MATYOO 10:17 - Bafia Nouveau Testament

¹⁷ Konaaghna rì ɓum ɓisuulɛ, ɓɛ ri ɓiì kɛ̀ɛ ri mìni ɓi naa yi ɓɛyɔ̀m, ɓɛ ki ɓog mini kìtòn ɓi naa yaa yi bɔ̀ŋzɛ̀n.

MATYOO 10:17 ပူးပေါင်းရင်းမြစ်များ

MATYOO 10:18

Ɓi rì ɓiì rɛlii mɛkpaà ɓi mis mɛ ɓɛ̀gɔmìnà, rì mɛ mɛfòm ɓisu wɛ̀m lɛ di ɓi ɓa ɓɛ̀tɛɛzì kiɓan kɛm̀ lɛ rì ɓi mis maa rì ɓi mis mɛ ɓɛroɓɛ ɓɛ yii ɓi Bɛ̀ll.

MATYOO 20:19

ɓɛ ki rì nyi ɓiì kàɓi ri ɓumɓɛ ɓɛ yin Ɓɛ̀yudɛ̀n lɛ ɓɛɛ ki lɛ ɓɛ fengì nyi, ɓɛ ɓog nyi kìtòn, ɓɛ ki kpan nyi ɓi kɔrɔs; kìɓan kifog, à ɓiì ghèmɓɛɛ ɓi ŋwos a kìraa.

MATYOO 23:34

Kìɓan kiǹ kɛɛ̀ki ǹɗì mìni ɓiì romiì lɛ: rì ɓɛ̀kpaŋzì-ɓìɓan, rì ɓum ɓɛ ɗyomzɛ̀n, rì ɓɛ̀yiì-ɓìɓan; ɓì ɓiì kìi lɛ: ɓì wey ɓɛ̀roɓɛ, ɓì ghɛ̀rì ɓɔ ɓi ɓɛ̀kɔrɔs, ɓi ɓog ɓɛ̀ro ɓɛmbog ɓi kìtòn ɓi naa yin yi bɔ̀ŋzɛ̀n, ɓì ki kìki ti ɓɛ̀ro ɓɛmbog ǹtɔɓ lɛ i ɓì pɛ̀sɛɛ ɓi bàn ìnɛ, ɓì cee ɓi ìmbog.

MATYOO 26:59

Ɓɛ̀pìrɛɛtìrɛ̀ ɓɛgwey, rì ɓum ɓɛ̀cèm ɓɛ ɓi sànèdìrɛŋ, ɓɛ kaakààghà kìɓan ki ɓɛpwàà ki ɓɛɛ tiri Yeesus ɓi ɗi lɛ ɓɛɛ wey nyi.

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MARIKUS 13:12

Mum à ri tɔ̀kɛn geni lɛ a wey nyi, seŋi à tɔ̀kɛ̀n man wiì lɛ a wey, ɓɔn ɓɛ ram wɛ̀y ri ɓɛ̀yalì ɓaa, ɓɛ ki cuusi ɓɔ.

MARIKUS 13:9

Konaaghna rì mìniìɓɔmiɗ lɛ ɓum ɓɛ ri ɓiì kɛ̀ɛ ri mìni ɓi ɓìkpanà ɓi ɓɛyɔ̀m, ɓɛ ki ɓog mini kìtòn ɓi naa yi bɔ̀ŋzɛ̀n. Ɓì ɓiì rɛlii ɓɛyɔ̀m ɓi mis mɛ ɓɛ̀gɔmìnà rì ɓi mis mɛ mɛfòm, ɓisuu kiɓan kɛm̀ lɛ ɓi resi ɓɔ saaɗ ànɛ miì.

LUKAS 12:11

Nni cààmɛ̀n kìcèm ki ɓɛ ɓiì kɛ̀ɛ ri mìni a ɓɛ̀yɔ̀m ɓi naa yi bɔ̀ŋzɛ̀n, ɓi mis mɛ ɓɛ̀làmì ɓɛ kilɔ̀ŋ, mɛ̀rem min mɛ̀ kɛɛ̀ cɛɛcɛɛ̀rɛ̀n lɛ ɓi fèfeg lannɛ ɓì rì ɓiì yɔ̀mi, rì cɛ kɛɛ̀ki ɓì rì ɓiì kpaà.

ZYAŊ 11:47

Fɔlɔɔ nnɛ ɓɛ̀pìrɛɛtìrɛ̀ ɓɛgwey rì Ɓɛ̀fàrìzyɛŋ ɓɛ taŋzɛ̀ngà Sànèdìrɛŋ ɓɛ kpaa lɛ: Ti ki la? Lɛ ŋwaànɛ a kìki dàm lɛɛ̀gwey.

ZYAŊ 16:2

Ɓɛ ri nàɓ mini ɓi naa yi bɔ̀ŋzɛ̀n; cààmɛ̀n ki riì kɔm̀, kɔ yɛɛ ri ɓa lɛ, i mum à woli kìbog ki ɓi mìni, à fèkì lɛ à kìi Bɛ̀ll kìsay.

MƐ̀KÌKÌÌ MƐ ƁƐKƐ̀NÌ-FÌTOM 17:14

Ɓɛ̀geni ɓaa ɓɛ righerɛ̀n ɓɛ ghas min ki kìi lɛ Pol a kɛǹ ɓi ɓɛg à rìɓày à kìkòn, Silas rì Timote ɓɛɛ rɔɓkà lɔŋ a Bere.

MƐ̀KÌKÌÌ MƐ ƁƐKƐ̀NÌ-FÌTOM 22:19

Nni ǹkpaaghà lɛ: Kan, ɓɔmiɗ ɓɛ yii lɛ, mɛ̀ɛ nkɛ̀ngì ɓi naa yi bɔ̀ŋzɛ̀n, di mɓanɓan yi ɓumɓɛ ɓɛ gherɛɛ wɔ̀, m̀pìpìg ɓɔ ɓi naà-zày, ǹki reereɓsì lɛ ɓɛɛ ɓog ɓɔ kìtòn.

MƐ̀KÌKÌÌ MƐ ƁƐKƐ̀NÌ-FÌTOM 26:11

Mɛ̀ɛ nti m̀pɔnɔsàg ɓɔ ɓi naa yi bɔ̀ŋzɛ̀n yìcèm, ǹkàŋkaŋ ɓɔ lɛ, ɓɛɛ càɗ rìgherɛ̀n ɗyaa; bim yɛm̀ ìnɛ rì ɓɔ ì tèghɛ̀ngà lèg ànɛ lɛ, mɛ̀ɛ nti ǹkɛ̀ngàg ɓɔ ki ɓangii nsoò ɓi bàn yi tiràɓ.

MƐ̀KÌKÌÌ MƐ ƁƐKƐ̀NÌ-FÌTOM 9:2

à tɔg nyi ɓɛ̀kaàtà ɓɛ ɓɛ faa nyi Ìtèɗ wulɛ, a kɛǹ a Damas, i à tanɛɛ ɓum ɓi naa yi bɔ̀ŋzɛ̀n, nsoò, ɓɛ̀yiɓ nsoò ɓɛ̀baŋì ɓɛ ɓɛɛ̀ nɔ̀ɔnɔɔ̀tì bee i Kan, a ɓangiì ɓɔ a ki sug yi rì ɓɔ a Yorisalɛm ɓɛ̀kàgakɛn.

FÌLÌPYƐŊ 3:2

Ɓi konàg rì bu, ɓì konàg rì ɓìɓeɓtàg ɓi ɓɛ̀kìì-ɓìsay, ɓì ki konag ti rì ɓumɓɛ ɓɛ ri ɓɛ̀kɛ̀rɛn lɛ ɓɛɛ ɓɔŋ̀ ɓɛ̀ro ɓum.

2 TIMOTE 4:15

Ù konàg girig ɗì nyi ɓisuulɛ à ɗùùghà rì ɓìɓan ɓi tì kpaaghà rì ìtèɗ.

EBIREEGH 11:36

Ɓɛ fengàkà tì ɓɛ̀ro ɓɛdɛŋ, ɓɛ bog ɓɔ kìtòn rì gbaǹ, ɓɛ kagì ɓɔ bɛǹ, ɓɛ ki pìki ɓɔ ɓi naà-zày.