MATYOO 16:21 - Bafia Nouveau Testament

²¹ Ɓi cààmɛ̀n kiǹ innɛ Yeesus à tumɛ̀ngà rìkakàlì ɗi ɓɛyilàg ɓii lɛ: Ki ghɛɛ̀sɛɛ lɛ, a kɛǹ a Yorisalɛm, a ghɛǹ mɛ̀tɔɓ lɛɛ̀gwey, ɓi ɓyàg ɓi ɓɛsɛ̀ɛ̀mɛn ɓɛ kilɔ̀ŋ, rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna. Ɓɛ ri wey nyi, à ki ghèmɓɛn ɓi ŋwos a kìraa.

MATYOO 16:21 ပူးပေါင်းရင်းမြစ်များ

MATYOO 12:40

Ɓisuulɛ, lɔŋ yɛ̀ɛ Zyonas à lalà mɛ̀ru mɛ̀ra rì ɓɛ̀ŋwos ɓɛraa ɓi ɗùm ɗi coo kìzɛn, fɔɔnnɛ Man à mum à ɓiì ghagsii girig mɛ̀ru mɛraa rì ɓɛ̀ŋwos ɓɛraa ɓi zi ɓiɗùm.

MATYOO 16:22

Fɔɔnnɛ Pyɛɛri à tekà nyi a dwìɗ à tumɛ̀n nyi rìreɓ di a kpaakpaa lɛ: Kan, Bɛ̀ll àa gherɛn ɓi; com kidɛŋ yɛ̀ɛ kiǹ kaa kì ɓi wɔ.

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

MATYOO 17:12

Kìɓan kifog, ǹkalii mìni lɛ, Eli à yùghà wɔ̀lɛ ɓum ɓɛ yitìghà ɓì nyi, fɔɔnnɛ ɓɛ kighà rì nyi yɛ̀ɛ ki kɔngà ɓɔ.

MATYOO 17:9

Nni yɛ̀ɛ ɓɛ sɛnsɛ̀ngày dòn, Yeesus à rɔ̀gsɛ̀n ɓɔ lɛ: Kɛ ɓi fèg ki kpaa ŋwaàdɛŋ kìɓan ki ɓì ghɛɛ kìn à kpaŋ lɔŋ yɛ̀ɛ Man à mum à ri ghèmɓɛn yi a ɓìloŋ.

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 26:2

Ɓì yii lɛ, Paskà à rɔ̀ɓi mɛ̀ru mɛɓɛɛ̀, ɓɛ ɓiì ki kàɓi Man à mum lɛ ɓɛɛ kpan nyi ɓi kɔrɔs aɗyòò.

MATYOO 26:47

Yeesus à kaka à kpaakpàà fɔlɔɔ, nni Zyudas ànɛ à ɓaghà kìbog ki ɓi ɓɛ̀yilàg ɓii ǹtɛ̀ɗ rì ɓɛɓɛɛ̀, à ghàskà kì kpaŋì. A ɓaghày rì coo kituu ki ɓum ki ɓɛ̀pìrɛɛtìrɛ̀ ɓɛgwey rì ɓɛ̀sɛ̀ɛ̀mɛn ɓɛ romgày; ɓumɓɛ̀n ɓɛ yughày lɛ rì gàfàg, rì ɓìgeŋ.

MATYOO 27:12

Wɔ̀lɛ, à ɓàkà ɓi com cààmɛ̀n ki ɓɛ̀pìrɛɛtìrɛ ɓɛgwey rì ɓɛ̀sɛ̀ɛ̀mɛn ɓɛ kpaaghà ɓìɓan ɓɛ raràɗ rì nyi.

MATYOO 27:63

ɓɛ kpaa nyi lɛ: Gɔmìnà àgwey, tì yitii lɛ pwààpwaà à mum ànɛ̀n àa ǹkpaa di à kaka cem lɛ: Ajɛ̀m ì mɛ̀ru mɛraa, ǹɗì ɓiì ghèmɓɛɛ yi a ɓìloŋ.

MATYOO 28:6

À yiìdi fɛ, àa ghèmɓɛɛ lɔŋ yɛ̀ɛ à kpaaghà, yùunay, ɓi ghɛǹ jàŋ inɛ àa nɗì ǹnɔ̀nɔŋiyɛn.

MARIKUS 8:31

Nni à tumɛ̀ngà ɓɔ rìrèsì lɛ: Ki ghɛɛ̀sɛɛ lɛ, Man à mum a wog mɛ̀tɔɓ lɛɛ̀gwey, ɓɛ̀sɛ̀ɛ̀mɛn ɓɛ kilɔ̀ŋ rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna ɓɛɛ mag nyi, ɓɛ wey nyi, à ki ghèmɓɛn ajɛ̀m ì mɛ̀ru mɛraa.

MARIKUS 9:12

Yeesus à ɓàg ɓɔ lɛ: Eli à rì lɔŋ ɓiì loògh kì yùu lɛ a pegsag ɓìɓan ɓìcèm, nni lannɛ ki ri kì kànɛn lɛ Man à mum à ɓiì woògh mɛ̀tɔɓ lɛɛ̀gwey, ɓɛ ki sɛɛti nyi?

LUKAS 17:25

Kìɓan kifog, ki ghɛɛ̀sɛɛ lɛ a ka log kiwoògh rìkɛŋ lɛɛ̀gwey, gbàà ì ɓum ì gɛɛ̀nɛ ìnɛ ì ɓèn nyi.

LUKAS 24:46

À ki kpaa ɓɔ lɛ: Ki ri kì kànɛn lɛ: Kiris à ghɛ̀ɛ̀sɛɛ kì woògh rìkɛŋ, à ghèmɓɛ̀n a ɓìloŋ ɓi ŋwos a kìraa.

LUKAS 9:31

Ɓɔ yɛɛ resɛ̀ngày rì coo rigwey, ɓɛ kpaakpàà kìɓan ki risug ɗi Yeesus ɗi ɗi ghɛɛ̀sɛ̀ngà kì kìlɛɛ a Yorisalɛm.