MATYOO 18:10 - Bafia Nouveau Testament

¹⁰ Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MATYOO 18:10 ပူးပေါင်းရင်းမြစ်များ

MATYOO 1:20

Yɛ̀ɛ à ɓaghà di à ti rì fèg ànɛn, innɛ Ŋwaàfìtom a Kan à rèsɛ̀ngà nyi a ɓìdɛ̀ndɛm̀, à kpaa nyi lɛ: Yoosɛɓ, man à Davit, kɔ̀ɔ risi riteɗ ɗi Marii à giɓ wɔɔ̀, ɓisuulɛ ìtèɗ wu Kitɛntɛ̀ɛ̀n Ki Nghay wɛɛ nkìi lɛ a teɗ ɗyem ɗi àrì rì ɗyɔ.

MATYOO 12:20

Àa ɓun ɓi kisyòŋ ki ki ti kì tuŋiyɛn, kɛ̀ɛ ki ɗimzi filàà fi fyɛɛ̀ ka syoosyòò, à kpaŋ yɛ̀ɛ à rì ɓiì lègsii ki kìi lɛ, saaɗ a yagsag.

MATYOO 18:14

Fɔlɔɔ nnɛ Seŋi wìn ànɛ à rì aɗyoo, à kɔ̀ni ɓi lɛ kìbog ki ɓi ɓɔɓti ɓɛ kɛɛ taŋ̀.

MATYOO 18:6

Kìɓan kifog, ì ŋwaà kɛ̀ɓtii kìbog ki ɓi ɓɔɔ ɓɔɓti ɓɛ ɓɛ gherɛɛ mɛ̀ ɓɛ fìɓàg, ki ɓa tì kìrɔɔ ɓisu wii lɛ, ɓɛɛ kaŋ̀ nyi coo gɔ̀g ì kìpɛn ɓi kìmììgh, ɓɛɛ ɓimzi nyi ɓi rìɓày.

MATYOO 2:13

Yɛ̀ɛ ɓɛ̀yiì-ɓìɓan ɓɛ ɓaghà di ɓɛ mɛ sug, nni ŋwaà-fìtom a Kan à rèsɛ̀ngà Yoosɛɓ a ɓìdɛ̀ndɛm̀, à kpaa nyi lɛ: Pɛ̀sɛn aɗyoo, ù teɗ lɛ rì maa man ànɛ, rì jɛɛ, ù ghɛŋi rì ɓɔ a Egiɓtɛn, u ki kɔ̀ri wɔɔ, à kpaŋ yɛ̀ɛ ǹɗì wɔ̀ ɓiì kalii lɛ, u sugtiì, ɓisuulɛ Eroodɛ à ɓiì kaakaa man ànɛ, lɛ a wey.

MATYOO 2:19

Yɛ̀ɛ Eroodɛ à wughà, nni ŋwaà-fìtom a Kan à rèsɛ̀ngà Yoosɛɓ a ɓìdɛ̀ndɛm̀ a Egiɓtɛn;

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

LUKAS 1:19

Nni ŋwaà-fìtom a ɓakà nyi lɛ: Mɛ̀ yɛ̀ɛ ri Gabiriyɛl, ǹti ndɛlàg Bɛ̀ll asu; fɔɔnnɛ àa romiì mɛ̀ lɛ, ǹtoòghrɛn ɓɛɛ wɔ̀, ǹki kpaa wɔ syeesyee à ɓɔlɛ ànɛ.

LUKAS 10:16

I mum à woogh mìni, di mɛ̀ nnɛ à woogh; ŋwaànɛ à ɓeni mìni di à ɓèni mɛ̀; wɔ̀lɛ i mum à ɓèni mɛ̀ di, à ɓèni girig roànɛ à romgày mɛ̀.

LUKAS 16:22

Nni maa nyìighnyìg à mum ànɛ̀n à wughà, ɓum ɓɛ titom ɓɛ teɗ nyi, ɓɛ kɛǹ nyi kì kɔ̀ɔ̀sii jàŋbog rì Abiraham. Yɛ̀ɛ guŋgum anɛ̀n à wughà girig, ɓɛ ɓom̀ nyi.

MƐ̀KÌKÌÌ MƐ ƁƐKƐ̀NÌ-FÌTOM 10:3

Ŋwos adɛŋ, di mɛ̀kɛ̀ɛ̀ mɛraa à ŋwos ǹkɛ̀nɛn à tiì, Kɔrinɛy à ghɛngà lɔŋ yɛ̀ɛ ɓìdɛ̀ndɛm di ŋwaà-fìtom a Bɛ̀ll à ɗiŋii yì a lɔ̀ŋkii, à kpaa nyi lɛ: Kɔrinɛy wɔ̀!

MƐ̀KÌKÌÌ MƐ ƁƐKƐ̀NÌ-FÌTOM 12:15

Ɓɛ̀roɓɛ̀n ɓɛ kpaa nyi lɛ: Ù rì ǹduŋɛn? Wɔ̀lɛ nyii siìrɛ̀n lɔŋ lɛ, kìɓan ki nyaa kpaa ki ri saaɗ.

MƐ̀KÌKÌÌ MƐ ƁƐKƐ̀NÌ-FÌTOM 12:23

Lɔŋ wɔɔ foo, ŋwaà-fìtom a Kan à ɓog nyi ɓisuulɛ à gherɛ̀ngà lɛ ɓum ɓɛɛ fa nyi rìkem ɗi ɗi ghɛɛ̀sɛ̀ngà lɛ ɓɛɛ fa Bɛ̀ll. Fɔɔnnɛ ɓɛgɛn ɓɛ tumɛ̀ngà nyi rìɗiɗì ɓi ɗùm, à wu.

MƐ̀KÌKÌÌ MƐ ƁƐKƐ̀NÌ-FÌTOM 27:23

Ɓi-ru wu gɛɛ̀nɛ, ŋwaà-fìtom a Bɛ̀ll ànɛ à làmii mɛ̀, Bɛ̀ll ànɛ nki ɓɔɔɓɔgsì, àa yùu mɛ̀ jaŋ̀bog,

MƐ̀KÌKÌÌ MƐ ƁƐKƐ̀NÌ-FÌTOM 5:19

Nni ŋwaà-fìtom à Kan à yùghà rì ìru, à nɛmgì mɛ̀suunaa mɛ naà-zày, à kpaŋzì ɓɛ̀kɛ̀nì-fìtom, à ki kali ɓɔ lɛ:

RÒMƐŊ 14:10

Nni wɔ̀ɔ yɔmgi goni ɓisuucɛ? Nsoò lɛ wɔ̀ɔ sɛɛtag goni lɛ la? Ɓìsi ɓɛ̀sɛ̀ɛ̀ ɓɛ̀cèm tì rì ɓiì rɛlii ɓɛyɔ̀m ɓi kìkpana ki ɓɛyɔ̀m ki Bɛ̀ll.

RÒMƐŊ 14:21

Kìɓan ki ki ri syeesyee à kìɓan ki ri lɛ, kɔ̀ɔ ɗi ɓyɛn, kɔ̀ɔ nɔ mɛrɔ̀g, ù lɛg com ki ki ri lɛ ki kɛɓtì goni fìɓàg.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

1 KƆ̀RƐ̀ŊTYƐŊ 11:22

Ɓì yin gi ri mɛɛ mɛ ɓì rì lɛ ɓì kì lɛ, ɓì ɗi, ɓì nɔ wɔɔ? Gìn kìseŋi ki Bɛ̀ll kɛɛ̀ki ɓi sɛɛsɛɛ̀tì, ɓì ki kɔ̀nkɔn lɛ ɓi woòwògsì ɓumɓɛ ɓɛ ri kɛ̀ɛ̀ com ǹtoòrìɗ? Nni cɛ kɛɛ̀ki nkpaa min mini! Ǹghɛ̀ɛ̀sɛɛ nya lɛ nsɛg mìni? Àg! Mɛ̀ ǹ-yin lɛ ǹsɛg mìni ɓi kìɓan kiǹ.

1 KƆ̀RƐ̀ŊTYƐŊ 16:11

Mum kɛ̀ɛ sɛɛti nyi, ghɛɓsiina nyi lɛ a sugtiì lɛ fyòoog a lɔ̀ŋkɛm̀, ɓisuulɛ mɓoŋɓoŋ nyi rì ɓɔɔseŋi ɓis.

1 KƆ̀RƐ̀ŊTYƐŊ 9:22

Mɛ̀ kɔ̀kɔg ɓi nyìinyìm à ɓumɓɛ ɓɛ ri kɛ̀ɛ̀ ìtèɗ lɛ di nsyoŋ ɓɔ, fɔɔnnɛ ǹghaasìghà mɛ̀ɛmiɗ rikuu ɗi com ɗìcèm ɓi ɓɛg ànɛ a ɓum ɓɛ̀cèm, lɛ nsoò kaa ɓaa la, nsyoŋ gàɓ ìdɛŋ ìnɛ ɓi ɓɔ.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 10:10

Ɓisuulɛ ɓɛ ti ɓɛ kpaaghì lɛ: Ɓɛ̀kaàtà ɓɛ Pol ɓɛ kiì lɛ ɓɛ nyɛn ɓɛ ki tèèsɛn, kìɓan kifog, cààmɛ̀n ki nyimiɗ yɛɛ rɛrɛlii, à ɓa kɛ̀ɛ̀ ìtèɗ, ɓìtòkì ɓii ɓi ki ɓa ɓitòkì ɓi ɓum ɓɛ ri lɛ ɓɛ sɛɛtì.

GÀLAT 6:1

Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

EBIREEGH 1:14

Ɓum ɓɛ titom ɓɛ̀cèm ɓɛ yin nya mɛ̀ghay mɛ mɛɛ̀ kìki Bɛ̀ll kìsay? Mɛ ki ɓa lɛ, nyi yɛɛ romi mɔ lɛ mɛɛ kɛǹ kì ghɛɓsii ɓum ɓɛ̀cèm ɓɛ ɓɛ ghɛɛ̀sɛɛ kì terì gàɓ ɓi gòri ì Bɛ̀ll?

EBIREEGH 9:24

Ɓisuulɛ Kiris à ɗiŋìghà ɓi ɓi naà-Bɛ̀ll ìnɛ ɓum ɓɛɛ toŋi, ìnɛ ì rì lɛ ì ɓa kìfèèghrɛnà ki naà-Bɛ̀ll ì kɔɔ̀kɔɔ̀, à ɗiŋìghà lɔŋ ɓi ɗyoo ɗyɔmiɗ lɛ di a rɛli ɓi cààmɛ̀n ki, ɓi mis mɛ Bɛ̀ll ɓisu wis.

ÀPÒKÀLIƁSƐ̀ 8:2

Nni ǹghɛngà ɓum ɓɛ titom ɓɛ ɓɛ rɛrɛ̀lìghà ɓi mis mɛ Bɛ̀ll ɓɛ̀sɛ̀ɛ̀ taàɓɛ̀ɛ̀, fɔɔnnɛ ɓɛ faghà ɓɔ mam taàɓɛ̀ɛ̀.