MATYOO 13:19 - Bafia Nouveau Testament

¹⁹ I ŋwaà woogh di ɓɛɛ̀ kakali kìɓan ki kilɔ̀ŋ ki aɗyòò, à rɔ̀ɓ kɛ̀ɛ yi com ki ɓɛɛ̀ kpaakpàà: Ghèghey à mum à yù kì pisii boo ìnɛ ɓaa mìsi ɓi nɗem wu ŋwaànɛ̀n; ŋwaànɛ̀n à rì fɛlɛ yɛ̀ɛ boo ìnɛ ì kpìghà ɓi bee aɗyoo.

MATYOO 13:19 ပူးပေါင်းရင်းမြစ်များ

MATYOO 12:26

I Satàn a nàɓi Satàn, di à ramzɛɛ wɛ̀y ri nyimìɗ yɛɛ lɔɔ, nni lannɛ kìlɔ̀ŋ kii ki rì min ɓiì kɛ̀ɛ asu ki ɓaɓà?

MATYOO 13:20

Roànɛ à ghàɓkà boo ì ɓyom ɓi tìcɔg, nnyɛɛ rì roànɛ à ti lɛ, i à woogh jɛ̀ɛ̀ ì Bɛ̀ll, à ghàs yɔ̀ ki ghàɓi ri kìnyàà;

MATYOO 13:38

Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

MATYOO 4:23

Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 5:37

Ki ghɛɛ̀sɛɛ lɛ, i ɓì kpaa lɛ, ɛ̀ɛ̀ ki ɓa lɛ ɛ̀ɛ̀, i ɓì kpaa lɛ àg, ki ɓa loŋ lɛ àg, lɛ jɛ̀ɛ̀ yimbog yi yi ɓiì wòŋwoŋi ti foo, yi riì yɛ̀ɛ Satàn.

MARIKUS 4:15

Ɓɛ̀roɓɛ ɓɛ ri yɛ̀ɛ tim̀ à bee ànɛ boo ì rààghà miì ɓɔ yɛɛ ri ɓɛ̀roɓɛ ɓɛ ti ɓɛ kilàg lɛ, lɔŋ yɛ̀ɛ ɓɛ woogh ɓìɓan ɓi Bɛ̀ll lɔɔ, Satàn a yùy, à pisì ɓɔ ɓyɔ ɓi ǹɗem.

LUKAS 10:9

Wɔ̀ɔ̀ziina ɓɛ̀roroɓ ɓɛ̀cèm ɓɛ ɓi bàn ìnɛn, ɓì kpaa ɓɔ lɛ: Kìlɔ̀ŋ ki Bɛ̀ll ki ti mìni jàŋbog.

LUKAS 9:2

Fɔɔnnɛ à romgà ɓɔ lɛ, ɓɛɛ kɛǹ ki làalam̀ɓɛ̀n Syeesyee à Ɓɔlɛ à kìlɔ̀ŋ ki Bɛ̀ll ɓɛ ki wɔ̀ɔwɔɔ̀zì ɓɛ̀roroɓ.

ZYAŊ 18:38

Nni Pilat à tɔkà nyi lɛ: Saaɗ innɛ cɛ? Yɛ̀ɛ à kpaaghà fɔlɔɔ, nni à kpaŋdìghà, à kɛ̀n jàŋ inɛ Ɓɛ̀yudɛ̀n ɓɛ ɓaghà, à kpaa ɓɔ lɛ: Mɛ̀ ǹghɛɛ ɓi kiɓan ki ɓeɓtɛn ki ŋwaànɛ à kìi.

ZYAŊ 8:43

Ɓisuucɛ nnɛ ɓì woogh ɓi kitòkì kɛm̀? Lɛ ɓì yin lɛ ɓì wog jɛ̀ɛ̀ yɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 17:32

Lɔŋ yɛ̀ɛ ɓumɓɛ̀n ɓɛ wokà di Pol à ti ɓiì kpaakpaa kiɓan ki righèmɓɛ̀n ɗi ɓiloŋ, ɓɛ̀ro ɓɛdɛŋ ɓɛ kpusɛ̀n ɗi tyɛ̀y, ɓɛm̀bog ɓɛ kpaa nyi lɛ, tì ri wog kiŋkɔɔ kiǹ ŋwos adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 18:15

Nni yɛ̀ɛ ki rì lɛ ɓi nyoonyolɛ̀n ɓi dɔgtɛ̀n ìdɛŋ rì ɓi mii mɛdɛŋ, rì ɓi ɓìdɔ̀gsɛna ɓin, mìniìɓɔmiɗ yɛɛ ghɛɛ̀sɛɛ kìpègsɛɛ kiɓan kin; mɛ̀ ǹ-yin lɛ ǹ-yɔ̀m ɓìɓan ɓi fɔlɔɔ.

MƐ̀KÌKÌÌ MƐ ƁƐKƐ̀NÌ-FÌTOM 20:25

Mìni ɓɛ̀sɛ̀ɛ̀ ɓɛ̀cèm ɓɛ ǹghaghìghà a lɔ̀ŋkin di nkakali Ɓɔlɛ à kìlɔ̀ŋ ki Bɛ̀ll, ǹ-yii lɛ syeesyee lɛ, ɓyàa ghɛɛ̀di ɓi ìsu wɛ̀m à tumɛ̀n ɓigomìnɛ.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

RÒMƐŊ 1:28

Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 2:8

Wɔ̀lɛ ɓɛ̀roɓɛ ɓɛ ti ɓɛ kilàg nyi ǹtoòtèɗ, ɓɛ̀ kɛɛ̀ kɔ̀n lɛ ɓɛɛ wog com ki saaɗ a kakàlì, lɔŋ kìtɛ̀ŋtɛ̀ŋ kɛɛ̀ki ɓɔɔ nɔɔ̀nɔ̀ɔ̀tì, Bɛ̀ll à rèsì ɓɔ lɛ, rì bim yiì, ɗì rìbaŋì ɗii.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

2 TÈSÀLÒNÌSYƐŊ 2:12

di fɔɔnnɛ Bɛ̀ll a yɔm̀ ɓum ɓɛ̀cèm ɓɛ ɓɛ gherɛ̀ngà ɓi saaɗ, ɓɛ kìnyàà kaa ki ɓaghà lɛ rìkì ɗi kiɓe.

EBIREEGH 2:1

Kìɓan kiǹ kɛɛ̀ki tì ghɛ̀ɛ̀sɛɛ kì ɓiisɛɛ ki ɓaà ɓɛ̀ sììrɛn ɓi ɓìɓan ɓi tì wokà di tì kɔ̀ni ɓi lɛ, ti ɗyaŋ.

1 ZYAŊ 3:12

Tì ghɛ̀ɛ̀sɛɛ ɓi ki pisɛɛ Kayin ànɛ à ɓaghà ɓi kìkàmì ki ghèghey à mum, nnyɛɛ wolà geni. À wolà nyi lɛ cɛ? Lɛ mɛ̀kìkìì mɛ geni mɛ ɓaghà lɛ saaɗ, mɛŋkii mɛ̀ kɛɛ̀ rɔɔtɛn.

1 ZYAŊ 5:18

Tì yii lɛ mum ǹcèm ànɛ à rì Man à Bɛ̀ll, à ti kɛ̀ɛ kì ti kiɓe kìɓan kifog roànɛ à fuughày yɛ̀ɛ Bɛ̀ll, Bɛ̀ll a ɓèŋɓeŋ nyi, fɔɔnnɛ ghèghey à mum à yin lɛ à kɔ̀m nyi.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.