MARIKUS 9:43 - Bafia Nouveau Testament

⁴³ I càg kɔɔ kɛɛ ri lɛ kɛɛ kɛɓti wɔ̀ fìɓàg, rena kɔ, lɛ ki ri wɔ̀ kìrɔɔ lɛ u ghɛn cɛɓ di ù rì càg kìfog à cee lɛ u kɛǹ ɓi kìgɛ̀ŋ ki ɗuu ɗi fiɗyàɓ fikɔ̀ɔ̀ rì ɓyàg ɓyɔɔ ɓìcèm. [

MARIKUS 9:43 ပူးပေါင်းရင်းမြစ်များ

MATYOO 17:27

Wɔ̀lɛ ɓi ɗi lɛ tyɛ̀ ki kɛ̀ɓti ɓɔ fìɓàg, kɛ̀na ɓi rìɓày, u pig fìlɔɓ, kìzɛn ki ki ɓiì loògh kì ɗiì, sɔri kɔ̀, pini kɔ ŋwɔm fɔɔnnɛ, ù ɓiì tanɛɛ firaŋ̀ fi mɔ̀ɔ̀ni miì, tera fìraŋ̀ fiǹ u fa ɓɔ fyɔ ɓisuu làmpoŋ̀ wìs, lɛ rì mɛ̀ rì wɔ̀.

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MATYOO 3:12

À rìì rì mɛ̀tɛŋkɛlɛ mii ɓi càg, fɔɔnnɛ à ɓiì fyɔnì kìbog kii à foŋ gèŋ i cag-cag ɓi ɓìkàɗ; wɔ̀lɛ à tɔ̀n ɓìkoroɗ ɓi ɗuu ɗi ɗyɛ̀ kɛɛ̀ ɗimi.

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MARIKUS 9:44

Jaŋ ìnɛ zyèɗ yi ti yɛ̀ kɛɛ̀ wu, ɗuu ɗyɛ̀ kɛɛ̀ ɗimi.]

LUKAS 14:13

Kìlag lɔŋ lɛ, i ù rì ɓi kìsɛ̀nɛ̀, ù reŋɗɛ̀n lɛ rì ɓɛ̀soghàsogha rì ɓìwɔ̀g rì ɓɛ̀lɛnlɛm, rì ɓɛ̀ɗyaŋɗyàŋ.

LUKAS 14:21

Fɔlɔɔ nnɛ ǹkìì-kìsay a sugtìghà kì kpaà masà wìì ɓìɓan ɓiǹ ɓìcèm. Nni ŋwaàmɛɛ a wokà bim, à ki kpaa ǹkìì-kìsay anɛ̀n lɛ, kɛ̀na lɛ fyɛ̀ɗ, ɓi ɓìyan ɓi tyèè, rì ɓi ɓìɓàà ɓi ɓi bàn, u regiì mɛ̀ lɛ, rì ɓɛ̀soghàsogha, rì ɓìwɔ̀g, rì ɓɛ̀ɗyaŋɗyàŋ, rì ɓɛ̀lɛnlɛm,

LUKAS 3:17

À rìì rì mɛ̀tɛŋkɛlɛ mii ɓi càg, lɛ a ghasi lɛ rì ɓìfɛfɛy, rì gèŋ i cag cag; à ɓiì foŋi gèŋ ɓi kìkpoŋ kii; fɔɔnnɛ à ɓiì tɔ̀ni ɓifɛfɛy ɓi ɗuu ɗi ɗyɛ̀ kɛɛ̀ ɗimi.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

1 KƆ̀RƐ̀ŊTYƐŊ 9:27

Nkìki kɔm̀ nyoo yɛ̀m rìgɛn, ǹghaasì yɔ̀ ǹkpàn lɛ kɛ̀ kɛɛ̀ ɓaa gɛ lɛ mɛ̀ɛmiɗ anɛ ǹkpaaghà ɓum ɓɛdɛŋ Syeesyee à Ɓɔlɛ, mɛ̀ yɛɛ ɓa ǹcàrɛn ɓi ɗyɔ̀m.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

1 PYƐƐRI 2:1

Càrina min kiɓeɓtàg ki nɗem bee yicèm, rì ɓɛ̀pwàà, rì mɛ̀ghèy, rì m̀mììghrɛ̀n, rì mɛ̀wɔ̀wɔrì,