MATYOO 10:14 - Bafia Nouveau Testament

¹⁴ I ɓɛ ɓeni mìni kì ghàɓi, nsoò lɛ ɓɛ ɓeni kì woògh ɓìɓan ɓi ɓi kpaakpàà, kpaŋina ɓi naa nsoò lɛ ɓi bàn ìnɛ ɓɛ ɓeni mìni ìnɛ̀n wɔɔ, ɓi kwiɗ kùrùɓu ànɛ mìni ɓi mɛ̀kòò.

MATYOO 10:14 ပူးပေါင်းရင်းမြစ်များ

MATYOO 10:13

I ɓumɓɛ ɓi naa ìnɛ̀n ɓɛ ghaɓi mìni, fyòoog ànɛ ɓi rìì ɗì nyi à ɓa ɓi ɓɔ, wɔ̀lɛ ì ɓɛ ghaɓi ɓi mini, fyòoog wìn a sugtìì mìni ɓi nyòò.

MATYOO 18:5

Fɔɔnnɛ i mum à ghàɓi maa ŋwɔɓti yɛ̀ɛ ànɛ ɓi ɗii ɗyɛ̀m di mɛ̀ nnɛ à ghàɓi.

MARIKUS 6:11

I ɓɛ ɓeni mìni kì ghàɓi jàŋ idɛŋ, nsoò lɛ ɓɛ ɓeni kìwoògh com ki ɓi kpaakpàà, i ɓì ti ɓiì pɛ̀sɛɛ ɓi jàŋ inɛ̀n, ɓì kwìɗ kùrùɓu ànɛ mìni ɓi mɛ̀kòò, rìkì ɗiǹ ɗyɛɛ̀ rèresi ɓumɓɛ̀n zɛ̀ɗ yaà.

MARIKUS 9:37

Mum ǹcèm ànɛ à ghàɓi maa ŋwɔɓti yɛ̀ɛ ànɛ rì kìnyàà ɓisu wɛ̀m a yi lɛ mɛ̀ɛmiɗ nnɛ à ghàɓi; nni ŋwaànɛ à ghàɓi mɛ̀, a yi lɛ, àa mɛ̀ nnɛ à ghàɓi, à ghàɓi ŋwaànɛ à romgày mɛ̀.

LUKAS 9:48

à kpaa ɓɔ lɛ: Ŋwaànɛ à ghàɓi maa ŋwɔɓti ànɛ ɓi ɗii ɗyɛ̀m, di mɛ̀ɛmiɗ innɛ à ghàɓi; fɔɔnnɛ mum ǹcèm ànɛ à ghàɓi mɛ̀ à ghàɓi girig roànɛ à romgày mɛ̀ ɓisuulɛ roànɛ à ɓiì ɓiisɛɛ ki ghɛnɛɛ lɛsàaag ɓi nyìinyìm wìn, nnyɛɛ cee mìniìcèm.

LUKAS 9:5

Jàŋ bimiɗ ìnɛ ɓɛ beni mìni kì ghàɓi, kùrina kùrùɓu ànɛ mìni ɓi mɛ̀kòò di ɓì ti ɓiì pɛ̀sɛɛ ɓi bàn ìncèm, rìkì ɗiǹ ɗyɛ resi zɛ̀ɗ yaà.

ZYAŊ 13:20

Ǹkpaa mìni saaɗ à rìkpaa lɛ, i mum à ghàɓi mum wɛm̀ à fìtom, di mɛ̀ nnɛ à ghàɓi, i mum à ki ghàɓi mɛ̀, di à ghàɓi roànɛ à romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 13:51

Ɓɛ̀roɓɛ̀n ɓɛ kwiɗ kùrùɓu ànɛ ɓi mɛ̀kòò maa ɓi ɓɔ, lɛ a ɓa kìrèmzɛnà ki lɛ, ɓɛ nàɓi ɓɔ; fɔɔnnɛ ɓɛ pɛsɛ̀ngà min ɓɛ kɛǹ a Ikonyɔm.

MƐ̀KÌKÌÌ MƐ ƁƐKƐ̀NÌ-FÌTOM 18:6

Yɛ̀ɛ Ɓɛ̀yudɛ̀n ɓɛ ɓeèdɛ̀ngà ɓìɓan ɓi Pol à kpaakpààghà, ɓɛ ki sɛmgi nyi, fɔɔnnɛ à sàɗkà kùrùɓu ànɛ à ɓaghà nyi ɓi ɓìlàà à kpaa ɓɔ lɛ: Ì ɓì ɗyaŋi ŋwos yɛ̀ɛ gɛɛ̀nɛ, di zɛ̀ɗ yiǹ ì mìniìɓɔmiɗ, mɛ̀ ǹ-yiìdi miì rì bɛ̀lɛn. Fɔɔnnɛ à tumɛ̀n ɓigomìnɛ, ǹ-yùu kì kɛ̀ɛ a ɓɛ̀roɓɛ ɓɛ yin Ɓɛ̀yudɛ̀n.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.