MATYOO 13:22 - Bafia Nouveau Testament

²² Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

MATYOO 13:22 ပူးပေါင်းရင်းမြစ်များ

MATYOO 12:32

I ŋwaà tòogh Man à mum kìɓe, ɓɛ cenɛ̀n nyi, kìɓan kifog ŋwaànɛ à ɓiì tòogh Kitɛntɛ̀ɛ̀n ki Nghay kìɓe nsoò ɓi cɛɓ ki gɛɛ̀nɛ, nsoò ɓi cɛɓ ki ki riì, ɓaa cenɛn ɓi nyi kìɓan kiǹ.

MATYOO 13:39

Bènàbena anɛ à mìskà kìɓeɓtàg ki boo yɛɛ rì Satàn; mɛ̀saŋ mɛɛ ri rìlèg ɗi zi, ɓɛ̀saŋì-mɛ̀saŋ ɓɛɛ ri ɓum ɓɛ titòm.

MATYOO 13:40

Fɛlɛ yɛ̀ɛ ɓɛ ti ɓɛ ruɓkì kìɓeɓtàg ki caaɓi lɛ ɓɛɛ pig kɔ ɓi ɗuu, fɔlɔɔ nnɛ ki ɓiì ɓaà ŋwosi rilèg ɗi zi.

MATYOO 13:7

Gàɓ ì boo ìmbog ì kpìghà ɓi ɓìkàrag; ɓìkàrag ɓi tɔɓ, ɓi laatàg boo ìnɛ̀n, ì wu.

LUKAS 12:15

Fɔɔnnɛ à kpaatìghà ɓɔɔ̀cèm lɛ: Womzɛɛna lɛ syeesyee ri kìɓan ki zày ì ìkum, ɓisuulɛ, cɛɓ ki mum ki yin lɔŋ lɛ ɓyom ɓi à rì rì ɓyɔ, àa soo rì rì ɓyom lɛɛ̀gwey.

LUKAS 12:21

Fɔɔnnɛ ki ti ki ghɛnàg yɛ̀ɛ mum ǹcèm ànɛ à ti à taŋzàg gɛ ìkum ɓisu wii cɛ̀ncii, kɛ̀ɛ ɓa ri ìkum ɓisuu Bɛ̀ll.

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

LUKAS 8:14

Boo ìnɛ ì kpìghà ɓi ɓìkàrag ì rèsii ɓɛ̀roɓɛ ɓɛ rilàg lɛ, i ɓɛ woogh jɛ̀ɛ̀ ì Bɛ̀ll, ɓyom ɓi lɛ, rì cɛɛ̀-ǹɗem ànɛ ɓi ɓìɓan ɓi zɛy rì zɛy, rì rìyɛ̀y ɗi zi, ɓi duŋzì rìgherɛ̀n ɗyaa, ɗi rɔɓ bee ri bee, ɗyɛ̀ kɛɛ̀ wum ɓidùn ɓi lɛ ɓɛ kɔs.

MƐ̀KÌKÌÌ MƐ ƁƐKƐ̀NÌ-FÌTOM 8:18

Nni yɛ̀ɛ Simɔn à ghɛngà lɛ ɓɛ̀kɛ̀nì-fìtom ɓɛ ti lɛ i ɓɛ saghii mum ɓyàg ɓi nyoo, à ɓa rì Kìtɛntɛ̀ɛ̀n ki Nghày, fɔɔnnɛ à sɔ̀ŋìghà mɔ̀ɔ̀ni lɛ a fa ɓɔ.

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

1 KƆ̀RƐ̀ŊTYƐŊ 1:20

Nni ŋwaà ɗyomzɛ̀n im̀be? Ǹɗèsàg ɓìdɔ̀gsɛna im̀be? Nni ǹkìì-nyoey anɛ ɓi ziinɛ à rì fe? Bɛ̀ll à rèsìghà lɛ ɗyomzɛ̀n ɗi ɓumɓɛ ɓi ziinɛ ɗi ri kìyèg.

1 KƆ̀RƐ̀ŊTYƐŊ 2:6

Kɔlɛ ɗyomzɛ̀n ɗidɛŋ ɗyɛɛ̀ɗi ɓìsiì rèresi ɓɛ̀kìristɛ̀n ɓɛ ɓɛ mɛ kadɛ̀n; ɗyomzɛ̀n ɗiǹ ɗi yin ɗyomzɛ̀n ɗi ɓi ziinɛ, nsoò lɛ ɗi mɛfòm mɛ ɓi ziinɛ, mɛ mɛɛ ɓiì ɓaà mɛ̀tììsiyɛn.

1 KƆ̀RƐ̀ŊTYƐŊ 2:8

Nsoò rìfòm ɗifog ɗi ɓi mɛ̀fòm mɛ ɓi ziinɛ ɗi yighà ɓi ɗyomzɛ̀n ɗiǹ; i ki lɛ mɛɛ yi ɗyɔ, di mɛ ɓaghà ɓi lɛ mɛ ghɛrì Kan ànɛ à rì ǹkemì ɓi kɔrɔs.

1 KƆ̀RƐ̀ŊTYƐŊ 3:18

Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

TIMOTE 6:17

Tɔgha ɓɛ̀guŋgum ɓɛ ɓi mɛ̀ru mɛ lɛ, ɓɛ̀ kɛɛ̀ ɓa ri kalɛn, ɓɛ̀ kɛɛ̀ ki foŋ dyàɓɛn yaà ɓi ìkum wu wu ri kɛ̀ɛ̀ ǹtyweeyi, ɓɛɛ foŋ lɔŋ dyàɓɛn yaà yɛɛ̀ Bɛ̀ll ànɛ à ti à falàg ɓìsi ɓyom ɓìcèm lɛɛ̀gwey lɛ ti wog kìrɔɔ rì ɓyɔ.

2 TIMOTE 4:10

lɛ Demas àa nɗinii mɛ̀ à kɛ̀n a Tesalonika, lɛ ɓìɓan ɓi ɓi cɛɓ ki gɛɛ̀nɛ ɓyɛɛ̀ kɔ̀nkɔn nyi; Kiresaŋsɛ àa nkɛ̀ɛ a Galasi, Tit à kɛ̀n a Dalmasii.