MATYOO 13:21 - Bafia Nouveau Testament

²¹ kìɓan kìfog jɛ̀ɛ̀ yɛ̀ kɛɛ̀ ɓag gàŋ ɓi ǹɗem wìì; i à ɓèŋi yɔ̀ ɓi maa cààmɛ̀n, i mɛ̀tɔɓ rì ǹ-yeesɛ̀n ɓi ghɛnɛɛ a lɔ̀ŋkii ɓisuu jɛ̀ɛ̀ ìnɛn, lɔŋ lɛ à kɛ̀ɓtɛɛ fìɓàg.

MATYOO 13:21 ပူးပေါင်းရင်းမြစ်များ

MATYOO 10:22

Ɓum ɓɛ̀cèm ɓɛ ri ɓèèzɛn mini ɓisuu ɗii ɗyɛ̀m; wɔ̀lɛ ŋwaànɛ à sììrɛɛ à kpaŋ a rìsugtɛ̀n nnyɛɛ ɓiì ghɛɛ̀ cɛɓ.

MATYOO 11:6

Mààgh rì ŋwaànɛ àa kɛ̀ɓtɛn ɓi fiɓàg ɓisu wɛ̀m.

MATYOO 13:20

Roànɛ à ghàɓkà boo ì ɓyom ɓi tìcɔg, nnyɛɛ rì roànɛ à ti lɛ, i à woogh jɛ̀ɛ̀ ì Bɛ̀ll, à ghàs yɔ̀ ki ghàɓi ri kìnyàà;

MATYOO 13:57

A ɓaghà com ki kɛɛ kɛɓti ɓɔ fìɓàg; fɔɔnnɛ Yeesus à kpaaghà ɓɔ lɛ: Ɓɛɛ̀ sɛɛtag lɔŋ ǹkpaŋzì-ɓìɓan lɛ, rì ɓi kìlɔ̀ŋ kii, rì ɓi naa yìì i ɓum.

MATYOO 13:6

Wɔ̀lɛ yɛ̀ɛ ŋwos à kpagày, à ɗigsì ɓyom ɓi ɓi roòghà ɓiǹ, mɛ̀ɗyèm mɛ womdàg lɛ ɓi ɓaghà ɓi ri gàŋ.

MATYOO 24:13

Wɔ̀lɛ ŋwaànɛ à rì ɓiì sììrɛɛ ɓi rìgherɛ̀n à kpaŋ a rìsugtɛ̀n, à ɓiì ghɛɛ̀ cɛɓ.

MATYOO 26:31

Nni Yeesus à kpaaghà ɓɛ̀yilàg lɛ: Ɓi-ru wu gɛɛ̀nɛ, ǹɗì ɓiì ɓaà fìɓàg ɓisu win ɓɛsɛ̀ɛ̀ ɓɛ̀cèm, lɛ ki ri kì kànɛn lɛ: Ǹɗì ɓiì wolì m̀ɓèŋì-jɔ̀ɔ̀, jɔ̀ɔ̀ yii yicèm yi saàtɛ̀n.

MATYOO 26:33

Nni Pyɛɛri à tekà jɛ̀ɛ̀, à kpaa nyi lɛ: Ǹsoò wàa rì fìɓàg ɓisuu ɓisi ɓɛsɛ̀ɛ̀ ɓɛ̀cèm, wàa ɓa ɓi fiɓàg ɓisu wɛ̀m.

MARIKUS 4:17

kìɓan kifog, ɓɔ kɛ̀ɛ gàŋ; ɓɛ ri làg lɛ ŋɛ̀ɛ̀ghŋɛ̀ɛ̀gh lɛ i ɓɛ tanɛɛ rì ntɔɓ, nsoò lɛ ǹyeèsɛ̀n àdɛŋ ɓisuu kiɓan ki Bɛ̀ll, lɔŋ lɛ ɓɛ naŋi rìgherɛ̀n.

LUKAS 8:13

Ɓɛ̀roɓɛ ɓɛ ri ɓi tìcɔg ɓɛ ri ɓumɓɛ ɓɛ ti i ɓɛ woogh jɛ̀ɛ̀ ì Bɛ̀ll, ɓɛ ghaɓ yɔ̀ rì kìnyàà kìɓan kifog, ɓɛ̀ kɛɛ̀ càɗ jɛ̀ɛ̀ ìnɛn lɛ yɛ̀ɛ ɓag gàŋ ɓi mɛ̀rem maa; i mɛ̀fèèghrɛn mɛ kpaŋi a lɔ̀ŋkaa, ɓɛ naŋ rìgherɛ̀n.

ZYAŊ 6:26

Yeesus à ɓàg ɓɔ lɛ: Ǹkpaa mìni kɔɔ̀kɔɔ̀ à rìkpaa lɛ, àa ɓisuulɛ ɓìi nghɛɛ dàm nnɛ ɓi kaakaa mɛ; ɓi kaakaa mɛ lɛ, yɛ̀ɛ ɓìi nɗii bìrɛs ɓì wuràg.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

GÀLAT 6:12

Ɓum ɓɛ̀cèm ɓɛ ɓɛɛ̀ kaakaa lɛ ɓum ɓɛɛ sɛsɛg ɓɔ ɓi ɓìɓan ɓi mɛmùù ɓɛɛ̀ kàŋkaŋ mini lɛ ɓi kɛrɛn; ɓɛɛ̀ ki kìki fɔlɔɔ ri azi lɛ kɛ̀ ɓɛɛ̀ tulɛn ri ǹ-yeesɛ̀n ɓisuu Kɔrɔs à Kiris.

GÀLAT 6:15

Rìɓa ɗi lɛ ŋwaà rì ǹkɛ̀rɛn nsoò lɛ à yin nkɛ̀rɛn ɗi yin com, kìɓan ki ki ri bimiɗ à com ki ri lɛ mum a ɓa nyɔɔnyɔn à mum.

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

2 TIMOTE 1:15

Ù yii lɛ ɓum ɓɛ̀cèm ɓɛ ɓɛ ri a Azii ɓɛ nagà mɛ̀, ɓumɓɛ lɛ rì Fizyɛl rì Ɛrimozyɛn ɓɛ ri ɓi bàlì ì ɓumɓɛ̀n.

2 TIMOTE 4:10

lɛ Demas àa nɗinii mɛ̀ à kɛ̀n a Tesalonika, lɛ ɓìɓan ɓi ɓi cɛɓ ki gɛɛ̀nɛ ɓyɛɛ̀ kɔ̀nkɔn nyi; Kiresaŋsɛ àa nkɛ̀ɛ a Galasi, Tit à kɛ̀n a Dalmasii.

ZYAG 3:2

Ɓìsiìcèm tì ti tì sɛ̀ràg ɓìɓan bee lɛɛ̀gwey; i mum à ka nɛskà ɓi jɛ̀ɛ̀ di a tòtòg, di mum ànɛ̀n miì à rì lɛ sɛɛghisɛɛghi, à ki yi riɓan ɗi nɗem lɛ a lami nyoo yìì.

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.