MATYOO 12:35 - Bafia Nouveau Testament

³⁵ Syeesyee à mum à ti à sɔ̀ŋɗàg yì ɓɛ̀syeesyee ɓɛ ɓiɓan, ɓi buŋ yìì i ɓìɓan ɓi syeesyee; kìɓeɓtàg ki mum kɔɔ sɔŋdàg yì ɓìɓeɓtàg ɓi ɓiɓan, ɓi buŋ yìì i ɓìɓan ɓi ɓeɓtɛn.

MATYOO 12:35 ပူးပေါင်းရင်းမြစ်များ

MATYOO 12:34

Mìni ɓumɓɛ ɓì pìsɛɛ ɓìgòm ɓɛ! lannɛ ɓi rì lɛ ɓì kalì syeesyee à kìɓan, di mìniìɓɔmiɗ ɓi ɓeɓtɛɛ fɛlɛ? Lɛ ɓìɓan ɓi ɓi roni mum ǹɗem ɓyɛɛ̀ɓi ŋwɔm wu ti wu kpaaghì.

MATYOO 13:52

Nni à kpaaghà ɓɔ lɛ: Kìɓan kiǹ kɛɛ̀ki ǹɗèsì-ɓìdɔ̀gsɛna bimiɗ ànɛ à mɛ yilag ɓiɓan ɓi ɓi kìlɔ̀ŋ ki aɗyoo, à rì fɛlɛ yɛ̀ɛ ŋwaàmɛɛ, ànɛ à ti à sɔ̀ŋɗag yì ɓɛ̀nyɔɔnyɔn ɓɛ ɓyom, rì tìɗyàɓ ti ɓyom, ɓi jàŋ inɛ ìkum wii wu ri wu nyamɛn.

MATYOO 7:17

Syeesyee à kìte bimiɗ à ti à wumgì ɓìɗùn ɓi syeesyee; kìɓeɓtàg ki kite ki wumgì ɓìɓeɓtàg ɓi ɓiɗùn.

LUKAS 6:45

Syeesyee à mum à ti à kìlàg ɓìɓan ɓi syeesyee lɛ, à rì rì syeesyee à ǹɗem; kìɓeɓtàg ki mum ki kilàg ɓìɓan ɓi ɓeɓtɛn lɛ, ki ri rì kìɓeɓtàg ki ǹɗem, lɛ ŋwɔm wu mum wɛɛ̀ kpaakpaa kiɓan ki ki roni nyi ǹɗem.

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

KÒLÒSYƐŊ 4:6

Ɓìtòkì ɓin ɓi ghɛɛ̀sɛɛ kì ɓalaagh ɓitòkì ɓi geesɛ̀n, ɓi yɛyɛ̀y yɛ̀ɛ kìkòn; fɔɔnnɛ ɓì ɓiì yiì lannɛ ɓì ghɛ̀ɛ̀sɛɛ lɛ ɓì ɓàg mum ǹcèm ànɛ ɓi ɓɔ, di à tɔɔgh mìni kìɓan.