MATYOO 10:1 - Bafia Nouveau Testament

¹ Nni Yeesus à reŋìghà ɓɛ̀yilàg ɓii ǹtɛ̀ɗ rì ɓɛɓɛɛ̀, à fa ɓɔ ìtèɗ wu ɓɛɛ kiki lɛ, ɓɛ nanàɓ ɓìɓeɓtàg ɓi mɛghay, ɓɛ wɔɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 10:1 ပူးပေါင်းရင်းမြစ်များ

MATYOO 19:28

Yeesus à ɓàg ɓɔ lɛ: Ǹkalii mìni ɓi saaɗ lɛ, yɛɛ Man à mum à kɔ̀rii gɛ ɓi-kɔ̀ɔ̀ wii wu rilàmì wu rikem, ɓi cààmɛ̀n ki ɓyom ɓìcèm ɓi sugtii gɛ ɓɛ̀nyɔɔnyɔn ɓɛ ɓyom, mìni ɓɛ ɓì nɔ̀ɔ̀tìghà mɛ̀, ɓì kɔ̀rii gɛ girig ɓi mɛ̀kɔ̀ɔ̀ mɛ rilàmì ǹtɛ̀ɗ rì mɛɓɛɛ̀, lɛ ɓi yɔm̀ mɛ̀pwìɗ mɛ Isirayɛl ntɛ̀ɗ ɗì mɛɓɛɛ̀.

MATYOO 26:20

Yɛ̀ɛ cɛŋkò ki kpagà, Yeesus à kɔ̀rì ɓi ɓìɗilàg rì ɓɛ̀yilàg ɓii ǹtɛ̀ɗ rì ɓɛɓɛɛ̀.

MATYOO 26:47

Yeesus à kaka à kpaakpàà fɔlɔɔ, nni Zyudas ànɛ à ɓaghà kìbog ki ɓi ɓɛ̀yilàg ɓii ǹtɛ̀ɗ rì ɓɛɓɛɛ̀, à ghàskà kì kpaŋì. A ɓaghày rì coo kituu ki ɓum ki ɓɛ̀pìrɛɛtìrɛ̀ ɓɛgwey rì ɓɛ̀sɛ̀ɛ̀mɛn ɓɛ romgày; ɓumɓɛ̀n ɓɛ yughày lɛ rì gàfàg, rì ɓìgeŋ.

MATYOO 4:23

Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

MATYOO 9:35

Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm.

MATYOO 9:38

Ɓɔ̀ŋzaaghna min ŋwaànɛ à rì rì mɛ̀saŋ lɛ a rom yì ɓɛ̀kìì-ɓìsay ɓi dɛm yiì ì mɛ̀saŋ.

LUKAS 10:19

Ghɛɛna lɛ, mɛ̀ɛ nfaa mìni ìtèɗ wulɛ ɓi kɛɛ̀kɛɛ ɓi nyoo, rì ɓi tìrèè, ɓi ki dùŋzag ìteɗ wu bènàbena ànɛ lɛ Satàn wùcèm; fɔɔnnɛ com kaa kì ɓi wààdɛŋ.

LUKAS 21:15

ɓisuulɛ mɛ̀ɛmiɗ yɛɛ ri mìni ɓiì faà ǹkpaà rì ɗyomzɛ̀n, ɓi ɓi ri ɓiì yaàgh ɓɛ̀bènàbena ɓin, ɓɛ̀ kɛɛ̀ ghɛɛ̀di ŋwɔm.

LUKAS 24:49

Fɔɔnnɛ ǹɗì ɓiì romìì com ki Tààta wɛ̀m à kàkà, kìɓan kifog ɓì ka ghɛ̀ɛ̀sɛɛ kì rɔ̀ɓi ɓi bàn ìnɛ à kpaŋ yɛ̀ɛ ɓì rì ɓìi terì ìtèɗ wu wu riì aɗyòò.

LUKAS 6:13

Ɓi duri tana, à reŋìghà ɓɛ̀yilàg ɓiì, à ɓɔ̀n ɓum miì ǹtɛ̀ɗ rì ɓɛɓɛɛ̀, à ròò ɓɔ ɗii lɛ, ɓɛ̀kɛ̀nì-fìtom.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 3:27

Nni Zyaŋ à ɓàkà ɓɔ lɛ: Mum à yin lɛ à ɓa rì com kidɛŋ, ki ki yin ki Bɛ̀ll à faa nyi.

ZYAŊ 3:35

Seŋi à keesii Man, fɔɔnnɛ à faghà ɓìɓan ɓìcèm ɓi ɓyàg ɓii.

ZYAŊ 6:70

Yeesus à pɛ̀ɛ̀zì ɓɔ lɛ: Mɛ̀ɛ nti mɛ̀ yɛɛ ɓɔngà mìni ɓɛ̀sɛ̀ɛ̀ ntɛ̀ɗ rì ɓɛɓɛɛ̀? Ǹsoò fɔlɔɔ, kìbog ki ɓi mìni ki ri Satàn.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 19:15

Kìɓeɓtàg ki nghay ki ɓaàg ɓɔ lɛ: Mɛ̀ ǹ-yii Yeesus, ǹki yi ghɛn yɛɛ rì lɛ Pol; nni mìniìɓɔmiɗ, mìnii ri ɓɛ̀ghɛn?

ÀPÒKÀLIƁSƐ̀ 12:1

Coo kifèèghrɛnà ki resɛ̀ngà ɓi ɗyoo ɓi ɗùm; giɓ ŋ̀waatɛn ŋwos yɛ̀ɛ kìlàà, ŋwii à lònlòm nyi a mɛ̀kòò-zi, tàm à rìkem ànɛ à ɓaghà rì tyɔɛy ntɛ̀ɗ rì tiɓɛɛ̀ nyi ɓi nto.