MARIKUS 9:50 - Bafia Nouveau Testament

⁵⁰ Kìkòn ki ri syeesyee à com. Nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, ɓɛ ri lɛ ɓɛ yɛɛ̀sì tì kɔ rì cɛ? Ɓaana rì kìkòn ɓi mìniìɓɔmiɗ, ɓì ki kɔ̀ri lɛ fyòoog, ɓi nyìinyìm wìn.

MARIKUS 9:50 ပူးပေါင်းရင်းမြစ်များ

MATYOO 5:13

Mìni yɛɛ rì kìkòn ki ɓi ziinɛ, nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, cɛ kɛɛ̀ki ɓɛ ɓiì kìi lɛ kɛɛ yɛɛ̀ti? Ki rɔɓi lɔŋ lɛ, ɓɛɛ sòɓ kɔ ɓidan, ɓum ɓɛɛ nyɔɔ̀ kɔ rì mɛ̀kòò.

MARIKUS 9:34

Wɔ̀lɛ ɓɛ minɛ̀n nyi, ɓisuulɛ ɓɛ kaàkàrɛ̀ngà jɛ̀ɛ̀ lɛ ɓɛɛ yi ghɛn anɛ ɓi ɓɔ yɛɛ cee ɓɛ̀ro ɓɛmbog.

MARIKUS 9:49

Ɓisuulɛ mum bimiɗ à ɓiì ɓaà rì kìkòn ɓi nyoo lɛ ɗuu.

RÒMƐŊ 12:18

I bee ì rì lɛ ì ɓa, lèg ànɛ yɛ̀ɛ ìtèɗ win wu ri lɛ wu kpaŋ, ɓì ghɛ̀ɛ̀sɛɛ kì ghɛɓì lɛ fyòoog rì ɓum ɓɛ̀cèm.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

KÒLÒSYƐŊ 4:6

Ɓìtòkì ɓin ɓi ghɛɛ̀sɛɛ kì ɓalaagh ɓitòkì ɓi geesɛ̀n, ɓi yɛyɛ̀y yɛ̀ɛ kìkòn; fɔɔnnɛ ɓì ɓiì yiì lannɛ ɓì ghɛ̀ɛ̀sɛɛ lɛ ɓì ɓàg mum ǹcèm ànɛ ɓi ɓɔ, di à tɔɔgh mìni kìɓan.

TÈSÀLÒNÌSYƐŊ 5:13

Terina ɓɔ rì coo nyaasɛ̀n lɛɛ̀gwey rì ǹkɔ̀nɛ̀n ɓisuu kìsay ki ɓɛɛ̀ kìkì. Ghɛbina lɛ fyòoog ɓi nyìinyìm wìn.

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

ZYAG 1:20

ɓisuulɛ ŋwaànɛ bim yɛɛ̀ kìkì, à ti kɛ̀ɛ roòzi rikì ɗi ɓiɓan ɓi ɓi ri lɛ saaɗ ɓi mis mɛ Bɛ̀ll.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.