MARIKUS 9:24 - Bafia Nouveau Testament

²⁴ Fɔɔnnɛ seŋì ŋwɔɓtì ànɛ̀n à ghàskà kì kpaa jɛ̀ɛ̀ aɗyoo lɛ: Ǹgherɛɛ! Yu ɓà mɛ kì ghɛɓsii ɓi rìɓa ɗi lɛ ɗì kɛ̀ɛ̀ rìgherɛ̀n.

MARIKUS 9:24 ပူးပေါင်းရင်းမြစ်များ

MARIKUS 9:23

Yeesus à ɓàg ŋwaànɛ̀n lɛ: U kpaaghi mɛ lɛ i ù rì lɛ ù kì com kidɛŋ, lɛ wɔ̀ɔ̀ yii ɓi lɛ kìɓan ki ki ri lɛ ki yaaghrɛ̀n di ŋwaà rì rì rìgherɛ̀n ki yin?

MARIKUS 9:25

Yɛ̀ɛ Yeesus à ghɛngà di ɓum ɓɛ ti ɓiì sùusuùrɛ̀n yì rì mɛ̀ree, nni à fwààdɛ̀ngà kìɓeɓtàg ki nghay à kpaa kɔ lɛ: Kìɓeɓtàg ki nghay ki ki tì ki pɛɛzàg ɓum ɓɛ̀lɔlɔg rì ɓɛ̀mùm-mùm, ǹkalii wɔ̀ lɛ, kpaŋa ɓi ŋwutyàànɛ, kɔ̀ɔ ki ɓììti ti kì ɗiŋii ɓi nyi.

LUKAS 17:5

Fɔɔnnɛ ɓɛ̀kɛ̀nì-fìtom ɓɛ kpaaghà Kan lɛ: Tègsi rìgherɛ̀n ɗis.

LUKAS 7:38

à rɛlì Yeesus ajɛ̀m fɛlɛ̀ a mɛ̀kòò mii, à rènɗèn lèg ànɛ lɛ misì mii mɛ ɓwaŋzìghà mɛ̀kòò mɛ Yeesus. Fɔɔnnɛ à tɔ̀sìghà mɔ rì tyòŋ tii, à lɛ̀ŋlɛ̀ŋ mɔ à ki sisiŋi mɔ tìrààre.

LUKAS 7:44

Fɔɔnnɛ Yeesus à lɔɔ̀ghrɛ̀ngà yɛ̀ɛ giɓ anɛ̀n, à ki kpaa ti Simɔn lɛ: Ù ghɛɛ giɓ anɛ? Màa yùu a lɔ̀ŋkɔɔ, kɔɔ̀ fa mɛ mɛ̀nig mɛ lɛ nsoò mɛ̀kòò miì; wɔ̀lɛ nyii soo mɛ̀ mɛ̀kòò rì misì mii, à ki tɔ̀si mɔ rì tyòŋ tii.

MƐ̀KÌKÌÌ MƐ ƁƐKƐ̀NÌ-FÌTOM 10:19

Yɛ̀ɛ Pyɛɛri à ɓaghà lɔŋ ɓiì fèfeegh kìɓan ki à ghɛngà, nni Nghay à Bɛ̀ll à kpaaghà nyi lɛ: Wɛɛ̀ nnɛ ɓum ɓɛɛ tɔtɔg lɛ ɓɛ̀sɛ̀ɛ̀ ɓɛraa.

MƐ̀KÌKÌÌ MƐ ƁƐKƐ̀NÌ-FÌTOM 10:31

Kɔrinɛy Bɛ̀ll àa nwoogh bɔ̀ŋzɛ̀n yɔ̀ɔ̀, à ki yiti gɛ ɓyom ànɛ ù ti ù fafà ɓum ɓɛ nyìighnyìg.

2 KƆ̀RƐ̀ŊTYƐŊ 2:4

Ǹkàngày mìni rì coo ǹɗemi-kɛŋɛn lɛɛ̀gwey, rì misì ɓi mɛ̀tam; m̀ɓaghà ɓi ri rìyitì ɗi lɛ m̀ɓeɓsi mìni mɛ̀rem, ǹkɔ̀nkɔ̀ngà lɛ di ɓyàa yii coo nkɔ̀nɛ̀n ànɛ ǹɗì rì nyi ɓi ɓɛg wìn.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

2 TÈSÀLÒNÌSYƐŊ 1:11

Kìɓan kiǹ kɛɛ̀ki ɓìsiì ɓɔ̀ɔɓɔ̀ŋzì Bɛ̀ll cààmɛ̀n kìcèm ɓisu win lɛ, di Bɛ̀ll wìs a ki lɛ ɓi ɓa ɓumɓɛ ɓɛ ghɛɛ̀sɛɛ rì ǹɗeèghreŋi wii; à kì tì lɛ ɓi ɓa rì bee i ǹkìyɛn ɓiɓan ɓi syeesyee ɓìcèm ɓi ɓi kɔ̀nkɔ̀n, à ki kì lɛ kìsay ki rìgherɛ̀n ɗin ɗyɛɛ̀ kìkì kɛɛ ɓa lɛ syeesyee.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

2 TIMOTE 1:4

ɓisuulɛ ǹti ǹ-yiìyìtì misì mɔɔ fɔɔnnɛ ǹɗì rì coo zày ìnɛ lɛ di màa ghɛɛ̀dii wɔ̀ fɔlɔɔ nnɛ ǹɗem wɛ̀m wɛɛ rongi rì kìnyàà lɛ pisa.

EBIREEGH 12:17

Ajɛ̀m ìnɛn, yɛ̀ɛ à mɛɛ̀ kaaghà lɛ seŋi a maŋ nyi, nni à nàɓkà nyi lɛ bee inɛ à ɓaghà lɛ à lɔ̀gtì tì kìɓan ki à kìghà ì ɓaghà ɓi. Nsoò yɛ̀ɛ à kaakààghà bee fɔlɔɔ di a rènɗèn.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.