mɛtaǹ à cɛŋkò ɓɛ yughà, ɓɛ peeghi ɓɔ dolà, dolà.

MATYOO 22:19

Rèsiina mɛ̀ mɔ̀ɔ̀ni mɛ ɓɛ ti ɓɛ peeghì làmpoŋ̀ miì; fɔɔnnɛ ɓɛ ceesìghà nyi mɔ̀ɔ̀ni mɛ firaŋ̀.

MATYOO 9:37

Fɔɔnnɛ à kalìghà ɓɛ̀yilàg ɓii lɛ: Mɛ̀saŋ mɛ ri mɛ̀ tèghɛn, kìɓan kifog ɓɛ̀kìì-ɓìsay lɛsàg.

MARIKUS 12:15

Yeesus à yighà lɛ ɓɛ purii nyi càg ɓi ɗùm yɛɛ ri, fɔɔnnɛ à tɔkà ɓɔ lɛ: Ɓisuucɛ nnɛ ɓi fèeghfeèghrɛ̀n mɛ̀? Yùunay mɛ̀ fɛ rì fìraŋ̀ nghɛǹ.

LUKAS 1:15

Ɓisuulɛ à ɓiì ɓaà coo mum ɓi mis mɛ Kan, àa nɔ ɓi mɛrɔ̀g, kɛ̀ɛ̀ kì nɔ nsoò com kidɛŋ ki ki ri lɛ ki ŋwaŋzì mum. À ɓiì ɓaà ǹɗonɛn ri Kìtɛntɛ̀ɛ̀n ki Nghay, à tumɛ̀n ɓi ɗùm ɗi jɛɛ.

LUKAS 10:35

Ɓi duri tana nni muu Samari ànɛ̀n à sɔ̀ŋìghà tìraŋ̀ ti mɔ̀ɔ̀ni ɓɛ̀hɔnɗɛ̀ɗ ɓɛɓɛɛ̀, à fa mɔ rì ŋwaànɛ à kɔ̀mɛ̀ngà naa ì ɓɛ̀kèn inɛ̀n, à kpaa nyi lɛ: Rɔ̀ɓa mɛ̀ kì ɓèŋɓeŋi ŋwaànɛ, i ki kpaŋi lɛ ù sagtɛɛ tì mɔ̀ɔ̀ni mɛdɛŋ aɗyòò ɓi mɛ ǹcàri mɛ ɓi rìɓèŋ ɗi ù rì nyi ɓiì ɓèŋɓeŋi, ǹlèɓ wɔ̀ mɔ di ǹti ɓiì suùgh.

LUKAS 20:24

Rèsiina mɛ̀ fìraŋ̀; kìfèèghrɛnà ki ghɛn, rì ɗii ɗi ghɛn, ɓyɛɛ ri lɛ miì? Ɓumɓɛ̀n ɓɛ ɓaàg nyi lɛ: Ɓi ri yɛɛ lɔɔ lɛ, rì kìfèèghrɛnà ki Kaaza, rì ɗii ɗiì.

2 TIMOTE 3:15

À tumɛ̀n ɓi rìŋwɔɓti ɗyɔɔ, ù yii ɓìɓan ɓi ɓi kaàtà à Bɛ̀ll, ɓi ri lɛ ɓi fa wɔ̀ ɗyomzɛ̀n ɗi u ɓa rì cɛɓ, lɛ rìgherɛ̀n ɗi ù gherɛɛ Yeesus Kiris.

ÀPÒKÀLIƁSƐ̀ 6:6

Ǹwokà gom ìdɛŋ yɛ̀ɛ ɓɛɛ̀ kali lɛ jɛ̀ɛ̀ yɛ̀ɛ tòtog ɓi nyìinyìm à nyàm yi kinìn di yɛɛ̀ kpaakpaa lɛ: Mità à gèŋ bog, ɓi mɛ̀lèɓ mɛ mɛ ghɛɛ̀sɛɛ rì kìsay ki ɓi bimiɗ à ŋwos, ɓɛ̀mità ɓɛ rikuu ɗi gèŋ ɗidɛŋ ɓɛraa ɓisuu mɛlèɓ mɛ kisay ki bimiɗ à ŋwos; ɓi ɓɛg ànɛ a mɔ̀ɔ rì mɛ̀rɔ̀g kɔ̀ɔ kòm ɓyɔ.