MATYOO 16:16 - Bafia Nouveau Testament

¹⁶ Simɔn Pyɛɛri à ɓàg lɛ: U rì Kiris, Man à Bɛ̀ll ànɛ à rì cem.

MATYOO 16:16 ပူးပေါင်းရင်းမြစ်များ

MATYOO 1:16

Yakɔɓ à yay Yoosɛɓ à yii Marii ànɛ à yalà Yeesus ànɛ ɓɛɛ̀ regi lɛ Kiris.

MATYOO 14:33

Ɓumɓɛ ɓɛ ɓaghà ɓi kìkɔm ɓɛ ɓakà Yeesus mɛ̀ɗu asu ɓɛ kpaa nyi lɛ: Ù rì lɔŋ Man à Bɛ̀ll a tààkaà.

MATYOO 16:15

Yeesus à tɔg ɓɔ lɛ: Mìni yòg? Ɓi kalag lɛ mɛ̀ nɗi ghɛn?

MATYOO 26:63

Wɔ̀lɛ Yeesus à maamààghà lɔŋ. Nni ǹlàmì-ɓɛ̀pìrɛɛtìrɛ̀ àgwey à tɔgtìghà nyi lɛ: Ɓi ɗii ɗi Bɛ̀ll ànɛ à rì cencem ǹtɔɔgh lɛ ù kali ɓìsi ù ki kànɛn bɛ̀ɗ ǹkòo wɔ̀ yɛɛ ri Kiris Man à Bɛ̀ll

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

MATYOO 4:3

Fɔɔnnɛ ǹfèèghrɛ̀n-ɓum à tyɛ̀ɛ̀tɛ̀ngà nyi jàŋbog, à kpaa nyi lɛ: I ù rì Man à Bɛ̀ll kali gɔ̀g yi, yɛɛ ghay ɓìɗilàg.

MARIKUS 14:61

Wɔ̀lɛ Yeesus à mìnɛ̀ngà, kɛ̀ɛ ɓàg. Nni ǹkɔ̀mɛ̀n-ɓɛ̀pìrɛɛtìrɛ̀ à ɓììtìghà nyi kì tɔɔ̀gh lɛ wɔ̀ yɛɛ rì Kiris, ànɛ à rì Man à Bɛ̀ll ànɛ ɓɛɛ̀ ɓɔgsàg?

LUKAS 2:11

Ɓɔlɛ ànɛ̀n à rì lɛ: ǹghɛɓsì ɓum à yalɛɛ gɛɛ̀nɛ ɓìsu wìn, ɓi bàn ì Davit, nnyɛɛ ri Kiris Kan.

ZYAŊ 1:49

Fɔɔnnɛ Natanayɛl à kpaaghà min Yeesus lɛ: Raɓì, ù rì Man à Bɛ̀ll, ù rì rìfòm ɗi Isirayɛl.

ZYAŊ 11:27

Maata à ɓàg lɛ: Ɛ̀ɛ̀ Kan! ǹgherɛɛ lɛ wɔ̀ yɛɛ ri Kiris, Man à Bɛ̀ll ànɛ à ghɛ̀ɛ̀sɛ̀ngà kì yùu ɓi ziinɛ.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 6:57

Fɛlɛ yɛ̀ɛ Tààta ànɛ à rì cem a romgày mɛ̀, mɛ̀ ǹki ɓa ri cɛɓ lɛ nyi, fɔlɔɔ nnɛ ŋwaànɛ à ɗii mɛ̀, à ɓiì ghɛɓì lɛ mɛ̀.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

ZYAŊ 6:69

Fɔɔnnɛ tì mɛ gherɛ̀n, tì ki yi lɛ wɔ̀ yɛɛ ri roànɛ à rì ǹtenɛn ànɛ à ɓaghày yɛ̀ɛ Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:15

Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 8:36

Yɛ̀ɛ ɓɛ kɛɛdìghà tì beèbɛ̀y, nni ɓɛ kpagà ɓi kìràà, ŋwaànɛ̀n à tɔg Filiɓ lɛ: Mɛ̀nig mɛɛ̀mɛ, cɛ kɛɛ regtii lɛ kɔ̀ɔ ɓàɓti mɛ?

MƐ̀KÌKÌÌ MƐ ƁƐKƐ̀NÌ-FÌTOM 8:37

Filiɓ à ɓàg nyi lɛ: I ù gherɛɛ rì ǹɗem wɔɔ wucèm ǹɗi lɛ m̀ɓàɓtì wɔ̀; ŋwaànɛ̀n à ɓàg nyi lɛ: Ɛ̀ɛ̀, ǹgherɛɛ lɛ Yeesus Kiris à rì Man à Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

2 KƆ̀RƐ̀ŊTYƐŊ 1:19

Ɓisuulɛ Man à Bɛ̀ll Yeesus Kiris ànɛ ɓìsii kakàlìghà ɓum foo a lɔ̀ŋkin lɛ rì mɛ̀ rì Silas rì Timote, à ɓaghà ɓi mɛgheri mɛɓɛɛ̀ lɛ rì ɛ̀ɛ̀ rì èe èe; lɔŋ ɛ̀ɛ̀ nyi rì nyi yɛɛ ri a lɔ̀ŋkii.

2 KƆ̀RƐ̀ŊTYƐŊ 3:3

Kɛɛ̀ rèeresɛ̀n lɛ tɛntɛ̀ɛ̀n lɛ, ɓì rì kaàtà à Kiris, ànɛ à kànɛ̀ngà, ɓi kìsay kis, àa rì fìwey, lɔŋ rì Ǹghay à Bɛ̀ll ànɛ à rì cem; kaàtà ànɛn, à kànɛ̀ngà ɓi ɓi ɓìɓoŋ ɓi gɔ̀g, à kànɛ̀ngà lɔŋ ɓi ɓìɓoŋ ɓi mɛmùù, yɛɛ lɔ̀ɔ̀ lɛ ɓi mɛ̀rem min.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

TIMOTE 3:15

Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

EBIREEGH 10:31

Ki ri koŋnyoo lɛ Bɛ̀ll ànɛ à rì cem, a raɗ mum ɓi ɓyàg ɓii.

EBIREEGH 12:22

Wɔ̀lɛ, ɓìi nkɛ̀ɛ jàŋbog rì dòn ì Siyon, jàŋbog rì bàn ì Bɛ̀ll ànɛ à rì cem, Yorisalɛm ànɛ aɗyoo, rì ɓum ɓɛ titom ɓìtuu ɓìtuu,

EBIREEGH 3:12

Ɓɛ̀geni ɓɛ̀m, konaaghna lɛ, ŋwaàdɛŋ ànɛ ɓi mìni kɛ̀ɛ ɓa ri nɗem wu ɓeɓtɛn, wu wu ri kɛ̀ɛ̀ rìgherɛ̀n ɓi lèg ànɛ a ghasɛn ɗì Bɛ̀ll ànɛ à rì cem.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

1 ZYAŊ 4:15

Ŋwaànɛ à gherɛɛ lɛ Yeesus à rì Man à Bɛ̀ll, di Bɛ̀ll à rì rì nyi, nyi ɓa girig ɓɛɛ̀ Bɛ̀ll.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

1 ZYAŊ 5:5

Ghɛn yɛɛ ri lɛ à yag ziinɛ, i ki yin lɛ ŋwaànɛ à gherɛɛ lɛ, Yeesus Kiris à rì Man à Bɛ̀ll.

ÀPÒKÀLIƁSƐ̀ 7:2

Fɔɔnnɛ ǹghɛngà ŋwaà-fìtom adɛŋ di a ɓɔɓɔg yi ɓɛg ànɛ ŋwos a ti à kpagìì, à ɓanɓàn yì sìtam̀ à Bɛ̀ll ànɛ à rì cem ɓi càg. Nni à nyàmgà jɛ̀ɛ̀ aɗyoo, a kpaa kìnìn ki ɓum ɓɛ titom ɓɛ ɓɛ tekà ìtèɗ wulɛ, ɓɛɛ ki ziinɛ, ɗì rìɓày à kìkòn ǹtɔɓ lɛ: