MATYOO 2:12 - Bafia Nouveau Testament

¹² Ajɛ̀m ìnɛn Bɛ̀ll à kalìghà ɓɔ a ɓìdɛ̀ndɛm̀ lɛ, ɓɛ̀ kɛɛ̀ sugti yɛ̀ɛ Eroodɛ. Fɔɔnnɛ ɓɛ sukà ɓi kìlɔ̀ŋ kaa ɓi bee ìdɛŋ.

MATYOO 2:12 ပူးပေါင်းရင်းမြစ်များ

MATYOO 1:20

Yɛ̀ɛ à ɓaghà di à ti rì fèg ànɛn, innɛ Ŋwaàfìtom a Kan à rèsɛ̀ngà nyi a ɓìdɛ̀ndɛm̀, à kpaa nyi lɛ: Yoosɛɓ, man à Davit, kɔ̀ɔ risi riteɗ ɗi Marii à giɓ wɔɔ̀, ɓisuulɛ ìtèɗ wu Kitɛntɛ̀ɛ̀n Ki Nghay wɛɛ nkìi lɛ a teɗ ɗyem ɗi àrì rì ɗyɔ.

MATYOO 2:13

Yɛ̀ɛ ɓɛ̀yiì-ɓìɓan ɓɛ ɓaghà di ɓɛ mɛ sug, nni ŋwaà-fìtom a Kan à rèsɛ̀ngà Yoosɛɓ a ɓìdɛ̀ndɛm̀, à kpaa nyi lɛ: Pɛ̀sɛn aɗyoo, ù teɗ lɛ rì maa man ànɛ, rì jɛɛ, ù ghɛŋi rì ɓɔ a Egiɓtɛn, u ki kɔ̀ri wɔɔ, à kpaŋ yɛ̀ɛ ǹɗì wɔ̀ ɓiì kalii lɛ, u sugtiì, ɓisuulɛ Eroodɛ à ɓiì kaakaa man ànɛ, lɛ a wey.

MATYOO 2:19

Yɛ̀ɛ Eroodɛ à wughà, nni ŋwaà-fìtom a Kan à rèsɛ̀ngà Yoosɛɓ a ɓìdɛ̀ndɛm̀ a Egiɓtɛn;

MATYOO 2:22

Kìɓan kifog, yɛ̀ɛ Yoosɛɓ à wokà lɛ, Arikelawus yɛɛ ǹteri ìkɔ̀ɔ̀ wu rilàmì wu seŋi ànɛ lɛ Eroodɛ ɓi ziì Zyude, nni à risìghà lɛ a kɛǹ kì kɔ̀rii wɔɔ. Bɛ̀ll à reɓ nyi a ɓìdɛ̀ndɛm̀ lɛ a kɛǹ kì kɔ̀rii a Galile.

MATYOO 27:19

Yɛ̀ɛ Pilat à ɓaghà di à kaka ɓi naà-ɓɛ̀yɔ̀m, nni gil a romgày mum lɛ a kpaa nyi lɛ: Kɔ̀ɔ ghàɓ gaa ìnɛ ɓi saaɗ à mum ànɛ̀n, lɛ ɓi-ru wu gɛɛ̀nɛ, ɓìdɛ̀ndɛm ɓyaa yeesii mɛ̀ lɛɛ̀gwey ɓisu wìì.

LUKAS 2:26

Nni Kìtɛntɛ̀ɛ̀n ki Nghay ki rèsìghà nyi lɛ, àa wu ɓi di à ka ghɛn ɓi Kiris ànɛ Kan à ɓiì romìì.

MƐ̀KÌKÌÌ MƐ ƁƐKƐ̀NÌ-FÌTOM 10:22

Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 4:19

Ɓɛ̀-Pyɛɛri ɓɛɛ̀ Zyaŋ ɓɛ ɓaàg ɓɔ lɛ: Ghɛɛna mìniìɓɔmiɗ, ǹkòo ki ri lɛ saaɗ ɓi mis mɛ Bɛ̀ll lɛ, ti ki mìni mɛ̀wog à cee Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 5:29

Nni Pyɛɛri rì ɓɛ̀kɛ̀nì-fìtom ɓɛ ɓakà lɛ: Bɛ̀ll nnɛ mum à ghɛ̀ɛ̀sɛɛ kì kìi mɛwog, à cee ɓum.

1 KƆ̀RƐ̀ŊTYƐŊ 3:19

Ɓisuulɛ ɗyomzɛ̀n ɗi ɓi ziinɛ ɗi ri kìyèg ɓi mis mɛ Bɛ̀ll, fɔɔnnɛ ki ri kìkànɛn lɛ: Bɛ̀ll à ti à wɔɔsàg ɓum ɓɛ ɗyomzɛ̀n ɓi mɛ̀ghèy maa mɛ ɓɔmiɗ ɓɔ yɛɛ kpaŋiì rì mɔ.

EBIREEGH 11:7

Lɛ rìgherɛ̀n nnɛ Nowe à kìghà lɛ, yɛ̀ɛ Bɛ̀ll à lokà nyi kì kpaa kìɓan ki ɓɛ ɓaghà di ɓɛ ka ghɛn ɓi, nni à risìghà, à wog rìkpaa ɗi Bɛ̀ll, à toŋ kìkɔm lɛ a ghɛɓsi naa yìì i ɓum; fɔlɔɔ nnɛ rìgherɛ̀n ɗi kighà Nowe lɛ a fa ziinɛ bɛ̀lɛn, à fɔ̀n rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll, lɛ rìgherɛ̀n.

EBIREEGH 8:5

Kìsay ki ɓɛ̀pìrɛɛtìrɛ̀ ɓɛǹ ɓɛɛ̀ kìkì, ki ri kìfèèghrɛnà, rì cììziŋ ki ɓi ɓìɓan ɓi ɓi ri ɓi ɗyoo ɓi ɗùm, fɛlɛ yɛ̀ɛ Bɛ̀ll à kalìghà Moyis di à ti lɛ a toŋ kìlaa lɛ: Ù ghɛ̀ɛ̀sɛɛ kɔ kì toŋì ɓi kìfèèghrɛnà ki kilaa ki ǹɗèsìghà wɔ̀ ɓi dòn.