MATYOO 12:28 - Bafia Nouveau Testament

²⁸ Kìɓan kìfog, i ki ri lɛ mɛ̀ɛ nànaɓ ɓiɓeɓtàg ɓi mɛghay rì Ǹghay à Bɛ̀ll, fɔlɔɔ a rèsii lɛ kìlɔ̀ŋ ki Bɛ̀ll ki mɛ kpaŋ a lɔ̀ŋkin.

MATYOO 12:28 ပူးပေါင်းရင်းမြစ်များ

MATYOO 12:18

Ǹkìì-kìsay wɛm̀ ànɛ ǹɗɔ̀tɛ̀ngà innɛ̀n, nyi nnɛ ǹkeesàg, kìnyàà kɛm̀ kìcèm ki ri ɓi nyi. Ǹɗì ɓiì foŋì Nghay wɛ̀m ɓi nyi, fɔlɔɔ nnɛ à ɓiì kpaa ɓìlɔ̀ŋ saaɗ wɛ̀m.

MATYOO 12:29

Ŋwaà yin lɛ à ɗiŋì ɓi naa ì tèteɗ à mum, à sàŋ ìkum wu roànɛ̀n di ki yin lɛ, àa loogh nyi kì kàŋi bɛn, wɔ̀lɛ i à mɛ kàŋ nyi, bɛn, à rì lɛ à sàŋ ɓyom ɓi ɓi naa ì ŋwaànɛ̀n.

MATYOO 21:31

Nni ɓi kìɓɛ̀ɛ̀ ki ɓɔɓti kiǹ, roàbe yɛɛ kighà rìkɔ̀n ɗi seŋì? Ɓum ɓɛ Yeesus à tekà dàɗkì ìnɛn ɓɛ ɓaàg lɛ: Man à ǹtonto yɛɛ kighà rìkɔ̀n ɗi seŋì. Yeesus à ki kpaa ɓɔ lɛ: Ǹkalii mìni saaɗ à rìkpaa lɛ, ɓɛ̀terì-làmpoŋ̀ rì ɓɛ̀yiɓ ɓɛ riɓàmɓà ɓɛ loogh gɛ kì kpaŋì ɓi kìlɔ̀ŋ ki Bɛ̀ll rì mìni.

MATYOO 21:43

Kìɓan kiǹ kɛɛ̀ki ǹkalii mìni lɛ, ɓɛ ri ɓiì pisii kilɔ̀ŋ ki Bɛ̀ll a lɔ̀ŋkin, ɓɛ fa kɔ rì kìlɔ̀ŋ ki ki ri ɓiì wumì ɓìɗùn ɓi ɓi ghɛɛ̀sɛɛ rì kìlɔ̀ŋ ki Bɛ̀ll.

MATYOO 4:24

Rìkem ɗii ɗi saaghà jàŋbimiɗ a Sirii, fɔɔnnɛ ɓɛ yuyùghày nyi lɛ, rì ɓum ɓɛ̀cèm ɓɛ ɓɛ roròɓkà tìroɓ mɛ̀kuu mɛ̀kuu rì, ɓɛ ɓɛ wowòkà rìkɛŋ bee lɛ bee, ri ɓɛ̀roɓɛ ɓɛ ɓaghà rì ɓìɓeɓtàg ɓi mɛghay, rì ɓɛ̀roɓì kìtìs, rì ɓìsɛkɛ̀rɛ̀, Yeesus à ki wɔ̀ɔwɔɔ̀zì ɓɔ.

MATYOO 6:33

Looghna kì kaà kìlɔ̀ŋ kii rì saaɗ wìì, fɔɔnnɛ ɓyom ɓìn ɓìcèm ɓi ri mìni ɓiì sagtɛɛ.

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

MARIKUS 11:10

Rìkem ɗyɛɛ ɓa rì kìlàmì ki ki yuù yì, kìlàmì ki Davit à seŋi wìs; ozana! Rìkem ɗyɛɛ ɓa ɓi ɗyoo ɓi ɗùm.

MARIKUS 16:17

Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

LUKAS 10:11

Tì kùri kùrùɓu ànɛ ɓi bàn yìn ànɛ àa maɓkii ɓìsi ɓi mɛ̀kòò lɛ a ɓa fɛlɛ yɛ̀ɛ wusìnɛ̀ɗ wis. Kìɓan kifog yiina lɛ, kìlɔ̀ŋ ki Bɛ̀ll ki ti mìni jàŋbog.

LUKAS 11:20

Kìɓan kifog, i ki rì lɛ nnànaɓ ɓiɓeɓtàg ɓi mɛghay rì ìtèɗ wu Bɛ̀ll fɔlɔɔ a rèsii lɛ, kìlɔ̀ŋ ki Bɛ̀ll ki ti a lɔ̀ŋkin.

LUKAS 16:16

Rìrèsì ɗi ɓidɔ̀gsɛna ɓi Moyis rì ɗi ɓɛkpaŋzì-ɓìɓan ɗi kighà kìsay à kpaŋ yɛ̀ɛ Zyaŋ Bàɓtis à yùghà. Nni à tumɛ̀n ɓi cààmɛ̀n kiǹ, à kpaŋ ɓigomìnɛ, Syeesyee à Ɓɔlɛ à kìlɔ̀ŋ ki Bɛ̀ll a kaakalɛ̀n a ɓum ɓɛ̀cèm, fɔɔnnɛ mum bimiɗ a kaakaa lɛ a ɗiŋi ɓi kìlɔ̀ŋ kiǹ ɓi-tèɗ.

LUKAS 9:2

Fɔɔnnɛ à romgà ɓɔ lɛ, ɓɛɛ kɛǹ ki làalam̀ɓɛ̀n Syeesyee à Ɓɔlɛ à kìlɔ̀ŋ ki Bɛ̀ll ɓɛ ki wɔ̀ɔwɔɔ̀zì ɓɛ̀roroɓ.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

EBIREEGH 12:28

Nni ti faana min Bɛ̀ll ɓìtògsɛ̀n yɛ̀ɛ tì teri kìlɔ̀ŋ ki ki yin lɛ ki kpig, tì ɓɔgsì nyi rìɓɔgsì ɗi ɗi ri lɛ ɗi rɔɔ nyi, rì mɛ̀wog, rì ìris.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.