MATYOO 13:38 - Bafia Nouveau Testament

³⁸ Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

MATYOO 13:38 ပူးပေါင်းရင်းမြစ်များ

MATYOO 13:19

I ŋwaà woogh di ɓɛɛ̀ kakali kìɓan ki kilɔ̀ŋ ki aɗyòò, à rɔ̀ɓ kɛ̀ɛ yi com ki ɓɛɛ̀ kpaakpàà: Ghèghey à mum à yù kì pisii boo ìnɛ ɓaa mìsi ɓi nɗem wu ŋwaànɛ̀n; ŋwaànɛ̀n à rì fɛlɛ yɛ̀ɛ boo ìnɛ ì kpìghà ɓi bee aɗyoo.

MATYOO 24:14

Syeesyee à Ɓɔlɛ à kìlɔ̀ŋ ki Bɛ̀ll ànɛ, à ɓiì kalɛɛ zi bimiɗ, lɛ kìɓan ki Ɓɔlɛ ànɛ̀n kɛɛ yilɛn ɓi ɓìlɔ̀ŋ ɓìcèm, ajɛ̀m ìnɛn nnɛ rìsugtɛ̀n ɗi zi ɗi ri ɓa.

MATYOO 5:37

Ki ghɛɛ̀sɛɛ lɛ, i ɓì kpaa lɛ, ɛ̀ɛ̀ ki ɓa lɛ ɛ̀ɛ̀, i ɓì kpaa lɛ àg, ki ɓa loŋ lɛ àg, lɛ jɛ̀ɛ̀ yimbog yi yi ɓiì wòŋwoŋi ti foo, yi riì yɛ̀ɛ Satàn.

MATYOO 8:12

Kìɓan kifog ɓumɓɛ ɓɛ ghɛ̀sɛ̀ngà lɛ ɓɛ kɔrì ɓi kìlɔ̀ŋ kiǹ, ɓɛɛ̀ɓɛ ɓɛ tyɔɔ gɛ ɓi birìm ìnɛ ɓidan, wɔɔ nnɛ ɓum ɓɛ rèerèèdɛɛ gɛ, di ɓɛɛ̀ ŋàaŋaàdì min.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

ZYAŊ 12:24

Ǹkalii mìni ɓi saaɗ lɛ: I ɗis ɗi bààzì ɗi kpii ɓi ɓi zi ɗi wu, di ɗi rɔɓi lɔŋ ɗyɔ rì ɗyɔ, wɔ̀lɛ i ɗi wii ɗi ɓa tì rì mis mɛdɛŋ lɛɛ̀gwey.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

MƐ̀KÌKÌÌ MƐ ƁƐKƐ̀NÌ-FÌTOM 13:10

à kpaa lɛ: Wɔ̀ ŋwaànɛ, ù rì lɛ, wɔ̀ coo ghèghes̀, wɔ̀ ɓèèɓeè, man à Satàn anɛ lɛ wɔ̀, bènàbena à ɓìɓan ɓi saaɗ, ù yin ɓìì rɛɛrɛɛ̀sì rìyoòyògsì ɗi bee yi Kan yi yi ri lɛ saaɗ?

RÒMƐŊ 10:18

Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 1:23

Mìni ɓɛ ɓì tekà ɓi cɛɓ ki nyɔn ɓi boo ìnɛ ì rì lɛ ì ɓwɛ̀y, kìɓan kifog ìnɛ ì yin lɛ i ɓwɛ̀y ɓì tekà lɔŋ kɔ rì jɛ̀ɛ̀ ì Bɛ̀ll ìnɛ ì rì cencem, ì ɓa tì fìɗyàɓ fikɔ̀ɔ̀;

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ÀPÒKÀLIƁSƐ̀ 14:6

Fɔɔnnɛ ǹghɛngà ŋwaà-fìtom adɛŋ di a lɛŋlɛŋ ɓi ɗyoo ɓi ɗùm, à ɓaghà rì Syeesyee à Ɓɔlɛ à fìɗyàɓ fikɔ̀ɔ̀ ànɛ lɛ a ghagsi ɓum ɓɛ̀cèm ɓɛ ɓi ziinɛ, ɓumɓɛ ɓi ɓìlɔ̀ŋ ɓìcèm, rì mɛ̀pwìɗ mɛ̀cèm, rì ɓìtòkì ɓìcèm, rì mɛ̀kuu mɛ̀cèm.