MARIKUS 9:25 - Bafia Nouveau Testament

²⁵ Yɛ̀ɛ Yeesus à ghɛngà di ɓum ɓɛ ti ɓiì sùusuùrɛ̀n yì rì mɛ̀ree, nni à fwààdɛ̀ngà kìɓeɓtàg ki nghay à kpaa kɔ lɛ: Kìɓeɓtàg ki nghay ki ki tì ki pɛɛzàg ɓum ɓɛ̀lɔlɔg rì ɓɛ̀mùm-mùm, ǹkalii wɔ̀ lɛ, kpaŋa ɓi ŋwutyàànɛ, kɔ̀ɔ ki ɓììti ti kì ɗiŋii ɓi nyi.

MARIKUS 9:25 ပူးပေါင်းရင်းမြစ်များ

MATYOO 12:22

Nni ɓɛ yughày Yeesus rì ɗyaŋɗyàŋ àdɛŋ ànɛ à ɓaghà rì kìɓeɓtàg ki nghay, àncèm tì mùm-mùm, Yeesus à ki wɔ̀ɔ̀zi nyi ɓi lèg ànɛ lɛ ŋwaànɛ̀n à kìghà lɛ, à tòòghrɛ̀n, à ki ghɛnɛn.

MATYOO 17:18

Nni Yeesus à fwààdɛ̀ngà kìɓeɓtàg ki nghay, ki kpaŋ ɓi mutyàànɛ̀n, à ghàs kì wɔ̀ni lɔŋ wɔɔ foo.

MARIKUS 9:15

Lɔŋ yɛ̀ɛ gùl ì ɓum ìnɛ̀n ì soɓkà mis ɓi Yeesus, ì mughìì rì mɛ̀ree lɛ yɛ̀ɛ yu nyi kì tògsii.

MARIKUS 9:24

Fɔɔnnɛ seŋì ŋwɔɓtì ànɛ̀n à ghàskà kì kpaa jɛ̀ɛ̀ aɗyoo lɛ: Ǹgherɛɛ! Yu ɓà mɛ kì ghɛɓsii ɓi rìɓa ɗi lɛ ɗì kɛ̀ɛ̀ rìgherɛ̀n.

MARIKUS 9:26

Nni kìɓeɓtàg ki nghay ki ɓokà ŋwɔɓti ɓi zi rì ìtèɗ, ki faŋì di kɛɛ̀ kuukugsɛ̀n, ŋwutyàà mààghràg yɛ̀ɛ kìloŋ, ɓi lèg ànɛ lɛ ɓum lɛɛ̀gwey ɓɛ fefèkà lɛ à wii.

LUKAS 11:14

Yeesus à nànàɓkà kìɓeɓtàg ki nghay ki ki pɛɛ̀zìghà mum mùm-mùm, nni yɛ̀ɛ kìɓeɓtàg ki nghay kìn ki kpagà, ŋwaànɛ à ɓaghà mùm-mùm anɛ̀n à tòòghrɛ̀n; fɔɔnnɛ gwìy ì ɓum ìnɛ ì ɓaghà wɔɔ ì kuuràkà kìɓan kiǹ.

LUKAS 4:35

Yeesus à fwaàdɛ̀ngà kìɓeɓtàg ki ǹghay kìn, à kpaa kɔ lɛ: Sìmdi ŋwɔm, u ki kpaŋ ɓi ŋwaànɛ; nni kìɓeɓtàg ki ǹghay ki rogà ŋwaànɛ̀n ɓi zi ɓi nyìinyìm à ɓum, ki kpaŋ kɛ̀ kɛɛ̀ ki nyi com.

LUKAS 4:41

Ɓìɓeɓtàg ɓi mɛghay ɓi kpaŋkpàŋgà girig ɓum lɛɛ̀gwey ɓi nyoo, di ɓyɛɛ̀ syaasyaàdɛ̀n ɓi kpaakpàà lɛ: Ù rì Man à Bɛ̀ll, wɔ̀lɛ Yeesus kɛ̀ɛ fa ɓyɔ bee ìnɛ lɛ, ɓyɛɛ toòghrɛn, ɓisuulɛ ɓi yighà lɛ nnyɛɛ ri Kiris.

LUKAS 8:29

À kpaaghà fɔlɔɔ ɓisuulɛ, Yeesus à kàŋkàŋgà kìɓeɓtàg ki nghay lɛ, kɛɛ kpaŋ ɓi ŋwaànɛ̀n. Kìɓeɓtàg ki ǹghay kìn ki yeèyèèsìghà ŋwàanɛ̀n ɓyààmɛ̀n lɛɛ̀gwey; ɓi ɗi lɛ ɓɛɛ ɓɛŋ̀ nyi kɛ̀ɛ dèŋdeŋ, ɓɛ ǹkàgàg nyi ɓɛn ɗì mɛ̀sɛ̀ŋi mɛ bɔŋ lɛ, rì ɓyàg rì mɛ̀kòò, kìɓan kifog, àa nti à pwagì bɛn yiǹ, kìɓeɓtàg ki nghay kìn ki tini nyi lɛ a kɛǹ kì dèŋdeŋi ɓi mɛ̀reɓ.

LUKAS 9:42

Yɛ̀ɛ mutyàànɛn à tyɛ̀ɛ̀tɛ̀ngà yɛ̀ɛ Yeesus, kìɓeɓtàg ki ǹghay ki sɛn ɓi nyi, ki roŋ ɓi zi, à tumɛ̀n rì kìkì lɛ zaɗ zaɗ; fɔɔnnɛ Yeesus à fwààdɛ̀ngà kìɓeɓtàg ki ǹghay, à wɔ̀ɔ̀zì ŋwɔɓti, à pɛ̀ɛ̀zì nyi rì seŋì.

MƐ̀KÌKÌÌ MƐ ƁƐKƐ̀NÌ-FÌTOM 16:18

Ɓàlì ì mɛ̀ru ì ghaghìghà lɛɛ̀gwey ŋwutyàà giɓ anɛ̀n à kɛ̀nkɛ̀n lɔŋ asu à kpaakpàà fɔlɔɔ. Fɔɔnnɛ bim ì ɓaghà lɛ ì mɛ naasag Pol, à lɔ̀ɔ̀ghrɛ̀n à kpaa kìɓeɓtàg ki nghay ki ki ɓaghà ɓi giɓ anɛ̀n lɛ: Ɓi ɗii ɗi Yeesus Kiris, ǹtɔɔgh wɔ̀ lɛ, u pɛsɛn ɓi giɓ ànɛ. Nni kìɓeɓtàg ki nghay ki ghàskà kì pɛ̀sɛɛ ɓi gom yɔ̀miɗ inɛ̀n.

ZYUUDƐ 1:9

Nsoò Mikaɛl ànɛ à rì rìfòm ɗi ɓum ɓɛ titom, ɓi nywey yi ɓɛ ɓaghà miì di ɓɛɛ̀ kaakaŋ̀ɗɛ̀n kìloŋ ki Moyis ɓɛɛ̀ Satàn, à fèèghrɛ̀ngà ɓi nyi kì ɓaàgh bɔ̀rɔ, à kpaaghà lɔŋ Satàn lɛ: Kan nyimiɗ yɛɛ pɔnɔ̀si wɔ̀.