MATYOO 10:4 - Bafia Nouveau Testament

⁴ Simɔn ànɛ àa ǹti à cakàg rì kìlòŋ kii, rì Zyudas Iskariyot, ŋwaànɛ à kàɓkà Yeesus.

MATYOO 10:4 ပူးပေါင်းရင်းမြစ်များ

MATYOO 26:14

Fɔɔnnɛ Zyudas Iskariyot, kìbog ki ɓi ɓɛ̀yilàg ɓɛ Yeesus ǹtɛ̀ɗ rì ɓɛɓɛɛ̀, à kɛ̀ngà a ɓɛ̀pìrɛɛtìrɛ̀ ɓɛgwey

MATYOO 26:15

à tɔg ɓɔ lɛ: Cɛ kɛɛ̀ki ɓì rì mɛ̀ ɓiì faà di ǹfaa mìni nyi? Nni ɓɛ̀roɓɛ̀n ɓɛ peeghà nyi mɔ̀ɔ̀ni tìraŋ̀ rìtin ɗì ǹtɛ̀ɗ.

MATYOO 26:2

Ɓì yii lɛ, Paskà à rɔ̀ɓi mɛ̀ru mɛɓɛɛ̀, ɓɛ ɓiì ki kàɓi Man à mum lɛ ɓɛɛ kpan nyi ɓi kɔrɔs aɗyòò.

MATYOO 26:47

Yeesus à kaka à kpaakpàà fɔlɔɔ, nni Zyudas ànɛ à ɓaghà kìbog ki ɓi ɓɛ̀yilàg ɓii ǹtɛ̀ɗ rì ɓɛɓɛɛ̀, à ghàskà kì kpaŋì. A ɓaghày rì coo kituu ki ɓum ki ɓɛ̀pìrɛɛtìrɛ̀ ɓɛgwey rì ɓɛ̀sɛ̀ɛ̀mɛn ɓɛ romgày; ɓumɓɛ̀n ɓɛ yughày lɛ rì gàfàg, rì ɓìgeŋ.

MATYOO 27:3

Yɛ̀ɛ Zyudas ànɛ à kàɓkà Yeesus à ghɛngà lɛ, ɓɛ reni lɛ ɓɛɛ wey nyi, ǹɗem wii wu fa nyi bɛ̀lɛn, à lemgì rìkì ɗii à ki sugtiì kì pɛ̀ɛ̀zii tiraŋ̀ rìtin ɗì ǹtɛ̀ɗ ti ɓɛ̀pìrɛɛtìrɛ̀ ɓɛgwey rì ɓɛ̀sɛ̀ɛ̀mɛn ɓɛ faghà nyi,

MARIKUS 14:10

Fɔɔnnɛ Zyudas Iskariyot, kìbog ki ɓi ɓɛ̀yilàg ɓɛ Yeesus ǹtɛ̀ɗ rì ɓɛɓɛɛ̀, à kɛ̀ngà kì ghɛɛ̀ ɓɛ̀pìrɛɛtìrɛ̀ ɓɛgwey lɛ a kaɓ ɓɔ Yeesus.

MARIKUS 14:43

Yeesus à kaka à tòtòg fɔlɔɔ, Zyudas ànɛ à ɓaghà kìbog ki ɓi ɓɛ̀yilàg ǹtɛ̀ɗ ɗì ɓɛɓɛɛ̀ à ghàs kì kpaŋì. A ɓaghày rì kìtuu ki ɓum ki ki yughày lɛ rì gàfàg rì ɓìgeŋ; ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna rì ɓɛ̀sɛ̀ɛ̀mɛn ɓɛ ɓi naà-Bɛ̀ll ɓɛɛ romgày ɓɔ.

LUKAS 22:3

Satàn a ɗiŋìghà ɓi nɗem wu Zyudas ànɛ ɓɛ ndegì lɛ Iskariyot, à ɓaghà kìbog ki ɓi ɓɛ̀yilàg ǹtɛ̀ɗ rì ɓɛɓɛɛ̀.

LUKAS 22:47

Yeesus à kaka à kpaakpàà fɔlɔɔ, nni coo kituu ki ɓum ki yughày, kìbog ki ɓi ɓɛ̀yilàg ɓii ntɛ̀ɗ rì ɓɛɓɛɛ̀ ɗii lɛ Zyudas kɛɛ syogày bee. À tyòŋdɛ̀ngà Yeesus a nyoo lɛ a lɔɛɗ nyi.

ZYAŊ 13:2

Yɛ̀ɛ Yeesus rì ɓɛ̀yilàg ɓii ɓɛ ɗiɗìghà, di Satàn à mɛ ɗiŋzi Zyudas à man à Simɔn, fèg ànɛ lɛ a tɔkɛn Yeesus ɓi nɗem,

ZYAŊ 6:64

Kìɓan kifog, ɓum ɓɛdɛŋ ɓɛ ɓi nyìinyìm wìn ɓɛ gherɛɛ ɓi. Lɛ a rìtumɛ̀n Yeesus à yighà ɓumɓɛ ɓɛ gherɛ̀ngà ɓi, rì roànɛ à ghɛ̀ɛ̀sɛ̀ngà nyi kìkàɓi.

ZYAŊ 6:71

Zyudas à man à Simɔn Iskariyot innɛ à kpaakpààghà lɔɔ lɛ nnyɛɛ ɓaghà kìbog ki ɓi ɓɛ̀yilàg ǹtɛ̀ɗ rì ɓɛɓɛɛ̀ , ki ki ghɛɛ̀sɛ̀ngà nyi kì kàɓi.

MƐ̀KÌKÌÌ MƐ ƁƐKƐ̀NÌ-FÌTOM 1:13

Yɛ̀ɛ ɓɛ kpagà a Yorisalɛm, ɓɛ ɓɔg ɓi mɛɛ mɛ aɗyoo, ɓi kìden ki naa ki ɓɛ nkɔ̀ràg miì; ɓɛ ɓaghà lɛ: Rì Pyɛɛri, rì Zyaŋ, rì Zyag, rì Andire, rì Filiɓ, rì Tomas, rì Batelemi, rì Matyoo, rì Zyag à man à Alfe, rì Simɔn ànɛ à ɓaghà ɓi nɗaŋ wu ɓɛ̀zelot ri Zyuudɛ à man à Zyag.

MƐ̀KÌKÌÌ MƐ ƁƐKƐ̀NÌ-FÌTOM 1:25

lɛ a teɗ ìkɔ̀ɔ̀ wu nkɛ̀nì-fìtom wu Zyudas àa ncàri, à kɛ̀n kì terì wu wu nghɛ̀ɛ̀sɛɛ rì nyi.