MATYOO 18:17 - Bafia Nouveau Testament

¹⁷ I à ɓèèdii tì ɓɔ kì woògh, ù kalì kìɓan kiǹ ɓi nyìinyìm à kìseŋi. I à rɔ̀ɓtii kɛ̀ɛ wog rikpaa ɗi kiseŋi, tera nyi fɛlɛ yɛ̀ɛ ŋwaànɛ à yin ǹgherɛ̀n nsoò lɛ yɛ̀ɛ ǹterì-làmpoŋ̀.

MATYOO 18:17 ပူးပေါင်းရင်းမြစ်များ

MATYOO 10:3

Filiɓ rì Batelemi, Tomas, rì Matyoo à ǹterì làmpoŋ̀. Zyag à man à Alfe rì Tadee

MATYOO 11:19

Man à Mum à yù, à kìkì lɛ, à ɗiɗì ɓìɗilàg, à ki nɔnɔ mɛrɔ̀g, nnyaa ànɛn à rì lɛ, ànɛ̀n ǹɗiì-com, ànɛn ǹnɔɔ̀-mɛ̀rɔ̀g, à ki ɓa ti righan ɗi ɓɛ̀terì-làmpoŋ̀, rì ɓɛ̀kìì-kìɓe. Kìɓan kifog ɗyomzɛ̀n ɗi Bɛ̀ll ɗi ti ɗi ghɛnàg lɛ ɗi ri lɛ saaɗ ɓi ɓìɓan ɓi ɗi kiì.

MATYOO 5:46

I ɓumɓɛ ɓɛɛ̀ keesag mini ɓɛɛ̀ɓɛ ɓì keesii ɓɔrìɓɔ, mɛ̀lèɓ aɗi mɛɛ̀mɛ ɓì rì lɛ ɓì ɓoŋɓòŋ yɛ̀ɛ Bɛ̀ll? Nsoò ɓɛ̀terì-làmpoŋ̀ ɓɛ ti ɓɛ kilàg girig fɔlɔɔ.

MATYOO 6:7

I ɓi ɓɔ̀ɔɓɔŋzàg Bɛ̀ll, kɛ̀ ɓi ràŋzi ki kpaakpàà jɛ̀ɛ̀ yi kɛ̀ɛ̀ ìsu yɛ̀ɛ ɓumɓɛ ɓɛ yii ɓi Bɛ̀ll ɓɛ ti ɓɛ kilàg. Lɛ ɓɔɔ̀ fèki lɛ, i ɓɛ ciɓtaagh rìkpaakpàà, fɔlɔɔ nnɛ Bɛ̀ll à ɓàg bɔ̀ŋzɛ̀n yàà.

LUKAS 15:1

Ɓɛ̀terì-làmpoŋ̀ rì ɓɛ̀kìì-kìɓe ɓɛm̀bog ɓɛ ǹ-yùlàg ɓɛ̀sɛ̀ɛ̀ ɓɛ̀cèm yɛ̀ɛ Yeesus, lɛ ɓɛɛ wowog ɓìtòkì ɓii.

LUKAS 18:11

Nni Fàrìzyɛŋ à rɛlìghà mɛ̀rey, à ɓɔ̀ɔ̀ɓɔ̀ŋzàg Bɛ̀ll rì ǹɗem, à kakàlì lɛ: Tààta Bɛ̀ll, ǹtògsaagh wɔ̀, ɓisuulɛ, ǹ-yin yɛ̀ɛ ɓum ɓɛm̀bog ɓɛ ɓɛ ri ɓɛ̀wiiwìì, rì ɓɛ̀kìì-kìɓe, rì ɓɛ̀kìì-tìsɔ̀mɔ̀g; nsoò yɛ̀ɛ ǹterì-làmpoŋ̀ ànɛnii.

1 KƆ̀RƐ̀ŊTYƐŊ 5:9

Mɛ̀ɛ ǹkàniì mìni ɓi kaàtà wɛ̀m lɛ, kɛ̀ ɓi ràrɛn ri ɓɛ̀kìì-tìsɔ̀mɔ̀g,

1 KƆ̀RƐ̀ŊTYƐŊ 6:1

Ɓi cɛ nnɛ ɓì ti ɓì kìlàg lɛ, i wààdɛŋ ù paàzii rì gòni, ù kɛ̀n ɗì kìɓan kiǹ a ɓumɓɛ zɛy lɛ ɓɔ yɛɛ yɔm̀ mìni kɔ, kɛ̀ ɓi reŋi ɓɛgherɛ̀n lɛ ɓɔ yɛɛ yɔm̀?

2 TÈSÀLÒNÌSYƐŊ 3:6

Ɓɔɔsoŋ̀! tì tɔɔgh mìni ɓi ɗii ɗi Kan wìs Yeesus Kiris lɛ: Kɛ̀ ɓi wuɓsɛn ɓɛgeni ɓin ɓɛ ɓɛ ri ɓɛ̀ɓɔɓwɛɗ, ɓɛ ɓɛ ɓeni kì nɔ̀ɔ̀tii ɓiɓan ɓi tì rèsìghà mìni.

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.