MATYOO 10:5 - Bafia Nouveau Testament

⁵ Ɓumɓɛ̀n ɓɛɛ̀ɓɛ Yeesus à romgà ɓɛ̀sɛ̀ɛ̀ ǹtɛ̀ɗ rì ɓɛɓɛɛ̀, à siitàg ɓɔ lɛ:

MATYOO 10:5 ပူးပေါင်းရင်းမြစ်များ

MATYOO 22:3

Rìfòm ɗiǹ ɗi romgà ɓɛ̀kìì-ɓìsay lɛ ɓɛɛ reŋiì ɓumɓɛ à reŋìghà a kìsɛ̀nɛ̀ kiǹ, kìɓan kifog ɓɛ̀roɓɛ̀n ɓɛ kɔngà ɓi lɛ ɓɛɛ yu.

MATYOO 4:15

Ziì Zaɓulon rì ì Nɛftalii, jaŋ yi yi ri ɓi bèn ì rìɓày, nsoò lɛ cɛcɛɗ ki Zyuridɛŋ, Galile à ɓumɓɛ ɓɛ a yin Ɓɛ̀yudɛ̀n!

MARIKUS 6:7

Fɔɔnnɛ Yeesus à reŋìghà ɓɛ̀yilàg ɓii ntɛ̀ɗ rì ɓɛɓɛɛ̀, à tumɛ̀n ɓɔ rìɓaskì ɓɛ̀sɛ̀ɛ̀ ɓɛɓɛɛ̀ ɓɛɓɛɛ̀, di a ronɗom ɓɔ; à fa ɓɔ ìtèɗ wulɛ ɓɛɛ nanaɓ ɓìɓeɓtàg ɓi mɛghay;

LUKAS 10:1

Ajɛ̀m ìnɛn, Kan à ɓɔ̀ɔ̀dìghà ɓɛ̀yilàg ɓɛdɛŋ mɛ̀tin mɛraa rì ǹtɛ̀ɗ à log ɓɔ kì romì beèbɛ̀y ɓɛ̀sɛ̀ɛ̀ ɓɛɓɛɛ̀ ɓɛɓɛɛ̀, ɓi bàn rì ɓi jàŋ yicèm yi nyimiɗ à ghɛ̀ɛ̀sɛ̀ngà wɔɔ ki kɛ̀ɛ.

LUKAS 10:33

Kìɓan kìfog, muu Samari àdɛŋ à kɛ̀nkɛ̀ngà rìkɛ̀ɛ̀, nni à yùghà kì kpaŋì ŋwaànɛ à nɔ̀nɔ̀ŋìghà ànɛ̀n jàŋbog, nyìighnyìg ì kì nyi rì ŋwaànɛ̀n.

LUKAS 17:16

À kpìghà Yeesus a mɛ̀kòò, à ruusì ìsu ɓi zi, à fa nyi ɓìtògsɛ̀n. Ŋwaàncèm à ɓaghà ŋwaànɛ a Samari.

LUKAS 9:1

Nni Yeesus à taŋzɛ̀ngà ɓɛ̀yilàg ɓii ǹtɛ̀ɗ rì ɓɛɓɛɛ̀, à fa ɓɔ itèɗ wu nàɓɛn ɓiɓeɓtàg ɓi mɛghay mɛ̀kuu mɛ̀cèm, rì wulɛ ɓɛɛ wɔɔ̀wɔ̀ɔ̀zì ɓɛ̀roroɓ.

LUKAS 9:2

Fɔɔnnɛ à romgà ɓɔ lɛ, ɓɛɛ kɛǹ ki làalam̀ɓɛ̀n Syeesyee à Ɓɔlɛ à kìlɔ̀ŋ ki Bɛ̀ll ɓɛ ki wɔ̀ɔwɔɔ̀zì ɓɛ̀roroɓ.

ZYAŊ 17:18

Fɛlɛ yɛ̀ɛ ù romgày mɛ̀ ɓi ziinɛ, mɛ̀ girig mɛ̀ɛ nɗomi ɓɔ ɓi ziinɛ.

ZYAŊ 20:21

Yeesus à ɓììtì ɓɔ kìkpaà lɛ: Fyòoog a ɓa rì mìni. Fɛlɛ yɛ̀ɛ Tààta à romgày mɛ̀, mɛ̀ ǹɗomi girig mìni.

ZYAŊ 4:20

Ɓɛ̀seŋi ɓis ɓɛ mɓɔgsaagh Bɛ̀ll ɓi dòn ìnɛ, kìɓan kifog mìnii kpaaghì lɛ, a Yorisalɛm nnɛ ɓum ɓɛ ghɛɛ̀sɛɛ kì ɓɔgsaagh Bɛ̀ll.

ZYAŊ 4:5

Nni à kpagà ɓi bàn ìdɛŋ ìnɛ a Samari ɗii lɛ Sikar, jàŋbog rì dɛm inɛ Yakɔɓ à faghà man wiì ànɛ lɛ Yoosɛɓ.

ZYAŊ 4:9

Nni giɓ anɛ a Samari ànɛn à ɓàkà nyi lɛ: Lannɛ wɔ̀ muu Ɓɛ̀yudɛ̀n, ù lɔni mɛ̀ mɛ̀nig mɛ nɔyɛn, kɔm̀ lɛ mɛ̀ ǹɗì giɓ anɛ a Samari? Lɛ Ɓɛ̀yudɛ̀n ɓɛ ɓaghà ɓi lɛ ɓɛ wooghrɛ̀n ɗì ɓumɓɛ a Samari.

ZYAŊ 7:35

Nni Ɓɛ̀yudɛ̀n ɓɛ tɔɔghrɛ̀ngà ɓɔmiɗ lɛ: Fennɛ àrì ɓiì kɛ̀ɛ ɓi ɗi lɛ tyɛ̀ ki ghɛn nyi? A kɛ̀n nya a Ɓɛ̀yudɛ̀n ɓɛ ɓɛ ri ɓɛ̀sààtɛn ɓi bàn yi Gìrɛg, à rèèrèsàg ɓumɓɛ ɓɛ ri Gìrɛg wɔɔ giǹ?

ZYAŊ 8:48

Nni Ɓɛ̀yudɛ̀n ɓɛ ɓakà nyi lɛ: Ki ri lɔŋ saaɗ yɛ̀ɛ tìi nkpaa lɛ, ù rì ŋwaànɛ a Samari, ù ki ɓa ti ri kìɓeɓtàg ki nghay.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 10:45

Fɔɔnnɛ ɓɛ̀gherɛ̀n ɓɛ ɓɛ ɓaghà Ɓɛ̀yudɛ̀n, ɓɛ ɓɛ ɓaghày ǹɗaŋ ɗi Pyɛɛri, ɓɛ kuuràkà lɛɛ̀gwey, yɛ̀ɛ ɓɛ ghɛngà lɛ Bɛ̀ll à faa ɓumɓɛ ɓɛ yin Ɓɛ̀yudɛ̀n Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 8:1

Sol à ghɛngà lɛ rìwey di ɓɛ wolà Ityɛn ɗi ɓaghà syeesyee à kìɓan. Ŋwos àǹcèm ànɛn, wɛ̀y wu pɛsɛ̀ngày ɓisuu kiseŋi ki ki ɓaghà a Yorisalɛm, fɔɔnnɛ ɓɛ̀gherɛ̀n ɓɛ̀cèm ɓɛ saàtɛ̀ngà ɓi ɓɔɔ bàn ɓɛ a Zyude, rì ɓɛ a Samari, lɔŋ ɓɛ̀kɛ̀nì-fìtom cɛ̀ncaa ɓɛɛ rɔɓkà a Yorisalɛm.

TÈSÀLÒNÌSYƐŊ 2:16

Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.